- Рысхы – сют юсюнде кёмюк кибикди.
- Арпа, будай – ащды, алтын, кюмюш а – ташды.
- Билимден уллу байлыкъ джокъду.
- Ишлегенден, къарагъан уста.
- Уллу къашыкъ эрин джыртар.
- От этилмеген джерден тютюн чыкъмайды.
- Чабакъсыз кёлге къармакъ салгъанлыкъгъа, чабакъ тутмазса.
- Джиби бир къат джетмей эди да, эки къат тарта эди.
- Эр сокъур болсун, къатын тилсиз болсун.
- Къарт болгъан джерде, берекет болур, сабий болгъан джерде, оюн болур.
- Келинин тута билмеген, къул этер, къызын тута билмеген, тул этер.
- Къыз чыгъаргъан – къызыл къымжа.
- Джюрекден джюрекге джол барды.
- «Ёгюз, джаргъа джууукъ барма, меннге джюк боллукъса», - дегенди эшек.
- «Ма», - дегенни билмесенг, «бер», - дегенни билмезсе.
- Кёл – къызбай, къол – батыр.
- Тойгъан антын унутур.
- Къан бла кирген, джан бла чыгъар.
- Айтхан – тынч, этген – къыйын.
- Аджашхан тёгерек айланыр.
- Кесине гебен этелмеген, биреуге черен эте эди.
- Эм уллу байлыкъ – джан саулукъ.
- Aдам боллукъ, сыфатындан белгили.
- Кюлме джашха – келир башха.
- Джолда аягъынга сакъ бол, ушакъда тилинге сакъ бол.
- Джаханимни кёрмей, джандетге кёл салмазса.
- Дуния мал дунияда къалады.
- Телиге от эт десенг, юйюнге от салыр.
- Джукъу тёшек сайламайды.
- Тюзню ётмеги тюзде къалса да, тас болмаз.
- Къыз келсе, джумуш эте келеди, къатын келсе, ушакъ эте келеди.
- Кесинге джетмегенни, кёб сёлешме.
- Кёрмегеннге кебек – танг, битмегеннге сакъал – танг.
- Аманнга алтын чыдамаз.
- Суу кетер, таш къалыр.
- Кесине оноу эте билмеген, халкъына да эте билмез.
- Акъыллы башны – тили къысха.
- Акъыллы – эл иеси, тели – эл баласы.
- Окъумагъан сокъурду, сокъур ташха абыныр!
- Кесинг сынамагъан затны, адамгъа буюрма.
- Ачыкъ джюрекге джол – ачыкъ.
- Аллахха ийнаннган кишини, Аллах онгдурур ишин.
- Айтханы чапыракъдан ётмеген.
- Сёз – кюмюш, джыр – алтын.
- Илму – джашауну джолу.
- Атадан ёксюз – бир ёксюз, анадан ёксюз – эки ёксюз.
- Джангыз терек къынгыр ёсер.
- Гугурук къычырмаса да, тангны атары къалмаз.
- Ауругъанны сау билмез, ач къарынны токъ билмез.
- Ашхы болсанг, атынг чыгъар, аман болсанг, джанынг чыгъар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72