- Нёгер болсанг, тенг бол, тенг болмасанг, кенг бол.
- Сабийликде юретмесенг, уллу болса – тюзелмез.
- Кюл тюбюндеги от кёрюнмейди.
- Сакъламагъан затынга джолукъсанг, не бек къууанаса, не бек ачыйса.
- Юй кюйдю да, кюйюз чыкъды, ортасындан тюйюш чыкъды.
- Таукел адам тау тешер.
- Суу ичген шауданынга тюкюрме.
- Нарт сёз – тилни бети.
- Чыкълы кюнде чыкъмагъан, чыкъса къуру кирмеген.
- Таула не мийик болсала да, аууш табылыр.
- Сёз сёзню айтдырыр.
- Ачыкъ джюрекге джол – ачыкъ.
- Ата Джуртча джер болмаз, туугъан элча эл болмаз.
- Эркиши – от, тиширыу – суу.
- Тамырсыз терекге таянма – джыгъылырса.
- Ат басханны джер билед.
- Айран ичген – къутулду, джугъусун джалагъан – тутулду.
- Аманны эки битли тону болур, бирин сеннге кийдирир, бирин кеси киер.
- Ашлыкъ – бюртюкден, джюн – тюкден.
- Ариуну – ауруу кёб.
- Соргъан айыб тюлдю, билмеген айыбды.
- Тюзню ётмеги тюзде къалса да, тас болмаз.
- Зар адам ашынгы ашар, кесинги сатар.
- Эрине къаргъыш этген къатын, эрнин къабар.
- Мухардан ач ычхынмаз.
- Окъугъан – асыу, окъумагъан – джарсыу.
- Ач, тоймам, дейди, тойгъан, ач болмам, дейди.
- Эл ауузу – элек, анга ийнаннган – халек.
- Чалманны аллы къалай башланса, арты да алай барады.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Кюн кёрмеген, кюн кёрсе, кюндюз чыракъ джандырыр.
- Башынга джетмегенни сорма.
- Бал ашаргъа сюе эсенг, чибин ургъаннга тёз.
- Ётген ёмюр – акъгъан суу.
- Джашынгы кесинг юретмесенг, джашау юретир.
- Бек ашыкъгъан меннге джетсин, дегенди аракъы.
- Дженгил джетерикме деб, узун джолну къоюб, къысхасын барма.
- Баш болса, бёрк табылыр.
- Бёрю да ач къалмасын, эчки да ашалмасын.
- Айтхан сёзюне табылгъан.
- Уллу сёзде уят джокъ.
- Тюкюрюк баш джармаз, налат кёз чыгъармаз!
- Аманнга да, игиге да оноусуз къатышма.
- Джырчы джырчыгъа – къарнаш.
- Къаллай салам берсенг, аллай джууаб алырса.
- Къонакъ хазыр болгъанлыкъгъа, къонакъбай хазыр тюлдю.
- Къая джолда джортма, ачыкъ сёзден къоркъма.
- Намыс сатылыб алынмайды.
- Ашыкъгъан cуу, тенгизге джетмез.
- Акъыллы айтыр эди, акъылсыз къоймайды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72