- Эки къатын алгъанны къулагъы тынгнгаймаз.
- Ариуну – ауруу кёб.
- Эшекни не къадар тюйсенг да, ат болмаз.
- Окъугъан озар, окъумагъан тозар.
- Сабийликде юретмесенг, уллу болса – тюзелмез.
- Ишлемеген – тишлемез.
- Бастасын ашагъан, хантусун да ичер.
- Джангызны оту джарыкъ джанмаз!
- Чакъырылгъанны аты, чакъырылмагъанны багъасы болур.
- Термилгенинги табмазса, кюлгенинге тюберсе.
- Сёз садакъдан кючлюдю.
- Нарт сёз – тилни бети.
- Сабий болмагъан джерде, мёлек болмаз.
- Къызны минг тилер, бир алыр.
- Ашыкъгъанны этеги бутуна чырмалыр.
- Кеси юйюмде мен да ханма.
- Эл элде бирер малынг болгъандан эсе, бирер тенгинг болсун.
- Булут кёкге джарашыу, уят бетге джарашыу.
- Тойгъандан сора, ашны сёкме.
- Ёзденликни джайгъан – джокълукъ.
- Акъдан къара болмаз.
- Элиб деген, элге болушур.
- Адам къаллай бир ишленмесе, аллай бир кесин уллу кёреди.
- Ачылгъан эт джабылыр, кёрген кёз унутмаз.
- Тилде сюек болмаса да, сюек сындырыр.
- Ишге юренсин къоллары, халкъ бла болсун джоллары.
- Ушамагъан – джукъмаз.
- Къыйынлы джети элге оноу этер.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Келгинчи, къонакъ уялыр, келгенден сора, къонакъбай уялыр.
- Сютню башын джалагъан къутулур, тюбюн ичген тутулур.
- Биреуге кёлтюрген таягъынг, кесинги башынга урур.
- Туз, гырджын аша, тюзлюк бла джаша.
- Эте билген, этген этеди, эте билмеген, юретген этеди!
- Джюрекден джюрекге джол барды.
- Чабакъ башындан чирийди.
- Кёбге таш атма.
- Акъыл аздырмаз, билим тоздурмаз.
- Адам боллукъ, атламындан белгили болур.
- Миллетни бойну – базыкъ, аны бла кюрешген – джазыкъ.
- Баргъанынга кёре болур келгенинг.
- Кийимни бичсенг, кенг бич, тар этген къыйын тюлдю.
- Ишни ахырын ойламай, аллын башлама.
- Адамны джюреги нени кёрюрге сюйсе, кёзю да аны кёрюрге ёч болады.
- Иги сеники эсе да, сюйген кесимикин этеме.
- Арбаз сайлама да, хоншу сайла.
- Адеби болмагъан къыз – тузсуз хант.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тай асырагъан, атха минер.
- Къыз чыгъаргъан – къызыл къымжа.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72