Эльбрусоид :: Форум :: Архив форумов

Тили узунну, намысы – къысха.
Сютню башын джалагъан къутулур, тюбюн ичген тутулур.
Джырчы джырчыгъа – къарнаш.
Адам сёзюнден белгили.
Танг атмайма десе да, кюн къоярыкъ тюйюлдю.
Сабий болмагъан джерде, мёлек болмаз.
Айранын берсенг, челегин да къызгъанма.
Эртде тургъан джылкъычыны эркек аты тай табар.
Адам сёзге тынгыла, акъыл сёзню ангыла.
Суугъа – таянма, джаугъа – ийнанма.
Ариуну – ауруу кёб.
Кёрмегеннге кебек – танг, битмегеннге сакъал – танг.
Ёнгкюч къууана барыр, джылай келир.
Ачлыкъ отха секиртир.
Ашхы болсанг, атынг чыгъар, аман болсанг, джанынг чыгъар.
Аджаллыгъа окъсуз шкок атылыр.
Сакъалы текени да бар, мыйыгъы киштикни да бар.
Къазанчы аман болса, къазаны къайнамаз.
Къарнынг къанлынга кийирир.
Аджалсыз ёлюм болмаз.
Тил джюрекге джол ишлейди.
Дуния мал дунияда къалады.
Ишлемеген – тишлемез.
Тилчи тилден къаныкъмаз.
Минг тенг да азды, бир джау да кёбдю.
Ат да турмайды бир териде.
Урунуу – насыбны анасы.
Хазыр ашха – терен къашыкъ.
Чомарт къонакъ юй иесин сыйлар.
Тойгъанлыкъ къойгъа джарашады.
Кёз – сюйген джерде, къол – ауругъан джерде.
Эркишиге тары кебек танг кёрюнюр.
Тюзню ётмеги тюзде къалса да, тас болмаз.
Къонакъ хазыр болгъанлыкъгъа, къонакъбай хазыр тюлдю.
Ойнай билмеген, оюн бузар.
Ашлыкъ – бюртюкден, джюн – тюкден.
Келгинчи, къонакъ уялыр, келгенден сора, къонакъбай уялыр.
Намысы джокъну – дуниясы джокъ.
Ач да бол, токъ да бол – намысынга бек бол.
Акъыллы – эл иеси, тели – эл баласы.
Насыб бютеу халкъны юлюшюдю.
Уллу къазанда бишген эт, чий къалмаз.
Ач отунчуну ачыуу – бурнунда.
Эл тойса, тоймагъан, эл къойса, къоймагъан.
Къуллукъчума, деб махтанма, къуллукъ – хаух джамчыды!
Керилген да, ургъан кибикди.
Тиширыусуз юй – отсуз от джагъа.
Сангырау къулакъ эл бузар.
Тил – кесген бычакъ, сёз – атылгъан окъ.
Эл ауузу – элек, анга ийнаннган – халек.

Логин:
Пароль:
	Запомнить меня на этом компьютере

Забыли свой пароль?
Регистрация