Эльбрусоид :: Форум :: Архив форумов

Айырылгъанланы айю ашар, бёлюннгенлени бёрю ашар.
Ишлемеген – тишлемез.
Эки элинги тыйсанг, джети элде махталырса.
Эринчекге кюн узун.
Тил – кесген бычакъ, сёз – атылгъан окъ.
Иги болса, тамадама – махтау, аман болса, меннге – айыб.
Накъырда – кертини келечиси.
Акъыллы айтыр эди, акъылсыз къоймайды.
Рысхы – насыбха къор.
Кёзюнде тереги болгъан, чёбю болгъаннга кюле эди.
Джангыз торгъай джырламаз.
Тулпарлыкъ, билекден тюл – джюрекден.
Туз, гырджын аша, тюзлюк бла джаша.
Олтуруб кёрюнмей эди да, ёрге туруб кёрюне эди.
Къая джолда джортма, ачыкъ сёзден къоркъма.
Атлыны кёрсе, джаяуну буту талыр.
Къазанда болса, чолпугъа чыгъар.
Акъыл бла адеб эгизледиле.
Ашхы – джыяр, аман – джояр.
Эллинг бла джау болсанг да, юйюнг бла джау болма.
Джерни букъусу кёкге къонмаз.
Сакъ юйюне сау барыр.
Тура эдим джата, къайдан чыкъды хата?
Джети тилни билген джети кишиди.
Келлик заман – къартлыкъ келтирир, кетген заман – джашлыкъ ёлтюрюр.
Ашда уялгъан – мухар, ишде уялгъан – хомух.
Чомарт джарлы болмаз.
Аджашхан тёгерек айланыр.
Башы джабылгъан челекге, кир тюшмез.
Чомарт къонакъ юй иесин сыйлар.
Башынга джетмегенни сорма.
Чомартха хар кюн да байрамды.
Къызбайны юйюне дери сюрсенг, батыр болур.
Элге къуллукъ этмеген, элге ие болмаз.
Акъыл сабырлыкъ берир.
Душманны тышы – акъ, ичи – къара.
Сангырау къулакъ эл бузар.
Нарт сёз къарт болмаз.
Ётюрюкню башын керти кесер.
Агъач – джерни чырайы, кийим – эрни чырайы.
Джылар джаш, атасыны сакъалы бла ойнар.
Бал ашаргъа сюе эсенг, чибин ургъаннга тёз.
Ашха уста, юйюнде болсун
Ариу сёз аурууунгу алыр.
Дженгил джетерикме деб, узун джолну къоюб, къысхасын барма.
Кёб джашагъан – кёб билир.
Ариу сёз джыланны орнундан чыгъарыр.
Эте билген, этген этеди, эте билмеген, юретген этеди!
Аджал соруб келмез, келсе, къайтыб кетмез.
Сабийликде юретмесенг, уллу болса – тюзелмез.

Логин:
Пароль:
	Запомнить меня на этом компьютере

Забыли свой пароль?
Регистрация