- Болджал ишни бёрю ашар.
- Кесинг сынамагъан затны, адамгъа буюрма.
- Къоркъакъны кёзю экили кёрюр.
- Таугъа чыгъаллыкъ эсенг, тюзде къалма.
- Акъыл неден да кючлюдю.
- Намысы джокъну – дуниясы джокъ.
- Хаухну атма, ёнгкючню сатма.
- Бир абыннган – минг сюрюнюр.
- Элге къуллукъ этмеген, элге ие болмаз.
- Билимден уллу байлыкъ джокъду.
- Баш – акъыл ючюн, акъылман – халкъ ючюн.
- Билим насыб берир, билим джолну керир.
- Билими азны – ауузунда кирит.
- Тамчы таш тешер.
- Шайтан алдады, тюзлюк къаргъады.
- Кенгеш болса, уруш болмаз.
- Къаллай салам берсенг, аллай джууаб алырса.
- Бир онгсуз адам адет чыгъарды, деб эштирик тюлсе.
- Ашлыкъны арба юйге келтирир, чана базаргъа элтир.
- Суу ичген шауданынга тюкюрме.
- Накъырда – кертини келечиси.
- Гыдай эчки суугъа къараб, мюйюзле кёрмесе, джашма алкъын, дегенди.
- Эм ашхы къайын ана мамукъ бла башынгы тешер.
- Ашда – бёрю, ишде – ёлю.
- Джетген къыз джерли эшекни танымаз.
- Магъанасыз сёз – тауушсуз сыбызгъы.
- Ауругъанны сау билмез, ач къарынны токъ билмез.
- Къар – келтирди, суу – элтди.
- Хансыз джомакъ болмаз.
- Керек ташны ауурлугъу джокъ.
- Таш бла ургъанны, аш бла ур.
- Кюн кёрмеген, кюн кёрсе, кюндюз чыракъ джандырыр.
- Билимли ёлмез, билимсиз кёрмез.
- Къатын байлыкъны сюер, эр саулукъну сюер.
- Башы джабылгъан челекге, кир тюшмез.
- Телиге акъыл салгъандан эсе, ёлгеннге джан салырса.
- Чомартха Тейри да борчлуду.
- Кёбден умут этиб, аздан къуру къалма.
- Къонакъ кёб келюучю юйню, къазаны отдан тюшмез.
- Ачлыкъ отха секиртир.
- Арбаз сайлама да, хоншу сайла.
- Кийиминг бла танылма, адамлыкъ бла таныл.
- Башланнган иш битер, къымылдагъан тиш тюшер.
- Насыб бютеу халкъны юлюшюдю.
- Эл элде бирер малынг болгъандан эсе, бирер тенгинг болсун.
- Юйюнгден чыкъдынг – кюнюнгден чыкъдынг.
- Айран тёгюлсе, джугъусу къалыр.
- Биреу ашаб къутулур, биреу джалаб тутулур.
- Мени джылытмагъан кюн, меннге тиймесин!
- Къызын тута билмеген, тул этер, джашын тута билмеген, къул этер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72