- Ашхы тенг джолгъа салыр, аман тенг джолдан тайдырыр.
- Тойгъа алгъа да барма, тойда артха да къалма.
- Джюрекге ариу – кёзге да ариу.
- Айранны сюйген, ийнек тутар.
- Ачлыкъда тары гырджын халыуадан татлы.
- Чакъырылмагъан джерге барма, чакъырылгъан джерден къалма.
- Накъырданы арты керти болур.
- Этни бети бла шорпасы.
- Чоюнну башы ачыкъ болса, итге уят керекди.
- Кечеси – аяз, кюню – къыш, джарлы къаргъагъа бир аш тюш!
- Татлы сёз – балдан татлы.
- Джырчы ёлсе, джыры къалыр.
- Къан бла кирген, джан бла чыгъар.
- Минг тенг да азды, бир джау да кёбдю.
- Иши джокъну, сыйы джокъ.
- Кёпюр салгъан кеси ётер, уру къазгъан кеси кетер.
- Джарлыны тону джаз битер.
- Чомарт джарлы болмаз.
- Акъыллы айтыр эди, акъылсыз къоймайды.
- Иги сёз – джаннга азыкъ, аман сёз башха – къазыкъ.
- Тюз сёз баргъан сууну тыяр.
- Хар адамгъа кеси миннген тау кибик.
- Джашда акъыл джокъ, къартда къарыу джокъ.
- Бир онгсуз адам адет чыгъарды, деб эштирик тюлсе.
- Тиширыусуз юй – отсуз от джагъа.
- Аз сёлешген, къайгъысыз турур.
- Элиб деген, элге болушур.
- Къолу уллу – асыу, аягъы уллу – джарсыу.
- Азыгъы аз, алгъа къабар, аты аман, алгъа чабар.
- Кёбню кёрген – кёб билир.
- Юй ишлеген балта эшикде къалыр.
- Баш болса, бёрк табылыр.
- Къартны бурнун сюрт да, оноугъа тут.
- Зарда марда джокъ.
- Къарнынг къанлынга кийирир.
- Къонакъ аз олтурур, кёб сынар.
- Ашаса, ашамаса да, бёрюню ауузу – къан.
- Тин – байлыгъынг, терен саулугъунг.
- Тёрде – темир таякълы, къаяда – чыпчыкъ аякълы.
- Тойгъандан сора, ашны сёкме.
- Сёз – кюмюш, джыр – алтын.
- Онгсузну – джакъла, тенгликни – сакъла.
- Ишленмеген джаш – джюгенсиз ат, ишленмеген къыз – тузсуз хант.
- Окъумагъан сокъурду, сокъур ташха абыныр!
- Ач уят къоймаз.
- Эл элде бирер малынг болгъандан эсе, бирер тенгинг болсун.
- Ашлыкъ – бюртюкден, джюн – тюкден.
- Керилген да, ургъан кибикди.
- Къарт бла баш аша, джаш бла аякъ аша.
- Телиге от эт десенг, юйюнге от салыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72