- Тулпарлыкъ, билекден тюл – джюрекден.
- Тил – миллетни джаны.
- Махтаннган къыз, тойда джукълар.
- Сёз сёзню айтдырыр.
- Къартха ушагъан джаш – акъыллы, джашха ушагъан къарт – тели.
- Ёгюзню мюйюзлери ауурлукъ этмейдиле.
- Джюрекден джюрекге джол барды.
- Аджаллыгъа окъсуз шкок атылыр.
- Орундукъ тюбюнде атылсам да, орта джиликме, де да айлан.
- Эски джаугъа ышанма.
- Тик ёргени, тик энгишгеси да болады.
- Келгинчи, къонакъ уялыр, келгенден сора, къонакъбай уялыр.
- Ёлген эшек бёрюден къоркъмайды.
- Тилчи бир сагъатха айлыкъ хата этер.
- Акъдан къара болмаз.
- Керти сёзге тёре джокъ.
- Башы ишлегенни, ауузу да ишлер.
- Тойну къарнашы – харс, джырны къарнашы – эжиу.
- Иги – алгъыш этер, аман – къаргъыш этер.
- Билмейме деген – бир сёз
- Айтхан – тынч, этген – къыйын.
- Билим ат болуб да чабар, къуш болуб да учар.
- Ач да бол, токъ да бол – намысынга бек бол.
- Аш иеси бла татлыды.
- Иги сёз – джаннга азыкъ, аман сёз башха – къазыкъ.
- Джарлы тюеге минсе да, ит къабар.
- Байма, деб да, къууанма, джарлыма, деб да, джылама.
- Хар ишни да аллы къыйынды.
- Азыкъ аз болса, эртде орун сал.
- Ана къойну – балагъа джандет.
- Мухардан ач ычхынмаз.
- Татлы сёз – балдан татлы.
- Билим къая тешер.
- Окъуусуз билим – джокъ, билимсиз кюнюнг – джокъ.
- Бастасын ашагъан, хантусун да ичер.
- Джангыз торгъай джырламаз.
- Ач къалгъандан, кеч къалгъан къолай.
- Ариу джол аджал келтирмез.
- Илму – джашауну джолу.
- Эте билген, этген этеди, эте билмеген, юретген этеди!
- Оюмсуз атлагъан, аджалсыз ёлюр.
- Бет бетге къараса, бет да джерге къарар.
- Аман киши кеси юйюнде – къонакъ.
- Сабыр джетер муратха, сабырсыз къалыр уятха.
- Эрине къаргъыш этген къатын, эрнин къабар.
- Аууздан келген, къолдан келсе, ким да патчах болур эди.
- Ауругъанны сау билмез, ач къарынны токъ билмез.
- Джолунга кёре – джюрюшюнг, джагъанга кёре – юлюшюнг.
- Къыз тиширыу кеси юйюнде да къонакъды.
- Аман эсирсе, юйюн ояр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72