- Орундукъ тюбюнде атылсам да, орта джиликме, де да айлан.
- Керилген да, ургъан кибикди.
- Къарын къуру болса, джюрек уру болур.
- Эртде тургъан бла эртде юйленнген сокъуранмаз.
- Берекет берсин деген джерде, берекет болур.
- Ишге юренсин къоллары, халкъ бла болсун джоллары.
- Ашлыкъ – бюртюкден, джюн – тюкден.
- Олтуруб кёрюнмей эди да, ёрге туруб кёрюне эди.
- Ёксюзню тилеги къабыл болур.
- Ата джурт – алтын бешик.
- Тилчиден кери бол.
- Билим – акъылны чырагъы.
- Ёлген ийнек сютлю болур.
- Эл тойса, тоймагъан, эл къойса, къоймагъан.
- Арпа, будай – ащды, алтын, кюмюш а – ташды.
- Намысы болмагъанны, сыйы болмаз.
- Таукел къуру къалмаз.
- Къонагъы джокъну – шоху джокъ.
- Сёлеш деб шай берген, тохта деб, сом берген.
- Къозулугъунда тоймагъан, къойлугъунда тоймаз.
- Насыблы элин сюер, насыбсыз кесин сюер.
- Джырчы джырчыгъа – къарнаш.
- Алтыннга тот къонмаз.
- Эрине къаргъыш этген къатын, эрнин къабар.
- Кёзден кетген, кёлден да кетеди.
- Ана къойну – балагъа джандет.
- Хар ишни да аллы къыйынды.
- Уясында не кёрсе, учханында аны этер.
- Чалманны аллы къалай башланса, арты да алай барады.
- Аякъларынгы джууургъанынга кёре узат.
- Баланы адам этген анады.
- Чомартны къолу берекет.
- Тамчы таш тешер.
- Адеб этмеген, адеб кёрмез.
- Таугъа чыгъаллыкъ эсенг, тюзде къалма.
- Къарнынг ауруса, ауузунгу тый
- Ётюрюкчюню шагъаты – къатында.
- Сагъышы джокъ – джукъучу, акъылы джокъ – къаугъачы.
- Билмегенинги, билгеннге сор.
- Ханнга да келеди хариблик.
- Ата – билек, ана – джюрек!
- Къайтырыкъ эшигинги, къаты уруб чыкъма.
- Телиге от эт десенг, юйюнге от салыр.
- Махтаннган къыз, тойда джукълар.
- Уллу къазанда бишген эт, чий къалмаз.
- От этилмеген джерден тютюн чыкъмайды.
- Эл ауузу – элек, анга ийнаннган – халек.
- Келинин тута билмеген, къул этер, къызын тута билмеген, тул этер.
- Аллахха ийнаннган кишини, Аллах онгдурур ишин.
- Кёпюр салгъан кеси ётер, уру къазгъан кеси кетер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72