Эльбрусоид :: Форум :: Архив форумов

Къыз келсе, джумуш эте келеди, къатын келсе, ушакъ эте келеди.
Рысхы джалгъанды: келген да этер, кетген да этер.
Чакъырылгъанны аты, чакъырылмагъанны багъасы болур.
Джукъу тёшек сайламайды.
Экеу тутушса, биреу джыгъылыр.
Сабий кёргенин унутмаз.
Этек чакъмакълары баш джаргъан, сёлешген сёзлери таш джаргъан.
Тамырсыз терекге таянма – джыгъылырса.
Джуртун къоругъан озар.
Бетинги сатма, малынгы сат.
Сибиртки да сыйлы болду, кюрек да кюнлю болду.
Эринчекни аурууу – кёб.
Хатерли къул болур.
Адам сёзюнден белгили.
Чакъырылмагъан къонакъ тёрге атламаз.
Джаз бир кюнню джатсанг, къыш талай кюнню абынырса.
Арпа, будай – ащды, алтын, кюмюш а – ташды.
От кюйдюрген, сау болса да, тот кюйдюрген, сау болмаз.
Юй кюйдю да, кюйюз чыкъды, ортасындан тюйюш чыкъды.
Айран тёгюлсе, джугъусу къалыр.
Дуния аламаты сен эсенг да, игиме деб айтма.
Адеб джокъда, намыс джокъ.
Ашхы болсанг, атынг чыгъар, аман болсанг, джанынг чыгъар.
Ач да бол, токъ да бол – намысынга бек бол.
От этилмеген джерден тютюн чыкъмайды.
Биреуню эскиси биреуге джангы болмайды.
Айтханы чапыракъдан ётмеген.
Хата – гитчеден.
Бал – татлы, балдан да бала – татлы.
Аш иеси бла татлыды.
Келинин тута билмеген, къул этер, къызын тута билмеген, тул этер.
Эринчекге кюн узун.
Эрни эр этерик да, къара джер этерик да, тиширыуду.
Джюрекден джюрекге джол барды.
Тюзню ётмеги тюзде къалса да, тас болмаз.
Ариу – кёзге, акъыл – джюрекге.
Ойнай-ойнай кёз чыгъар.
Харам къарнашдан, халал тенг ашхы.
Эки элинги тыйсанг, джети элде махталырса.
Ишлемеген – тишлемез.
Ишни ахырын ойламай, аллын башлама.
Кийимни бир кюнню аясанг, минг кюннге джарар.
Аманны тукъумуна къарама, игини тукъумун сорма.
Телиге от эт десенг, юйюнге от салыр.
Битмегеннге сакъал – танг.
Джюрекге ариу – кёзге да ариу.
Кёбню кёрген – кёб билир.
Къазанда болса, чолпугъа чыгъар.
Къатын байлыкъны сюер, эр саулукъну сюер.
Ауругъанны сау билмез, ач къарынны токъ билмез.

Логин:
Пароль:
	Запомнить меня на этом компьютере

Забыли свой пароль?
Регистрация