- Кёзню ачылгъаны – иги, ауузну джабылгъаны – иги.
- Юйюнгден чыкъдынг – кюнюнгден чыкъдынг.
- Тамбла алтындан бюгюн багъыр ашхы.
- Тау башында, тау болмаз, джангыз терек, бау болмаз.
- Ким бла джюрюсенг, аны кёзю бла кёрюнюрсе.
- Кёлсюзден сёзсюз тууар.
- Аз айтсам, кёб ангылагъыз.
- Къралынгы – душмандан, башынгы от бла суудан сакъла.
- Къолу уллу – асыу, аягъы уллу – джарсыу.
- Уллу сёзде уят джокъ.
- Ётюрюкню башын керти кесер.
- Аджаллыгъа окъсуз шкок атылыр.
- Джол бла сёзню къыйыры джокъ.
- Экеулен сёлеше тура эселе, орталарына барыб кирме.
- Термилгенинги табмазса, кюлгенинге тюберсе.
- Ишге юренсин къоллары, халкъ бла болсун джоллары.
- Насыб бютеу халкъны юлюшюдю.
- Ауругъан – джашаудан умутчу.
- Онгсузну – джакъла, тенгликни – сакъла.
- Босагъа таш юйге кирмей эди, тыбыр таш эшикге чыкъмай эди.
- Тойгъан джерге джети къайт.
- Биреуню къыйынлыгъы бла кесинге джол ишлеме.
- Тёзгеннге, джабылгъан эшик ачылыр.
- Къарын къуру болса, джюрек уру болур.
- Чомартха Тейри да борчлуду.
- Дууулдаса – бал чибин, къонса – къара чибин.
- Чомарт джарлы болмаз.
- Тамчы таш тешер.
- Эри аманны, къатыны – аман.
- Тиширыусуз юй – отсуз от джагъа.
- Шапа кёб болса, аш татымсыз болур.
- Юре билмеген ит, къонакъ келтирир.
- Биреуню эскиси биреуге джангы болмайды.
- Айырылгъанланы айю ашар, бёлюннгенлени бёрю ашар.
- Уллу айтханны этмеген – уллаймаз.
- Джаным-тиним – окъуу, билим.
- Акъыл неден да кючлюдю.
- Къатын къылыкъсыз, эр тынчлыкъсыз.
- Тойгъандан сора, ашны сёкме.
- Къозулугъунда тоймагъан, къойлугъунда тоймаз.
- Аджашханны ызындагъы кёреди, джангылгъанны джанындагъы биледи.
- Бир абыннган – минг сюрюнюр.
- Этим кетсе да, сюегим къалыр.
- Кёзюнде тереги болгъан, чёбю болгъаннга кюле эди.
- Билим ат болуб да чабар, къуш болуб да учар.
- Мени джылытмагъан кюн, меннге тиймесин!
- От этилмеген джерден тютюн чыкъмайды.
- Билген билмегенни юретген адетди.
- Биреу ашаб къутулур, биреу джалаб тутулур.
- Ат да турмайды бир териде.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72