- Кютгени беш эчки, сызгъыргъаны уа, джерни джарады.
- Ашын ашагъанынгы, башын да сыйла.
- Намысы джокъну – дуниясы джокъ.
- Билмейме деген – бир сёз
- Чарсда алчыны эл кёреди.
- Аманны тукъумуна къарама, игини тукъумун сорма.
- Этни бети бла шорпасы.
- Ашхы – джыяр, аман – джояр.
- Къар – келтирди, суу – элтди.
- Аман адам этегингден тутса, кес да къач.
- Байлыкъ келсе, акъыл кетер.
- Къулакъдан эсе, кёзге ышан.
- Гырджын – тепсини тамадасы.
- Къонакъны къачан кетерин сорма, къачан келлигин сор.
- Ёгюзню мюйюзюнден тутадыла, адамны сёзюнден тутадыла.
- Хансыз джомакъ болмаз.
- Элге къуллукъ этмеген, элге ие болмаз.
- Эски джаугъа ышанма.
- Тил – миллетни джаны.
- Джангызны оту джарыкъ джанмаз!
- Биреуню тёрюнден, кесинги эшик артынг игиди.
- Кёб къычыргъандан – къоркъма, тынч олтургъандан – къоркъ.
- Бети – къучакълар, джюреги – бычакълар.
- Джюрек кёзден алгъа кёрюр.
- Ишленмеген джаш – джюгенсиз ат, ишленмеген къыз – тузсуз хант.
- Ачны эсинде – аш.
- Къоркъакъны кёзю экили кёрюр.
- Эли джокъну – кёлю джокъ.
- Чакъырылмай келген къонакъ сыйланмай кетер.
- Телиге от эт десенг, юйюнге от салыр.
- Уллу сёзде уят джокъ.
- Ушамагъан – джукъмаз.
- Эл тойса, тоймагъан, эл къойса, къоймагъан.
- Сагъышы джокъ – джукъучу, акъылы джокъ – къаугъачы.
- Мухарны эси – ашарыкъда.
- Акъыл аздырмаз, билим тоздурмаз.
- Къанны къан бла джуума, аманны аман бла къуума.
- Кийимни бичсенг, кенг бич, тар этген къыйын тюлдю.
- Ариу сёз аурууунгу алыр.
- Ашхы болсанг, атынг чыгъар, аман болсанг, джанынг чыгъар.
- Къыз келсе, джумуш эте келеди, къатын келсе, ушакъ эте келеди.
- Агъач – джерни чырайы, кийим – эрни чырайы.
- Азыкълы ат арымаз, къатыны аман джарымаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ана кёлю – балада, бала кёлю – талада.
- Къонагъынгы артмагъын алма да, алгъышын ал.
- Ёлюк кебинсиз къалмаз.
- Уллу суу бла уллу ауруудан башынгы сакъла.
- Чабакъсыз кёлге къармакъ салгъанлыкъгъа, чабакъ тутмазса.
- Билим насыб берир, билим джолну керир.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72