- Келлик заман – къартлыкъ келтирир, кетген заман – джашлыкъ ёлтюрюр.
- Ишлерге уял да, ашаргъа табма.
- Эте билген, этген этеди, эте билмеген, юретген этеди!
- Ханнга да келеди хариблик.
- Абынмазлыкъ аякъ джокъ, джангылмазлыкъ джаякъ джокъ.
- Айыбны суу бла джууалмазса.
- Таш бла ургъанны, аш бла ур.
- Адеби болмагъан къыз – тузсуз хант.
- Минг тенг да азды, бир джау да кёбдю.
- Ким бла джюрюсенг, аны кёзю бла кёрюнюрсе.
- Ачлыкъда тары гырджын халыуадан татлы.
- Джашда акъыл джокъ, къартда къарыу джокъ.
- Тюзлюк шохлукъну бегитир.
- Ойнай билмеген, оюн бузар.
- Аз сёлешген, къайгъысыз турур.
- Джангыз терек къынгыр ёсер.
- Акъыллы айтыр эди, акъылсыз къоймайды.
- Сууда джау джокъ, кёб сёзде магъана джокъ.
- Игилик игилик бла сингдирилиучю затды.
- Эл бла кёргенинг эрелей.
- Адам къаллай бир ишленмесе, аллай бир кесин уллу кёреди.
- Эл ауузу – элек, анга ийнаннган – халек.
- Айтхан сёзюне табылгъан.
- Ишге юренсин къоллары, халкъ бла болсун джоллары.
- Махтаннган къыз, тойда джукълар.
- Къарт болгъан джерде, берекет болур, сабий болгъан джерде, оюн болур.
- Иги – алгъыш этер, аман – къаргъыш этер.
- Джарлы эскисин джамаса, къууаныр.
- Ашаса, ашамаса да, бёрюню ауузу – къан.
- Ётюрюкчюню шагъаты – къатында.
- Джукъу тёшек сайламайды.
- Ашыкъгъан cуу, тенгизге джетмез.
- Бет бетге къараса, бет да джерге къарар.
- Юйюнгден чыкъдынг – кюнюнгден чыкъдынг.
- Кёб джат да, бек чаб.
- Келинин тута билмеген, къул этер, къызын тута билмеген, тул этер.
- Аууздан келген, къолдан келсе, ким да патчах болур эди.
- Ёлюк кебинсиз къалмаз.
- Билимден уллу байлыкъ джокъду.
- Башынга джетмегенни сорма.
- Къартха ушагъан джаш – акъыллы, джашха ушагъан къарт – тели.
- Сагъыш – къартлыкъгъа сюйюмчю.
- Ач бёрюге мекям джокъ.
- Тенги кёбню джау алмаз, акъылы кёбню дау алмаз.
- Къазанчы аман болса, къазаны къайнамаз.
- Мал ёлсе, сюек къалыр, адам ёлсе, иши къалыр.
- Ач уят къоймаз.
- Адам сёзюнден белгили.
- Бети бедерден, намыс сакълама.
- Къыйынлы джети элни къайгъысын этер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72