Тинибек,
Аллах эсенлик берсин, джазгъан затларынгы сюйюб окъуйма.
Менден сора да кёбле бардыла сени джазгъанынга эс бёлген.
Джюрегинг таза болгъаны себебли, къаламынгдан туугъан сёзле да тамаша - сейирлик.
Къайсы темада да кесинги энчи оюмунг барды, билимли адам болгъанынг белгилиди.
Бу бетни сеннге атаб ачханма, игиликге ачылсын !
Эрикгенден- эрикгеннге, былайда да, тышында инсанларыбыздан хапар билдире турсанг, сюйюб окъурукъбуз.

Иги умутла теджей
Сапар Ёзден. Басханстан. Турна Аууш.

Tinibek
Ай аперим, Тинибек!

Былайгъа сала баргъан назмуланы (кирил харифле бла) кесингде да сакъланырча бир эт. Тас болуб къалмасынла.

Артда, бир китаблыкъ джыйылгъандан сора, биз аланы джарашдырыб,
"Тыш къраллада джашагъан ахлуларыбызны чыгъармалары/поэзиялары"
аты бла бир китаб этиб чыгъарыртыргъа кюрешербиз. Аллах айтса.

Саламыбыз бирге.

Sabr^

Tinibek
Ай аперим, Тинибек!

Былайгъа сала баргъан назмуланы (кирил харифле бла) кесингде да сакъланырча бир эт. Тас болуб къалмасынла.

Артда, бир китаблыкъ джыйылгъандан сора, биз аланы джарашдырыб,
"Тыш къраллада джашагъан ахлуларыбызны чыгъармалары/поэзиялары"
аты бла бир китаб этиб чыгъарыртыргъа кюрешербиз. Аллах айтса.

Саламыбыз бирге.



Ол кюн да келир !

Sabr!

Былайгъа сала баргъан назмуланы (кирил харифле бла) кесингде да сакъланырча бир эт. Тас болуб къалмасынла.

Тамам, айтканынгча ете барырма.


ШАТ!
Ол кюн да келир !

Сапар Ёзден'ни китабы чыкмайын башка китап чыкмасын!

Нюрден толгъан уллу кёзде,
Зауукъ джурту керти кёкде
Мёлекле уча элле сабыр.
Тюбю сюрем къара джерде,
Бу дуу джаннган шайтан джелде
Чырылдай муртат эмда кяфыр.

Ол кёз сора кирпик къакъды.
Сора терк да ични ачды.
Акъ кийиб бир кёб эди адам.
Джашил кёкде сабыр уча,
Эс алырча, бир бек уста
Мёлекле окъуй элле къуран.

Бир тюште юстлеринде калын кийимлери, джагъасы кюрклю де бар, кёлче сууга киреле. Сууга кирселеде не кеслери не де кийимлери хич джибимейди. Калай болады деп мен де сейир етеме. Айны назмунгдакыча сабырлык, салкынлык, таушсузлук, серинлик.

***


2 КАСЫМ 1943
Кара кюнют Карачай'ны
Артыклылла союлуб
Джуклаган кюнют дюняны
Башы тюбюне бурулуб

Крал краллыгын тюбетиб
Бизге аскер ийгенди
Аскер адамлыгын тасетиб
Бёрю кийим кийгенди

Малыбызны койдуруб
Юйюбюзден алалла
Аман кюнлю болдуруб
Вагонлага тыгалла

Ана табмайт балабыз
Бала табмайт анабыз
Кайдам кайры барабыз?
Кайда калгант вахтыбыз

Кече болгант кюнюбюз
Бизге джылайт ёлюбюз
Сюргюн богант джюгюбюз
Куруганды юйюбюз

Тавну ташны джылатды
Бизге джетген кыйыллык
Джерни кёкню уялтды
Аскер етген артыклык

Адамлыкны джойдула
Бетлерини сойсунла
Бизни джуртсуз койдула
Бизден аман болсунла

Аллах санга нетгенбиз
Нек бересе джарсувну
Атынгбла тилейбиз
Бизде койма аврувну
Акга Б01/11/2011





Бюлент Тезджан
КъАРА КъЫЙЫЛЛЫК
Кеслерин тыймай артга
Еркишиле кетиб казаватга
Джанын аямай бара отга
Сталин тартганды чортга.

Сакламай танг атарга
Юйюнде коймай джатарга
Еркинликде бермей джалларга
Джазыкланы тыйгандыла тарга.

Тюбемезча мархаматга
Ачымай катын,сабий,карт'га
Кёчгюнчюлюкню салыб шартга
Ашыралла кыйын табигатга.

От тыгыб мюлклерин джагарга
Толтуруб маллача Къатарга
Елтелле узакга,кенге атарга
Аджалда тебрейт кыйырдан бытарга.

Кысдалыб Орта Азия Сибиря'га
Тансыклаб тарала Кафкася'га
Болушурукда джог бу уятга
Онтёрт джыл тёзгенле азиятга.

Еллиджетинчи джылда ызына кайтарырга
Елине билалмай калыб найтырга
Артыклыкны Аллах га айтырга
Курутганла дининде кайтырга.

Унамайык Джылкёзювюн джабарга
Унутмайык Дува бла Чабарга
Сталин'ни Джаханим отга атарга
Джыйыллыкбыз Иншалах Ежювюн тартарга..
(Бюлент ТЕЗДжАН)



Болурланы Мехмет Коркмазогълу'дан:
Бир джомак бир джыр...

Хазин Шиирлер
ДЫГАЛАС

ЕРТДЕДЕН, БЕК ЕРТДЕДЕН, КАРАЧАЙ ЕЛЛЕНИ БИРИНДЕ БИР ЧАШ БИР КЫЗНЫ БЕК СЮЙГЕНДИ, АЛАЙ БИР БЕК СЮЙГЕНДИ КИ, КАЧАН КЫЗНЫ КЁРСЕ ТИЛИ ТУТУЛУП КАЛГАНДЫ, ТОЙДА ТОПЛАНТЫДА НЕТИП КЫЗГА ДжУК АЙТАЛМАГАНДЫ, КЫЗНЫ МУНДАН ХАПАРЫ БОЛМАГАНДЫ.

КЕЧЕ-КЮН КЫЗНЫ БИРЧИК КЁРАЛЫРМАМЫ ДЕП ДЫГАЛАС ЕТИП, КЫЗНЫ ТЁГЕРЕГИНДЕ АЙЛАНУВЧУ БОЛГАНЕСЕ ДЕ НЕТИП КЫЗГА КЕСИНИ ЕСГЕРТАЛМАГАНДЫ.

ГИНА БИР КЮН, НЕ БОЛЛУГЕСЕ ДЕ ДЕП КЫЗНЫ ЮЙЮНЕ ДжУВУГУРАК БАРЫП КАРАСА, БИР ДЕ НЕ КЁРСЮН, ДжАШНЫ ДжЁНГЕРЛЕРИНДЕН БИРИ КЫЗГА КЕЛЕЧИ ИЙИП ТУРА. КЕСИ БОЛУМСУЗЛУГУНА АЧУВЛАНГАН ДжАШ, ЫЗЫНА КАЙТЫП ЮЙГЕ БАРГАНДЫ. АТАСЫНЫ ГЁРОХУ БЫЛА КЕСИНИ УРУГА ДЕП ТЮШЮНЕ ТУРГАЛЛАЙ, ЮСЮНЕ АНАСЫ КИРГЕНДИ. АНАСЫ ДжАШЫНЫ ТЫЙГАНДАН СОРА, ДЕРТИНИ ЮРЕНГЕНДИ, СОРА ДА ХЕМ АЧУВЛАНГАНДЫ ХЕМ ДЕ АЙЫПЛАГАНДЫ ДжАШЫНЫ;
- АЛЛАХ'ДАН ДА МЫ КОРКМАЙСА, АЛЛАХ БЕРГЕН ДжАНЫНГА СЕНИЧА БИР КУЛ ЮЧЮН КАЛАЙ КЫЯСА, АЛАЙ БЕК ЁЛЮРГЕ ИЗЛЕЕСЕНГ АСГЕРГЕ БАР, ЕДжЕЛИНГ КЕЛГЕНЕСЕ АЛАЙДА ШЕХИТ БОЛУРСА, ДЕГЕНДИ.

ДжАШ АСГЕРГЕ КЕТГЕНДИ, УЗУН ДжЫЛЛА АСГЕРДЕ КАЛГАНДЫ, ЮЙЛЕНГЕНДИ ДЕ. ДжЫЛЛА СОРА ХОЮНА КЕЛГЕНДИ, АНАСЫ БЫЛА ХАЛ ХАТЫР СОРГАНДАН СОРА, СЮЙГЕН КЫЗЫНЫ СОРГАНДЫ, АНАСЫ ДА;
- СЮЙГЕН КЫЗЫНГ БАШГА ЕЛДЕН БИРИ БИЛЕ ЮЙЛЕНДИ. "ДжЁНГЕРИНГ ОНГА КЕЛЕЧИ ИЙДИ" ДЕП КЕСИНГИ КЕРЕКСИЗ КЫЙНАГАНСА. АЧУВЛАНМАЙЫН, КЕСИНГИ ЁЛТЮРЮГЕ ЧАПМАЙЫН САКЛАГАЕДИНГ, БЕЛКИ САНГА НАСЫП БОЛЛУГЕДИ ДЕГЕНДИ.

ДжАШ КЫЗНЫ КЁРЮРГЕ ДЕП ОЛ ТУРГАН ХОЙГА БАРГАНДЫ, СУВ БАШЫНДА СУВ АЛАТУРУВ КЫЗНЫ КЁРГЕНДИ, КЕСИНИ НЕТИП ТЫЯЛМАЙ КЫЗГА ДжЮРЕГИНДЕГИЛЕНИ АЙТГАНДАН СОРА;
- МЕН СЕНИ БЕК СЮЙГЕНЕМ, АММА НАСЫП ТЮЛЮМЮШ, СЕН БОЛМАЙ ДЮНЯНЫ ТАТУВУ ДжОКДУ, СЮЙГЕНЧЕ БОЛМАСА ДА НЁГЕРЧЕ СЮЙ МЕНИ, КАРНАШЧА СЮЙ МЕНИ, ДЕГЕНДИ.

КЫЗ ДжАШНЫ АЙТГАНЛАРЫНА БЕК АЧУВЛАНГАНДЫ;
- МЕНДЕН ХАПАРСЫЗ МЕНИ БЕК СЮЙГЕНСЕ, ЕНДИ КЕЛИП МЕНИ НЕК ТЫНЧЛЫКСЫЗ ЕТЕСЕ? МЕН ЕРИМИ БЕК СЮЕМЕ, ДжАШАВУМ ДА БЕК ИГИДИ, САБИЙЛЕРИМ ДЕ БАРДЫ. БУ ЕТГЕНИНГ НЕ МЮСЛЮМАНЛЫКГА, НЕ КАРАЧАЙ НАМЫСГА СЫЙЫНМАЗ. КЕСИНГИ ДА МЕНИ ДА ГЮНАХГА СУКМА, ТАС БОЛ КЕТ, БИР ДАХА ДА КЁЗЮМЕ КЁРЮНМЕ, НЕ КАРНАШЧА НЕ ДА БАШГА ТЮРЛЮ СЕНИ СЮЯЛЛЫК ТЮЛМЕ, АЛЛАХ СЕНИ БИЛГЕНИЧА ЕТСИН, ДЕП ХЫНЫ ХУНУ ЕТГЕНДЕН СОРА СУВ ЧЕЛЕКЛЕРИНИ ДЕ АЛЫП КЕТГЕНДИ.

ДжАШ, СУВНУ БАШЫНА ОЛТУРУП, КЫЗНЫ АРТЫНДАН КАРАП ХЕМ ДжЫЛАГАНДЫ ХЕМ ДЕ МА БУ ДжЫРНЫ ДжЫРЛАГАНДЫ:


АЙТАЛМАСАМ ДА САНГА, ДЫГАЛАС ВА ЕТЕЕМ
МЕКТАПНЫ ТУВРАСЫНДА, ТЕРЕК БОЛУП САКЛАЕМ
КЕНГДЕН КАРАП ЮЙЮНГЕ, МЕН ЫЗЫМА КАЙТЕЕМ
ДжЕТДИРСИНЛЕ ДЕП САНГА, НЁГЕРЛЕГЕ АЙТАЕМ
***
ЕСЛЕМЕСЕНГ ДЕ МЕНИ, МЕН ВА АЧЫ СЮЙГЕНЕМ
ДЮНЯ БЫЛА АХРАТДА, ЮЙБИЙЧЕМЧА КЁРГЕНЕМ
ХАЙ МАРДжА ДЕГЕН КЮНЮНГ, ХЫЗЫР КИБИК ДжЕТЕРЕМ
ТЁЗАЛМАГАН КЮНЮНГДЕ, ТАС БОЛУП ДА КЕТЕРЕМ
***
НЕК СЮЙМЕДИНГ СЕН МЕНИ, БАШГАСЫН МЫ СЮЙГЕНЕНГ
КЮН ДжАРЫГЫМ МЕН САНГА, СЕН ОНГА МЫ КЮЙГЕНЕНГ
КАРАП ЫШАРСАНГ МАНГА, БОЛУЕДИ ДЮНЯМ КЕНГ
ХАМАЙЫЛЧА БОЙНУМДАТ, ТАС БОЛГАН ГЮМЮШ КОЛЕНГ
***
ДжЮРЕК СЁЗЮНГ БУ МУДУ, СЮЙМЕКЛИКНИ КОЙ ДЕЙСЕ
МЕН ДЕ АЛЛАХ КУЛУМА, СЫЙЫМЫ НЕК ТЕПЛЕЙСЕ
СЮЙМЕДИЕСЕНГ МЕНИ, МЕН ДЕ СЮЙМЕМ ЕЛЕЙСЕ
СЕН ДЕ МЕНИ СЮЙДЮНГ ДЕ, КЕЧ МИ КАЛДЫМ ОГЕСЕ ?
***
СЮЙМЕКЛИКНИ КОЯРЕМ, АРЗ АЙЛАНСА ТЕРСИНЕ
САБИЙЧИКЧЕ ДжЫЛАЕМ, СЕН КЕЛГЕЛЛЕЙ ЕСИМЕ
ЁЛЮРГЕ ИЗЛЕГЕНЕМ, СЕНСИЗ ДжАШАВДАН ЕСЕ
АЛЛАХ'ДАН КОРКТУМ ТЕЙРИ, КЫЯЛМАДЫМ КЕСИМЕ.
***
БУ ДжЮРЕК АВРУВУМ ДА, МЕНЛЕ КЕЛСИН КАБЫРГА
ДЮНЯДА ДжАНГГАНЫМА, ШАГАТ БОЛСУН АХЫРДА
СЕНИ КЫЙНАДЫЕСЕМ, АЛЛАХ АЧЫСЫН МАНГА
МУНДАН АРЫ КЫЙНАСАМ, ЧЫКМАЙ КАЛАЙЫМ ТАНГА.
***
САГЫШ ЕТМЕ МЕНИ СЕН, УНУТ БОЛАЛЫЕСЕ
ТАНГАЛАСЫ УЯНЫП, "ТЮШ МЮ КЁРДЮМ" ДЕГЕНЧЕ
ОЛ АРУВ САНЛАРЫНЛА, ОЛ НУРЛУ ТЮРСЮНЮНГЛЕ
АЛЛАХ СЕНИ ОНГДУРСУН, ЮЙЮНГ ЮЙДЕГИНГ БИЛЕ.
*********************************************
Мехмет КОРКМАЗОГЛУ, 2011


АЛАНЛА;БЫЛА НАКЫРДА ЕТЕ ТУРА БОЛУРЛАМЫ?
Акга Бычаксыз 03/11/2011

Дж-Хай хай хай.Каллай арувса букече,таныялмай калийим.Ары бери карама санга айтама
К-Кайдам сен быллай сёзле айта билеминг?Сейирсиниб карайма
Дж-Гюнахымы алатураса.Джылладан бери кычырамада акыллыса,арувса сюеме деб
К-Товба товба букече не болгант санга?Есирибми тураса,огейсе ес бергенлеринге кар джавуб мангамы калыб кетгенсе?
Дж-Оллахий сангада найтыга билмей калдык.Арувса десем англамайса,сюеме десем унамайса.Качанда есим сендеди.Башгасыны кёралганыммы барт?Кар джавганиседе,не болганиседе санга болгант
К-Кайдам тилинги учу бла айтувчанинг незатныда.Джюрегинг кёлюнг башга джерде айлана
Дж-Да сен тилнги учу кыйырылада болсун бир айт.Сени сюеме деб.Ёлюбмю каллыкса,мен джарлыны бир кувандырсанг?
К-Мен сени тилингле айтганланы джюрегимле айтыб турганма.Есинг башга джерде болуб еслемегенсе ансы
Дж-Хо кой джюрегингде аллай зат болса,тилингеде бир келирит.Менда бир ештирим.Букече байрым сени сюеме деда бир рахат джуклайым
К-Незат джуку хапар айтаса.Бу алланганыгла.сени кандырыр аклым барт букече.Ананга келин боллукма
Дж-Тохда тохда акырын бол.Джюрегиме джетерге тербегенсе.Акырын акырын джангыдан бир айт.Найтдын?
‎

Эсенлик !!!

Акга Бычаксыз
ХАЙДА АШХГЫ БАЙРАМЛА
Букюн Курбан Байрам'ды
Тёгерекни джоклайык
Джарлы,джангыз бармыды?
Джумушуна карайык

Букюн ерте кобайык
Иги джашла болайык
Межгит таба барайык
Байрам намаз кылайык

Кыйнамайык байрамны
Разылыкла алайык
Шох етейик джавланы
Разы болуб калайык

Байрам кюнде кабырла
Умут ете болурла
Кабырлага барганла
Суваблыкга калырла

Хайда иги байрамла
Шекер джыя турганла
Юйде турган анала
Курбан кесген атала

Хайда ашхгы байрамла
Кёб байрамла кёрюгюз
Байрам кюнча болсунла
Артда калган ёмрюгюз

Узак джерде джашаган
Бизден хапар саклаган
Келалмайын кыйналган
Сизлегеда кёб салам

Амарика Оруся
Атаджуртум Кафкася
Кычырама ма дюня
Хайда ашхгы байрамла
Акга Б04/11/2011


Бюлент Тезджан
АКЫРТЫН МАРДжА
Минсегиз арбагызга
Алдаб кирир каныгызга
Шайтанны алыб катыгызга
Ашыкмагыз ахыратыгызга..1

Чабганын санаб азга
Козгама басыб газга
Тартмаз сора кесин назга
Ерлай джетер джюзотузга..2

Саналсанг джолда онгсузга
Озуб булгасала тозга
Сабырлы бол чарламазга
Уймада кой ол сойсузга..3

Кол салласанг джазга
Кыш келир аздан азга
Сынджырын булгаб тузга
Сакбол гирежген бузга..4

Унама джолда азарга
Бек чабдырыб озарга
Тутмаз арбан ораза
Петекени кетер ексозга..5

Биркюн барыб базарга
Кёзминчак ал назарга
Тавкел тюйюлесенг азарга
Болушайык МААШАЛЛАХ джазарга..6

Радар джашыртын тутмазга
Полис ачгангы джулкмазга
Сизде хапны джутмазга
Урушугуз онг бутугузга..7

Антмы етгенсе калмазга
Канагат етмей чабса азга
Ашыксанг джетерча фарзга
Чырмаб иерле сора арзга..8

Кюзгюден карачы ызынга
Джеталмайт харким хызынга
Чибинлегенча кызув бла
Тиреме сагатланы кызылга..9

Витесин тарта соза
Кармайса бек гузаба
Бир хыны боласа тоба
Тёббе тюклеринг коба..10

Келиб кирсенг кыйырыбызга
Аямайса кыйыныбызга
Сув кошаса деб джыйыныбызга
Коркабыз бирАллах джаныбызга..11

Тиймесенг ва газына
Тым боллукду азыгына
Санаб сени джазыгына
Иймез Петролчу казыгына..12

Сакбол кёзюнгю кысмазга
Салмай уртлавчу авузунга
Есинг кетмей кобузга
Карув берсин колугузга..13

Сёзмю бергент бузулмазга
Нева текери патламазга
Джамагатны джыймасын намазга
Айт ичингдеги уялмазга..14

Сюйреб келселе арбазга
Маазалах немадар джыламазга
Джуварла салыб тенешир тазга
Джеттирирле Екинди намазга..15

Ачыйма букюнде карнашыбызга
Айтылса тынч ''Кёрюнмез каза''
Ачы кошмай КУРМАН БАЙРАМЫ'гызга
Савлук бла барыгыз джолугузга..16
(Байрымкулладан Бюлент ТЕЗДжАН)

Tinibek
Салам!

Инша Аллах, былай джыйыла барса, (тас болмаз ючюн сен да кесингде сакълай барсанг) ахырында къууанырбыз: Тау поэзиябызны джетеклери бютеу дунияда бардыла.

Джазгъанла бла байламлы эсенг, барына да уллу салам айт, кеслерине, къаламларына да Аллах кюч берсин. Джазгъанларын барыбыз да сюйюб окъугъаныбызны билсинле.

Tinibek

Кёкге тиреу болуб тургъан САФ тауладан, бу сыйлы кюнде сыйлы САЛАМ береме !

Сеннге, эмда, джуртдан тышында джашагъан инсанларыбызгъа дуния рахатлыкъ теджейме !

Къабыл болсунла этилген Къурманла !!!!!!!!

Сапар Ёзден. Басханстан. Турна Аууш.

ШАТ
Саламыгыз узак болсун. Алейкум Селам. Сау болугъуз.

Амин. Хеп биргелей, Карачай-Малкар, херкес. Сизни де Курман Байрамыгъыз берекетли болсун. Келир Байрамга да куанчла, саулукла джетейик .

Есенликле!

*************

Семенлени Акга (Зекерия) джангы назму джазганды, аны да еклейим.

Акга Бычаксыз
КЁЛЮМ РАЗЫ БОЛМАЙ АЙТАМА
Картлык келир демейин
Мен кесиме базама
Онсегизни кёрмейин
Ёргелеге озама

Елли джылны толтурдум
Онсегизге кирмейин
Картлык бла олтурдум
Кёлюм разы болмайын

Джетмишгеда баррыкма
Онсегизге басалмай
Тыгалас ете туррукма
Арувлага тёзалмай
Акга Б8 касым 2011
Айт дедигиз айтама

СЫЙЛЫКЮН
by Bülent Tezcan on Thursday, November 10, 2011 at 11:32пм
Ыйык сайын бир Джума
Ыйлыкъда зыггыл джама
Дженгил курал хай марджа
Кюнню бошга харджама.

Киргинчине кюнорта
Апенди Селах тарта
Фарзга сени чакырта
Турма артынга тарта.

Сагыш ет иги джора
Енди бир джукъга джара
Чачынгы арув тара
Чода тюйюлсе сора.

Кир абдезни колуна
Тюш межгитни джолуна
Орнал иймамны солуна
Суваб джавсун орунуна.

Уйда бошла болуруна
Оналты рекат толуруна
Салам берсенг солунга
Минчакда ал колунга..
(Бюлент ТЕЗДжАН)

Акга Бычаксыз
АЛЛАХ ДЕЙИК Я АЛЛАХ
Бисмиллахла кобайык
Ертден намаз кылайык
Кабул болсун дуабыз
Насыб излей чыгайык

Атын айтсак Аллах'ны
Качырырбыз шайтанны
Джазув джазган мёлекле
Бизге джазар сувабны

Аллах дейик Бисмиллах
Джарык болур джолубуз
Карув алыр колубуз
Хайыр болур сонгубуз

Аллах деген кюнюбюз
Нурдан толур юйюбюз
Аллах демей ёлюрбюз
Отда кюер ёлюбюз

Аллах дейик Я Аллах
Аллах деген арымаз
Аллах деген кыйналмаз
Аллах Аллах Я Аллах

Аллах демей кюн тувмаз
Аллах деген таралмаз
Аллах дейик Я Аллах
Аллах демей кул онгмаз

Аллах дебда башлайык
Ашхгы болур ишибиз
Халал гырджын ашайык
Харам ишден качайык

Аллах Аллах бир Аллах
Санга куллук етебиз
ЛАИЛАХАИЛЛАЛЛАХ
Санга боюн иебиз

Аллах дейик Я Аллах
Хайыр дуа алайык
Махшар кюню хузурга
Бет джарыклы барайык
Акга Б 10 Касым 2011

КАРАЧАЙ ТИЛДЕ ОН КАСЫМ
Османлыны ахыры
Тас болганды хатыры
Ататюрк'да сюелди
Калмай аны сабыры

Алга джыгыб айтганит
Ёлмегенбиз ёлмебиз
Сыйыгызла кайтыгыз
Актенгиз'ге тёгербиз

Карув джыйыб кайтганит
Тюшман бла сермешди
Айтганыджа да етди
Актенгизгеда тёктю

Кюн тувганча тувду ол
Карангыны джарытды
Халкга алчы болду ол
Тюркия'ны курады

Киши азга кёрмесин
Бек кёб затла етгенит
Аллах рахмет ейлесин
Ёлюм букюн джетгенит
Акга Б 10 Касым 2011


АНАЛА ЮЧЮН
by Bülent Tezcan on Saturday, May 7, 2011 at 12:57am
Кабул болсун Анала байрамыгыз
Тешилмесин джашавдан байламыгыз
Калмасын Балагызда байрамсыз
Тилейме, кыйнамасын санларыгыз.

Къарачай'лы етмез анасын сансыз
Тавлу ана табмаз аллай иймансыз
Сабийин бешикде коймаз Сыбба'сыз
Ансызма Дюнияда аныча табсагыз.

Алан..! Еслеймисе калай байбыз
Насыблыбыз барысын ёзча санайбыз
Табган,Сют,Кайын,Болуш анабыз
Джомак айтган еки карт аммабыз.

Букюн еркелетиб сёз бле сыйлайбыз
Кёл алмай кёбюне сизни кыйнайбыз
Сабийлеригиз алгышлайды кайнайсыз
Савга етмесе кесекджик чайнайсыз.

Разы болуб айтырык махдавугуз
Суваб джаздырыр бизге санавсуз
Болмабыз дувагыз бла карувсуз
Иги джашарбыз савлуклу, аврувсуз.

Табыб кыйналырдан калмагансыз
Емчек салыб сют бле сыйлагансыз
Сыйыгыз артык болсун.Халалга санагыз
Евлат ачысын биригизде сынамагыз.

Рахматлык болганесе еер анагыз
Канамасын букюн джюрек джарагыз
Кувандырсын окуган Дуваларыгыз
Аяк тюбюнде Джаннет, сиз кыйналмагыз...
(Бюлент ТЕЗДжАН)


АЛЛАХ ЮЧЮН АЙТ,ТЮЗЮН АЙТ
Тамам киши ёлмесин
Кыйыллыкда кёрмесин
Етилгенни терс кёрюб
Аман джора етмесин

Джыгылганны кобарсанг
Джарасыны байласанг
Артын буруб койсава
Кёлюндегин айталсанг
Аллах ючюн айт найтырса?

Сюйюлгенин билмесе
Тюбюндегин кёрмесе
Артга кайрылыб юрсе
Ансызда ёлмесе

Сылтаветиб букюнню
Адамлыгын сатмасын
Етилгенни аз кёрюб
Бавуртюбю джатмасын

Хоншу юйю оюлса
Анга ёрге кобаса
Тирев бола тургаллай
Юйюнгдегин урласа

Аллах ючюн айт
Тюзюн айт
Кёлюндегин айт
НАЙТЫРСА????
Акга Б 8касым 2011



Акга Бычаксыз
ДЮНЯ НЕГЕ УШАРИДИ?
Сюймеклик да болмаса
Неге ушар бу дюня?
Джюрек сюе турмаса
Джашав ушар суратга

Бармыт сени сюйгенинг?
Бирзат айтда билейим
Кайдат сени джюрегинг?
Ары менда кирейим

Мени кесек тынгласанг
Кёлюмдегин айтырма
Айтганымы джаратсанг
Сени тилей барыма

Канатланыб учарма
Манга караб ышарсанг
Сени алыб качарма
Нёгер болуб унасанг

Кёкрегиме кысарма
Кече болса куваныб
Арув джырла джырларма
Танг атарга уяныб
Акга Б 9 Касым 2011

ЕС-ЕС
by Bülent Tezcan on Thursday, November 10, 2011 at 10:54pm
Сиях,Кырмызы ренклерин енфЕС
Калбимиз сана челиктен кафЕС
Ашкынла чарпыёр енсон витЕС
ЕС-ЕС-ЕС КИ-КИ-КИ ЕСКИ ЕСКИ ЕС.

Манав,Мухаджир,Татар ве ЧеркЕС
Гёнюлден багълы шимшегъе херкЕС
Мачлара гитмек битмеен хевЕС
Шехримиз ичин хершейсин ЕС-ЕС.

Джиханда ёктур бёйле бир гюрсЕС
Инлиёр Стад тарафтара пЕС
Башына такмыш ЕС-ЕС'ли бир фЕС
Бандо иле маршлар сёйлюёр херкЕС.

Шимшек куш дегъил герекмез кюмЕС
Аслан диемем даргелир кафЕС
Заптедилмезки гёрседе прЕС
Алемде ялныз сенсин МукаддЕС.
(Бюлент ТЕЗДжАН)

ДжЫГАРА-1
by Bülent Tezcan on Thursday, October 20, 2011 at 10:03pm
Койдум сени джыгара
Кесинге бир нёгер кара
Джангыз бирчик джагарга
Болмам чыртда унарга.

Харкюн тюкен джокларга
Джулкуб меннен сен пара
Джук коймадын санарга
Тютюнюн курусун джыгара.

Солув джетмей чабарга
Сызгыра,тебсей джырларга
Мадар бармыт джукларга
Джётелин джетиб джокларга.

Иштах коймай ашарга
Супрада юлюш бошарга
Тынчлык бермейсе джашарга
Елтейим чёпге кошарга.

Ет коймадын Карга кабарга
Ёбгемиде еттинг кабкара
Отузбеш джылны тёзалмадым кысдарга
Талав тийсин сени чыгарганлага..
(Бюлент ТЕЗДжАН)

Сюймеклик да болмаса
Неге ушар бу дюня?
Джюрек сюе турмаса
Джашав ушар суратга

МЕН СЮЙМЕЙИМ ДА НЕТЕЙИМ?
Акга Б 16/11/2011

Джулдузлага карасам
Манга карайт кёзлеринг
Толу айга бурулсам
Айда турат тюрсюнюнг

Кече болуб джукласам
Сен боласа тюшюмде
Сенсе мени есимде
Кюндюзюмде,тюнюмде

Джолла санга баралла
Кайсы джолда джюрюсем
Сен тураса туврамда
Кайсы джанга карасам

Джерге еслеб басама
Гокга хансга ушатыб
Ташны теблеб турама
Джюрегинг ушатыб

Тарыксамда джырлада
Кёз аллымдан кетмейт
Кол узатсам мен анга
Джыртда мени есгермейт

Вой айтыгыз тенглерим
Нетейим мен нетейим
Ферхат бла Ширинча
Кайсы тавну тешейим

Бюлент Тезджан
ТИЛ'ЕГИМ-2
Джашай барыб тюрлендим
Назму джазарга тюйрелдим
Ана тилиме сюйрелдим
Арувлугу бла нюрлендим.

Бай тилиме джутландым
Башга тилге джукъландым
Тюшле кёрюб де джукъладым
Джангыз тилиме сукъландым.

Аманатды тюненеден
Корувлайык тюрленгенден
Куруб калса ва тюбюнден
Кертиси табылмаз тюкенден.

Тёрде тутмай тюшюргенден
Болушмайын тюнкенгден
Бюсюрёвсюзге тюбетгенден
Разы болмам тюнгюлгенден..
(Бюлент ТЕЗДжАН)

ТОЙ БАРАДЫ АЛАНЛА!!!

Той барады аланла
Карачай'дан Малкар'дан
Келген конакла
Тойга асув салалла

Тойга карагыз тойга
Картла тебсей туралла
Учган кушга ушайла
Харс вуругуз марджала

Сексен джылны аджувун
Керге кёмюб коялла
Тансыклыкны джарсувун
Куванч бла кувалла

Тойдан келген куванчла
Кёкге ёрлеб баралла
Тебсей турган тавушла
Джерни джыгыб коялла

Вой аланла Аланла
Бизда махдав салайык
Джарык болсун тойлары
Дерт кёрмесин саллары

Тойну берген каруву
Джюреклени сыйлайды
Кёкге ериш болганча
Мени халкым былайды

Куванч толу тойлары
Ёхдем ёсген джашлары
Бег арувду кызлары
Мени халкым былайды
Акга Б 14/Касым/2011






ТИШ'ге
Джырна чачылыр чыкгаллай тиши
Ата супрасында бек тынчды иши
Санаву тамам отузеки ди тизилиши
Казбек'ни тирменича юйютед киши.

Кыйынын кабыб тебресе еркиши
Аяб кысмайын башлар ючю,беши
Гыджайда болуб кюлгени ерши
Кёзюде кыймайын абыныр тиши..

Кораса Тамаклыгын нек елтмейт киши
Джаннетде гина чыкмасын дебми анарши
Адем бле Хавва'ны Алма урлав бедиши
Анычюн болурму еке джасак етилиши..

Чириб тебресе кыйынды кетиши
Джамавун салган Тишчини иши
Кесингикича болурму елиши
Ол сюек аврувну сынамасын киши..
(Бюлент ТЕЗДжАН)


КЁРДЮНГМЮ,БИЛДИНГМИ,СЮЙДЮНГМЮ?
Акга Б 13/Касым/2011

Африка'да Ася'да
Ач сабийле кёрдюнгмю?
Санга караб джылайла
Бир джуклада ийдингми?

Хоншу кызчык джылайды
Нек джылайды сордунгму?
Неди аны джылаву
Анга дарман болдунгму?

Аллах савлук бергенди
Кыйматыны билдингми?
Джашав санга кюлгенди
Анга салам бердингми?

Ана тилни бергенди
Адам етиб ийгенди
Сенден бирзат излейди
Сен халкынга бердингми?

Джукламайын ёстюрдю
Ана джуклаб кёрдюнгмю?
Арув айтыб кюлдюрдю
Анам дерге билдингми?

Сюйгенингча джашайса
Табыб етиб ашайса
Бег игида тояса
Бир джарлыны сюйдюнгмю?

Узакладан келдиле
Ырак'ныда тюйдюле
Аман кюнлю етдиле
Сен аланы билдингми?

Бег арувду кийиминг
Алай болсун ёсюмюнг
Кийим табмай ёлелле
Анга калайт тёзюмюнг?

Санга сору соралла
Незат бердинг дюняга?
Сени сынай туралла
Найтырыкса ахратда?


АТОМ КУМУРСГА
Ёгюзге джегилседе боюсга
Керти ишлеген ва Кумурсга
Кошмайды хыйланы намусга
Иш юрене да бармаганды курсга.

Еринмейди чыртдан джумушга
Етебилмейди джазык гурушга
Даву джокду киши бле урушга.
Джатмаз сойланыб кюн турушга.

Абыныб тагылсада джолда ташга
Кыйыны кетседе базы бошга
Ырысгы ючю джайылады кырдышга
Ашарык джыяды кадалыб кышга.

Есбурмайды кёбю тавушга
Ассы болмайды башында чавушга
Кёчюбде кетмейт джылырак тышга
Чарламай разыды шо каракышга.

Джетмесин кёзге нева каргышга
Уялайык караб бу джигит джашга
Уйсава джангылыб бердушга
Киралмаз ки юйлениб болушга.

Ырысгы джыяма деб кошга
Азык болурма демейт бир кушга
Коркуб ушамайды ол шошга
Сырты салынмайт анычю тушга.

Каска конак келгенди кошга
Тансыклаб,таралыб супрада ашга
Арыкдан ёле,кетиб сир сагышга
Юлюш тилей башлагант алгышга.

Кумурсганы ва чуруму башга
Джалынганы кетседе хошга
Аягы харс ура,кобузчуча бошга
Карачы дегенди.Сыбызгычы джашга
Башбармагын чыгарыб тышга..

Алай етмесе игиетя ачга
Айхай кесине джетерчаклыт бочга
Ызынамы кайтаррыгет берсе борчга
Бир ишлеген джеталсава,бир качга
Дюняда керек калмазет телашга...
(Бюлент ТЕЗДжАН .2011)


ДжЫГАРА-2

Не иги болат ансыз башлаган кюнге
Безгенем джётелден хеб ёхе,ёххе
Аныла калмайын балгамында сёге
Марлаб туруем биркюн ва ёнгелерге.

Джетгенем нердейсе мен тёнгерерге
Тютюнюн юфюрюб джуталмаганымы ёрге
Чыгалмаем мердиванланы да тикёрге
Арыганда етием базы солурга чёге.

Джюрегиме кысыб, хурджунумда салыб тёрге
Бавурумча болуб мендеги чыммак ёбге
Ашавумда ташайыб ушаганедим чёбге
Джавда болганем ашар хантладан кёбге

Кюсемейме чыртдан бетин пакетин кёрюрге
Излерми кимда ертде огуна кёмюлюрге
Дохтурга барыб джанын, бир санын бёлюрге
Тюерим келет ийнан; кесими басыб тюбге.

Кёргюзме сукланыр сен джаш тёлюнге
Унутуб койма келтир мунуда кёлюнге
Ушатыр авузунгда алдавук емизикге
Олда булашмасын сора, бу шайтан сийдикге.

Хайырында кёрмей ичтим.джыллача нечикге ?
Енди тёзалмайма джангыз бирчикге
Тыйылганма аннан берлакда кенге
Байлаб турама алан, Шайтанымы джюгенге.

Бармайма'' ЁБГЕ'' леб текел тюкенге
Менича игиджашны керекди еркелетирге
Уггаш да етиб апериииииим дерге
Ичгенле унасала ва айтырымы етерге
Атыб теблегиз дерем. Джыгараны джерге...
(Бюлент ТЕЗДжАН)

ШЫБЛА СЮЙМЕКЛИК

Кёрмегенем аллай чырайлы арув кызны
Еследим хаман джюрегимдеги джызны
Тыялмадым урушуб мен деген хайырсызны
Кюсеб тура кёреем буллай субай бир кызны
Джаннетгеде алмазла курукесин дамсызны
Танытайым сизгеде ол аламат Джанкыз'ны
Ешитгенде болмазсыз аны бла хапарыбызны
Унармыса деб сордум акыз накырдабызны
Уммаем чарламай унарын сабырсызны
Кюйюб тебредим алан ертде келтириб джазны
Енди биргелей согабыз кобуз бла сазны
Ышаргаллай турады джаратыб мендеги тарзны
Джанында айландырат кумган бла ол тазны
Оздурмайды кылмайын барысында намазны
Билемисиз узаймай сизни кыйнарыбызны
Болсун аллай келини джашы болган арбазны
Иейик де тилесин кураб тамадабызны
Омак етиб джегейик келинге арбабызны
Чакырама джыйылыб барырга барыгызны
Той етиб тебсерсиз зиябийни джангызны
Той тобукдан бара тебсей апсувагызны
Шагатлада керекди кыярга некахыбызны..
(Бюлент ТЕЗДжАН)

ТИЛ'ЕГИМ

Тилин сёлешсе джамагат
Бармыт аннан аламат
Билген Нарт'га саналат
Билмегенле бала'лат.

Къарачай тилибиз абынат
Джюрек чарлаб кабынат
Сёлеширге тил ва табылат
Айхай накырдабыз джабылат.

Тилге тот тюшюрмей джылтырат
Кабышган анатилни джылатат
Кувут джуммак'мы джутулгант
Келин ча нек тилибиз тутулгант.

Башга тилден урласак не кошулат
Тавлума деб кычырсак бошунат
Тил унутса тамакда терен джашынат
Сак болмаган куру кеси башынат..
.
Ташаймасын деб Къарачай ат
Ийнат тилинге чайыр'ча чайнат
Бизден иги миллет баресе кайдат
Тувдук..! Сенде кесек Хошданлат..
(Бюлент ТЕЗДжАН)

ТОТУРНУ АЙ (НИСАН)
Келсе Нисан'ны бири
Кетеди бетими сингири
Джетгинчи кюнню ингири
Кюлюггюдю харкимни зикири.

Чам,накырда болады джити
Ёбгелерсе санасанг керти
Калмайды кишини бир дерти
Кюлгени ючю харкимни бети.

Елия бла биргелей джели
Нисан'ны джангуру сели
Башынгы джибитиб болма тели
Джангырмаз джангыз бир тели.

Куванса башынгда кутук тери
Джумушасада ол шимир джери
Омак болганны кой; кайт бери
Тийсе кюйдюрюр Шыбыланы шери..

Шюкюр етсин барыбызны тили
Джавмаса калырбызмы тири
Бет джувалмай кирден чири
Суву кытны дженгил битер пили..
(Бюлент ТЕЗДжАН)

МАРТ
Отуздан артык кюню барт
Кырдык джешерир келсе Март
Ашыкма алкын джазга барт
Кюрекни сабын сёк чыгарт.
Исламда билирге тюйюлдю шарт
Босагадан согар Джел мозарт
Навруз байрам етгенди Нарт
Джемреле тюшсе болат Чомарт.
Кюндёнюмюне ва бурма арт
Ебеле ючюн кар джавдурат
Заманынгы бир сагат алга тарт
Навруздан сора кийим джукарт
Терек тигерча болур чингарт
Ерикген тебсевге кобузну тарт
Кишдиклени орамда тою барт.
Чанаккале'де тюшманла болуб арт
Казават етгент уллу гичче карт
Джылкёзювюдю онсегиз Март
Едждатны таныда, кесинги губарт.
БЮЛЕНТ ТЕЗДжАН 2011

Tinibek

Аламат! Быланы былай джыя, сакълай бир бар, марджа.
Аллах айтса, джарашдырыб бир китаб этербиз.
Аллах кюч-къарыу берсин.

Видеогъа да бек сейирсиниб къарадым.
Элни аты - Якапынар. Магъанасы неди?

Sabr

Саубол Сабр, Аллах разы болсун.

яка: (кийимни - боюнгга джуук) джагъа, сырт, кыйыр.. пынар: суу чыкган джер, джерден кайнап чыкган суу.

Нек якапынар дегъендиле там билмейме, манасын да алай. бизникиле якапынар дегъендиле, османлы-тюрк крал да ертугърул ат бергендиле. Ертугърул, Османлы кралны курагъан Осман Бей'ни атасыны атыды.

Бизникиле Тюркия'да куралган юч Карачай-Малкар елни (бысагъатта есиме келгенле, башка бар еседе билмейме) атларын ...пынар деп бергенле, нек бергенле нени сагъыш етип бергенле билмейме.
Ескишехир шахарны гитче шахары Сиврихисар джуугъунда Якапынар (Ертугърул) , гитче шахар Чифтелер джуугъунда Бел-пынар. Ара шахар Анкара джуугъунда Джаулу-пынар (ягълыпынар). Я да кайдам белки Кобанны суун тансыклап пынар атла берип Минги тауга ушагъан тауланы кёрюп турурча джерлегъе орналгъан да болурла, ким биледи

Видеода куру Якапынар болмаз, Афён шахар джуугъунда Килиса (Гёкчеяйла) ел де болур. Башта той етилген Килиса болур, Видеода конаклагъа хошгелдигъе сюелип турган картла Якапынар'ды. Аланы асламы рахматлы болгъанды.

Tinibek

САЛАМ !

Аламат ! Керти халкъ аууз бла айтылгъан тизгинле.
Кёб джаша !

ШАТ

Саламыгъыз узак болсун. Сау бол.


Акга Бычаксыз
МЕН ТАВЛАНЫ СЮЕМЕ
Мен тавланы сюеме
Тавла мени сюеди
Мудах болган кюнюмде
Тавла манга нёгерди

Мен сюеме тавланы
Бирге айтыб джырланы
Оздурганма джылланы
Нёгер етиб тавланы

Тавла аман айтмайла
Джёнгерлерин сатмайла
Артдан хую казмайла
Джолда коюб качмайла

Мен сюеме тавланы
Адам каны ичмейле
Сюеме мен тавланы
Савга кебин бичмейле

Джурту ючюн ёлгенле
Тавдан карув табалла
Кыйын кюнле кёргенле
Тавда орун табалла

Тавну берген тылпыву
Савлук иет узакга
Тавну етген бушуву
Дуа келет кулакга

Нёгер етиб терекни
Анга салам береме
Терек берген кёгетни
Савгалыкга кёреме

Таный билсенг тавланы
Кёб адамдан онглуду
Нек сюймейим тавланы
Бир атымда Тавлу'ду
МЕН СЮЕМЕ ТАВЛАНЫ
Акга Б 17/11/2011


МА ОЛ СЕНСЕ ОЙ АДАМ
Онгсуз билиб адамны
Джарлы кёрюб сен аны
Кыйнасанг ва аллайны
Адамлыгынг джукады

Кёрмеди деб урлайса
Кёреди деб бугаса
Артын бурса вураса
Адамлыгынг кайдады?

Санга колун узатса
Тартыб тартыб созаса
Аны кыйнаб тураса
Адаммыса незатса?

Санга джаным кыйналат
Сенде тюзлюк табалмайт
Кёлюндегин айталмайт
Джерге кёмюб коялмайт

Джашайса сен тартынмай
Аманлыкдан айрылмай
Халал харам айырмай
Кайдат мунда адамлык?

Гаггыда тюз излейсе
Ёгюзде сют излейсе
Чыгырда тюк излейсе
Кесинги ва нек кёрмейсе?

Тёзе келиб сёлешсем
Кереклинги бериме
Джерге кёмюб иерме
Теблеб теблеб кюлюрме

Ёлюбда корамаган
Савлугу джарамаган
Ортасын табалмаган
Ма ол сенсе ой адам
Акга Б 20 Касым 2011

ДжЫЛАМА,КЫЙНАЛМА СЕН ДжЮРЕГИМ
Адам сёзю сувукду
Сувур кюнюнг боллукду
Кюн карарыб калмазя
Кюнюнг джарык толлукду
Сен джылама джюрегим

Онгсуз кёрюб тюерле
Джарга тюртюб иерле
Елден айры кёрюрле
Оюн билиб кюлюрле
Кыйналма сен джюрегим

Бёрю улур,итле кабар
Джашав буду неди мадар
Насыб сени излеб табар
Етер ишинг джазув кадар
Сен джылама джюрегим

Ишин етет ёбге бавур
Джашав алат андан карув
Кыйынт дюня джюгю авур
Табыллыкды карын аврув
Кыйналма сен джюрегим

Боран есер юйюнг толур
Джарлы болсанг харким вурур
Карт болгаллай юйюнг курур
Барынданда Аллах корур
Сен джылама джюрегим

Артык сёзню арты болмаз
Аллах айтса сени табмаз
Кара кюнле орун салмаз
Аллах джюгюн авур етмез
Кыйналма сен джюрегим

Дюня уллут битмез иши
Онгсуз болма сормаз киши
Дюня етиб бетин ерши
Сени кабар азав тиши
Сен джылама джюрегим

Бирев джырлар сюйюб кюлюб
Бирев джылар тобук тюйюб
Бирев кюлюр сени тюйюб
Барын ертир ёлюм келиб
Кыйналма сен джюрегим
Акга Б 19 Касым 2011

БЫЛАЙТ БИЗНИ ТЕЛИБИЗ
Во бир кара телиге
Кюн ортада кобады
Бетин джарты джувады
Ишден каджыб бугады

Джумуш ете билмейин
Бети,кёлю кюлмейин
Айланады орамда
Етилликни билмейин

Межгит таба карамайт
Аллах дерге унамайт
Керек болуб изленсе
Киши аны табалмайт

Джук айтгаллай сен анга
Бети кетет хыныга
Джюрюгеллей арыйды
Кайтыб джатат джугуга

Ай насыбсыз насыбсыз
Насыбынгы курутма
Ишге карар амалтын
Ел ичинде буюкма

Былайт бизни телибиз
Сизде хапар беригиз
Каллайт сизни телигиз
Бизникинда ертигиз
Акга Б 18 Касым 2011


Акга Бычаксыз
КАРГЫШ
Юйю куруб ёллюкле
Кёкден бомба иелле
Ойнай турган сабийле
Мунга магъна бермейле

Аллах азаб беррикле
Кенгден онов етелле
Африка'да харибле
Бирбирини кеселле

Джашайилле джарашыб
Бирге бирге алышыб
Ишлерине карышыб
Арабла'га неттиле?

Сылтав етиб келдигиз
Афганны'да тюйдюгюз
Джаханнимни кёрдюгюз
Аллай кюйсюн юйюгюз

Карыштырыб боганны
Кыйнамагыз халкланы
Ёлтюрмегиз джанланы
Арты боллуб каллыкла
Акга Б 17 Касым 2011

Tinibek

Саулукъ - Эсенлик !
Джумушунгу тынгылы бардыраса, эсен бол !

ШАТ

Машаллах! Налчик аламат! Газете, телевизия бериуле аламат! Джыйылыуну курагъанланы, бериулени хазырлагъанланы джарык джюрекли, фахмулу болгъанлары белгили болуп турад. Сауболсунла. Есен болсунла.

Саулук - Есенлик !

***

Тюркияда Карачай-Малкарлыладан бурунгуладан джырчыла, джыр айтканла да болгъандыла. Айхай джырлатып турган болмаса, киши джаздырыргъа, кайыт еттирирге тюшюнмегъен/тюшюнелмегъенди. Текте тюкте бир еки кайыт чыгъады ортагъа. Аладан бири, Килиса (Гёкчеяйла) елден Болурланы Юсуф (Юсюп) рахматлы. Былайдакы джыр, 1978'де Килиса елде тейпге кайыт етилгенди. Юсуф рахматлыны джашы Мехмет Коркмазогълу'ну айтканына кёре, джангылмаесе, ежюв еткенле Текеланы Ерши, Байчораланы Ожай, Дугумланы Умар рахметлиледиле. Джыр айджаяк'ны бир башка версиёнуду.

Мехмет Коркмазогълу'ну атасы Болурланы Юсуф рахматлыны юсюнден айтканлары:

"Атамы анасы атасы 1905 де алкын сабийкен Кафкасядан келгендиле, Тюркия'да юйленгендиле. Атам, 1920'де Гёкчеяйла'да тувганды. Дукумларыбызны коркмазлары, базарчылары, борунлары деп санаеди. Атасы Нух, Батыр была Джанджюк'ню джашыды. Батыр'дан сорасыны билалмаеди, Джанджюк'ню атасы Исса, Исса'ны атасы Бийболат болганды.
Атамы анасы Хадиж (Хатидже) Такиймат'ны кызыды, Такиймат да Хаджы Мусса'ны кызыды.

Сылпагарда дукумубузду амма атамдан мы, анамдан мыды ону есгералмайма шимди. Атам, 1 Оджак 2005'де 85 джылында вефат етти."

Мехмет'ни бу джырны юсюнден айтканлары:

"Мехмет Коркмазоглу Бу джыр Гёкчеяйла'да 1978'де айтылганеди, тейп биле кайыт етилгенеди, ежюв етгенле Текеланы Ерши, Байчораланы Ожай, Дугумланы Умар рахметликле болурму дегенче болама, Аллах хепсине рахмет етсин."

"сёзлерин джазайым дедим, амма давурдан кёбю джерни давурдан анлаялмадым, бу сагатлык буллай бирчигин джазайым сакин бир заманда тынглап сёзлерини савлай етип иерме, Айджаякны бир дегъишик бир версиёнуду;"

"БАШЫНГДАГЫ ДжАП ДжАВЛУКГ
КЕРТИДЕ БЫЛАЙ МАХДАВЛУГ
САЛЫП ЮЙЮГЮЗГЕ МЕН БАРСАМ АРУВ
СЕНИ ЮЧЮН КЕЛЕТ ДЕЙДИЛЕ
КЁЗЮНГЕ КАРАП ЫШАРСАМ
СЕНИ ЮЧЮН ЁЛЕД ДЕЙДИЛЕ
ЮЙЮГЮЗДЕН КЕТИП ТЕБРЕСЕМ АРУВ
СЕНИ АЛЫП БАРАД ДЕЙДИЛЕ
МЕН МУНДАН А КАРАП ТАНЫЙМА
ОГАРЫ ДжАНДАН КЕЛГЕННИ
СЕН А СЮЙМЕГЕНИГИ БИЛДИРДИНГ
ОВ ДжЕР КЁТЮРЮР ОЛ СЕНИ АМАЛТЫН ЁЛГЕННИ
АХ МУНДАН ДА ТАНЫЙМА ОГАРЫ ДжАННЫ АТЛЫНЫ
МЕН А ДЮНЯМДА КЁРМЕДИМ
ГАВУР СЮЙМЕКЛИКДЕН ТАТЛЫНЫ"

http://www.youtube.com/watch?feature=player_detail page&v=T5OytNk0xR8




*

Бу видео Карачай Малкарлыланы Османлыгъа (Тюркияга кёчлерини юсюнденди. Килиса елдекилени бир кауму Якапынар ел джуугъунда Ачы Яйласы деп бир елге джерлешкенеле, аны айтады.. Видеону джашы Мехмет Коркмазогълу, 1984'те Болурланы Юсуф'ну рахматллы болмазындан бир джыл алгъа джаздыргъанды.

Болурланы Мехмет Коркмазогълу'ну айтканы:

"Гёкчеяйла хоюндан Юсуф БУЛУР'ну Аджы Хоюндагы Карачай Малкарлыла ючюн етген джырыды."

https://www.facebook.com/photo.php?v=2817030085392 32&set=vb.100000986040086&type=2&theater

ДжАБЫШУВУК
Мыкнатысны еки учу
Ол а калмасын худжу
Барт кесине тартган кючю
Кел тинтейик билир ючю..

Сыпатын ушатайык алга
Ат'ны чуругу налга
Онов кимниесе да салырга
Тамгалары да барт танырга..

Есгертейим атларын мен салганча
Аланы бири .Н.асыблы аргы .С.анча
Тенгишди учлары екисида бирча
Кечинмейдиле Гыдык бла кишдигча..

Бирге болсала еки .С.анча
Акыллары джетмегенча
Тюртюшелле давлашганча
Алан етсекмеке болушганча..

Тюбешгеллей .Н.асыблыла
Кыйырдан караб, еслетмей сына
Кёл салмайын .Н. асыбына
Кёзю карайт аргысына..

Санаганма кесими .С.анча
Бийчем .Н.асыблы табмаз менича
Екибиз бирге Халал тенглеча
Джашайбыз; Биламук'га гырджын чанча..

Тукум санаб танышганча
Насыб джазувунг бла табышганча
Турурга излесенг джабышганча
Джаб авузунгу кабышганча..

Ашырдыкъ джылланы харджаганча
БИЙЧЕМИ ТЮНЕНЕ КАЧЫРГАНча
Мен .С.анча турсам кымылдамаганча
.Н.асыбым Джёнгер Аллах айтганча..
(Байрымкул'ладан Бюлент ТЕЗДжАН)

КОЯН ДЕДИ КОЙ ВУРДУ
Бир билсегиз не болду
Ай мен джарлы не болду?
Ахмат ушгок толдурду
Коян деди кой вурду

Харс вурулду,той болду
Ахмат артда кубулду
Байрам аны козуйду
Коянмыды коймуду?

Бег уллуду бу коян
Карт аталары болурму
Адам аны вурурму?
Былай терслик болурму?

Ахмат увчу болганлай
Койла коян болады
Ахмат увга чыкганлай
Гина койну вуррукду

Болук болду ой алан
Ок аллына кой джабар
Былай босава коян
Андан харкимда тояр

Биз Ахмат'ны алгышлай
Юйге алыб барайык
Ахмат гина ма былай
Коян вуру ашайык
Акга Б 26 Касым 2011


ЮРЕТГЕНИМ
Сюелиб ёрге, келсе тилге
Керег болат тил билирге
Бер ишин билген ёретменге
Ети сенге,Сюеги менге..

Силегейлерин ышый дженге
Тюбюне ие кёнчегине
Джалларенг кёрсенг кенге
Бюсюрёв етчи ёретменге..

Есбурайыкчы Мевлана'га
''Уйма джахилге дейт кой бармага''
Сабийни бошладынг сен мектабга
Не сёз айтгын ёретменге табга..

Бардынг тилинги табларга
Юрендинг ненида хыйсабларга
Суваб есе Алимни джокларга
Куралда бар ёретменни кучакларга..

Чыкганесенг билимде ёрге
Шиндигинг салынган есе тёрге
Кёргюз аныда кёллендирирге
Сый бла бар ёретменге тёлерге..

Болайык каламым; Букюн Кёле
Юренгенингча джазыб тёле
Есинги Ёретменинге бёле
Кыйсык джазма бак; Анга кёре..

Сый кошуб сен тылыма
Салыб биширдинг Пырыныга
Ёретменлени келир кёзюв джылына,
Кыяв джетмесин джангыз бир кылына...
(Байрымкулладан Бюлент ТЕЗДжАН)

САЛАМ САНГА ЁГъРЕТМЕНИМ
Манга харзат юреттинг
Тюз джоллага тюзелттинг
Билгениги кюрешиб
Мени бла юлештинг

Сени сюйюб джыладым
Сени кёрюб кувандым
Сени бла джукладым
Сени бла уяндым

Кара кюнню ак еттинг
Джарык кюнню кёб еттинг
Тар джолланы кенг етиб
Джашавуму бай еттинг

Айт мен санга нетейим
Калай разы етейим
Салам байры иейим
Салам санга ёгъретменим
Акга Б 24 Касым 2011

БИРИНИ СЮЕМЕ,БИРЕВНЮ СЮЙМЕЙМЕ
Акга Б 23 Касым 2011

Бирев бардаы,авзу толур
Карны тоймаз,артык калма
Бири барды,джугу джалар
Карны тояр,артык калыр

Бирев барды,барын алыр
Артын излер,кёлю калыр
Бири барды,кесек алыр
Кёлюн салыр,артга салыр

Бирев барды,ишден джаллар
Карны аврур,артга калыр
Бири барды,кючю джок
Алга барыр,бойну аврур

Бирев барды,арты давур
Аллы давур,кеси авур
Бири барды,авзу джокду
Сёзю джокду,салыр карув

Бирев барды,хатыр билмез
Бети кюлмез,ишни сюймез
Бири барды,колу ачык
Бети джарык,хыйла билмез

Бирев барды,карны патлар
Колу тутмаз, хатер табмаз
Бири барды,карны тоймаз
Бошлук табмаз,ачык калмаз

Бирев кесин,тюе билет
Ёрге кёрет,харам ёлет
Бири кесин,ыги билет
Джерде кёрет,халал ёлет

Биревню хич суймейме
Бирини бек сюеме

Дюня деген былайды
Адамланы сайлайды
Англамайма найтады
Мени базы кыйнайды

АЛГЫШ
Акга Б 21 Касым 20

Аллах берген джанынга
Дюня азаб кирмесин
Джашай туруб катынга
Аман адам келмесин

Байлыгынгды ийманынг
Сенден узак кетмесин
Хыйлалыкды дюшманыг
Санга джувуккелмесин

Бир колунгу бергенин
Ёбюр колунг билмесин
Хала келген малынга
Харам джугу сингмесин

Уллу кёллю болмайын
Адам каргыш алмайын
Хакдан узак калмайын
Джашай баргын дюняда

Джюрегингде кёлюнгде
Шайтан орун табмасын
Не мадарсыз кюнюгде
Кёлюнг мудах болмасын

Джарык болсун муратынг
Тюрленмесин сыфатынг
Насыб толу джашагын
Кыйналмайын салларынг

Суклансынла ма санга
Адамлыкла,аклынга
Аллах болсун катынгда
Кыйналмазча картлыкда

Сенден алгыш кетмесин
Санга каргыш джетмесин
Джарык кюнюг битмесин
Аллах айыб етмесин

АНА ТИЛИМ
Ана тилим бай тилим
Анам кибик сюеме
Сени сюйюб ийнаклай
Джаным кибик кёреме

Сенден келген амалны
Мен халкыма береме
Бергеними азсыныб
Сагышлага киреме

Сени билмей ёсгенни
Анасызлай кёреме
Сени билмей юргенни
Сени бле тюеме

Тизилселе ма тилле
Сени алда кёреме
Сени артга тюртселе
Мен джарылыб ёлеме

Айтырымы айтырга
Сени алга иеме
Сав дюняга саламны
Сени бле береме
Акга Б 22 Касым 2011


КИЙИК УВ АЛГЫШ

Сылпагырладан Хамызат Ходжа'ны кызы Ханифа Уяр'дан алынгат.Хамызат'ны атасы Джарашты,Джарашты'ны атасы Окуб Хаджы болгант

Вой когуш бийче
Батма байрам
Байрам аяк тайдырмаган
Атган окну джаздырмаган
Джазгени джюрегинден
Тийгени ёбгесинден
Тигилиб кетсин тёббесинден
Вой Аллах кёб берсин,терк берсин
Каны куну катгынчын берсин
Сюрювю джатгынчын берсин
Терисин алыб атгынчын берсин
Ак карда джатгынджын берсин
Ак гелевни тартганын берсин
Бу арыкды семиз берсин
Бирбири ызындан джыйырма бла сегиз берсин
Бу гитджеди уллу берсин
Бирбири ызындан джыйырма бла онну берсин
Карыджаяк кабан берсин
Карышкулак марал берсин
Булчук баш був берсин
Кылчык баш джур берсин
Тогай баш джугутур берсин
Акга Б 22 Касым 2011

Салам алейкум, Суат!
Бек сау бол, е-майлынгы алдым.

Былайгъа салгъан къыйынынга авторла да разы бола болурла.
Акганы былайда да кёрдюм:
http://almatav.blogspot.com/?mid=53

Былайдан алыб кирилл харифлеге бурурча болса да, къарарса.

Эсен бол къачан да, къайда да.

"1984'те Болурланы Юсуф'ну рахматллы болмазындан бир джыл алгъа джаздыргъанды." 2004 дер орнуна 1984 денилгенди, тюзю 2004.

Мендерес Есен рахматлы (бу джыл аушканеди, Аллах рахмет ейлесин. Амин), Белпынар елни англатады:
http://vimeo.com/32707613

Коркмазланы Айла'ны Тюркия-Америка'дакы Карачай-Малкарлыла юсюнден хазырлагъаны видеола:





Тюркия-Америка'дакы Карачай-Малкарлы устазла юсюнден:



Белпынар ел:
https://www.facebook.com/photo.php?v=95753943067&f b_source=message

Бюлент Тезджан'ны назмулары:
http://bayrimukulu.blogspot.com/2011/11/tisge.html

Акга Бычаксыз'ны назмулары:
http://almatav.blogspot.com/?mid=53

Алейкюм Селам, Sabr!

Сайфаны Кирилл харфлегъе бурулгъаны бираз кыйын болады )

Саубол, Есенликле!


Акга'ны Алматау блогну курагъан Айла Хала'га джазган назмусу:
ЕГЕЧИМЕ
Кече демей,кюн демей
Ма юсюнге кюн тиймей
Тыгалас етиб тураса
Кайдан карув табаса?
Калайгада джетесе

Харкимгеда тюбейсе
Хатер етиб кетесе
Канатынгмы барт сени?
Джюрегингден джук букмайт

Бир кишини кыйнамайт
Кёзлерингде нурму барт?
Бир джукнуда качырмайт

Етген ишинг таб болат
Алдынг нёгер дуасын
Биз сыйласак аз калат
Аллах сени сыйласын
Акга Б 28 Касым 2011


ЕКИ БИРЧА
Конакъбайлары той арбазы
Муну билет халкны азы
Джыйынланы еки калмазы
Бири Бёчге аргы Тазы..1

Бёчге кимни Семенланы
Тазы ва Алаш;Гырбаланы
Той джокълаган конакланы
Тынгла БЕЛПЫНАР джомакланы..2

Отуз джылдан да алгын
Болушуб джашает халкынг
Тарыкмай тутуб бет джарыгын
Чабыет, колуна алыб чарыгын..3

Бёчге харкимни сувлай
Тазы да кесин сыйлай
Екиси да тойладан джыйылмай
Айланувчанелле тыйылмай..4

Тазы джука, Бёчге бай
''Сёз ючю'' дерге муну сай
Тутма акылынгы сен а сай
Сора етмейик давлаш хахай..5

Кюнсайын увга барыб Тазы
Сюйреб келирет бир Тюлкю джаназы
Чабмаеди,Хавф деседе базы
Чыкмавчуеди хазна авазы..6

Тазы Тюлкю'лени етсе ув
Тавуклага джогет тыйылув
Джетиб тиймесе Тавук аврув
Джогеди Тазыдан тарыгув..7

Кобуз,харс тавушдаеди еси
Барыб кыйырга сюелиеди кеси
Сюекледен байрам ете тюнкеси
Кёрсе ёретин авует Тюлкюсю..8

Бойнун бувмаса сынджыр тогайы
Чыгыб тебсерге джогет огайы
Той дегеллей ышартыб чырайны
Адетин Иги билиет Къарачайны..9

Кафкас'тан кошулуб кёчге
Елге орналгант калмай кечге
Колун джарашдырыб ишге,чёгюшге
Рахматлык Ефенди ишлеген бёчге..10

Еки челеги бле уллу Шоркасы
Елли челек сув джыя бочгасы
Дженгил толмаеди аны авузу
Шагат еди БЕЛПЫНАР Хавузу..11

Толтурган Джашланы джумушу сувну
Еринмеек оюнга санаб муну
Хавас етиб сюрюр ючю мотурну
Кёрмеек колда хиббил'ни Котур'ну..12

Той арбазда текерине тиреб ташны
Суву бла курашдырыб той ашны
Тавусуелле толу Бёчге'ден биркачны
Чыгарыб курнасына чанчылган агачны..13

Сув берген болуесе суваблы
Бёчге'ни сувабын джеталмаз кувсада атлы
Боюн джиклени етмей аман сагатлы
Алгышын алганет савлай джамагатны..14

Джаннетге баралган сыйын бир сынар
Кавсар Шарабны ол ичириб сыйлар
Бёчге себилни атыесе БЕЛПЫНАР
Катына сызгырыб тебсей, тебсей бар..15

Миниб кетгенет Емирдагъ'га Тазы
Кючюк'лени болсун дедиле атасы
Джогет Гаггы зат урлаган хатасы
Кайтмады хариб юйюрю болуб арталасы..16

Сыратдан ётерге излесенг тахи
Хойлум Тазы джетер болмай акси
Той барт десенг оджанда
Оздурур сени ийнан кучагында..17

Джараймыса Тазы чаклы Елинге
Огейсе джашаймыса телинге
Бёчге'ден сув алда бюрк бетинге
Кайтарыр ызынга БЕЛПЫНАР адетинге..18

Тукумун теренден санай
Бай'ларыбыз артын айланмай
Джарлы'лада джанын аямай
Барат БЕЛПЫНАР'ым кармалмай..19

Адам'ды Хойлум сени атынг
Кёргюз; Бармыт буладан аламатынг
Елинге джумуш етмез амалтын
Огесе бетни колгамы алдынг..20

Ишингден солурга джокъмуду джазы
Келетурмайса, Елинге базы
Кабыр'ланы гечмеймиди санга назы
Джоклайтур марджа болсунла ыразы..21

Параны еки бети,Тура бла Язы
Бири сув Бёчге аргы Алаш Тазы
Булачамыды.? Аягынгы калыр ызы ?
Джараган Унутулмайт есгериб аязы..22
(Байрымкул'ладан Бюлент ТЕЗДжАН)




Акга Бычаксыз
АММА БЛА ДжАШДжЫК

Амма супра салганды
Джашджык анга карайды
Болганланы джаратмай
Тёрт джаныны талайды

Аша джашым карама
Бир джук барсын карныга
Мени блай кыйнама
Кулагынгдан тартырма

Джав болмаса ашамам
Супра таба карамам
Мен джумушга джарамам
Кайда калды сарыджав?

Айтганымы етмединг
Ийнеклени кютмединг
Ийнек бизге бермеди
Сютню еркин иймеди

Хайда тамла кютейим
Узаклага ертейим
Тойдурубда келейим
Берирмисе сарыджав?

Алай болса джашджыгым
Ийнеклени саварма
Сарыджавда салыма
Сени махдай турума
Акга Б 28 Касым 2011


ТАНЫЙМЫСА СЕН АНЫ?
Бегимликни,карамны
Минги Тавдан алганды
Тавкелликни,чалымны
Кубан сувдан табганды

Аны блат еркенлик
Ёхтем джашав,джигитлик
Аны блат,мийиклик
Кёкде учган куш кибик

Минги Тавга ушайды
Минги Тав'ча чыдайды
Минги Тав'ча джашайды
Башын тимтик тутады

Билмейисенг, бил аны
Адам кибик адамды
Джурту бла Куран'ны
Баш юсюнде тутады

Таныймыса сен аны
Карачайды,Малкарды
Сыйы бла джашайды
Аллах аны махдайды
Акга Б 27.Касым.2011

Tinibek
Ас-салам!

Игисе да, Аллах айтса. Бу бери тюшюргенлеринги, тас болмазча, бир джерге джыя бараса да?
Ол Акка Бычакъсызны е-майлы, заты бармыды? Аны кеси бла бир байламлы боллукъ эдим. Фахмулу адамды да, назму джазыуну юсюнден бир кесек сёлеширик эдим...

Саламынг узак болсун, Sabr.

Игиме, шюкюр букюнюбюзге. Сиз де игъи болурсуз деп ышанама..

Акга (Зекерия), джангылада джомпутерле танышканды, facebook адреси: https://www.facebook.com/profile.php?id=1000022431 65601 .

Юниверситегъе бара джартыда койгъанды деп билеме джангылмаесем. Нёгерле коймайын Акга сен ескиден назмула да джазыучаненг, билебиз джашырма деп коймагъанларында алай джазып тебрегъенеди, джууклада. Кёлюнден келгениче джазаболур дейме

ЧЕТЕМ БЛА МЕН (1)
Мен айтайым хапарны
Кулак бериб тынглагыз
Иги тынглаб англагыз
Бир даха айтмам ха

Кече болдук джыйылдык
Алты киши болалдык
Хапар айта башладык
Хойлу хапарт тынглагыз

Ахмат айтыб башлады
Сюйгенлерин санайды
Бег ёргеден сермейди
Кюлюргеда болмайды

Керти сюйгенин айтса
Ахсынгаллай тохдайды
Башдан алыб башлайды
Солуб солуб махдайды

Бир кесекджик тынглайык
Кёлюн бираз алайык
Базы махдав салайык
Карув бере барайык

Тимур сыра саклайды
Сыра келмей турады
Тёзелмайын биразны
Хыны мыны болады

Сыра келди Тимур'га
Айт айтырынг незатты
Кёлюнгдеги олзатны
Озуб койма Ахмат'ны

Бек мудахма адамым
Бир мадарда табмайын
Колум саным тутмайын
Дыгаласга калганма

Незат болду адамым
Кертиденда кыйналдым
Айтда менда англайым
Бир мадарга карайым

Алан бир бек арыдым
Бир кесекджик джатайым
Джуклаб калсам кечигиз
Артын табла айтайым
Акга Б 29 кАСЫМ 2011

Болурланы Юсуф рахматлы, Абдулкерим'ни хапарын айтады, Кафкаста джюрюгъен вариантындан башкарак болур..



Пачахан'ны джашларыны джыры. Джашлары Жапон савашга кетип, кайтмайын калгъанды.. Аны кюю..

Tinibek

Салам !

Аллах эсенлик берсин, бек иги хапарла айтаса !

ТИНИБЕК, САЛАМ !

ЭСЕН БОЛУРСА, АЛЛАХ АЙТСА !!!

ШАТ
САЛАМЫНГ УЗАК БОЛСУН..

САУ БОЛ. ЕСЕНМЕ. ШАТ'НЫ ЕСЕН КЁРЮП, КАРАЧАЙМАЛКАР'НЫ ДжАРЫК ТАНГЫ АТА ТЕБРЕГъЕНИНЕ КУАНАМА. ИНШААЛЛАХ, ТАУЛУЛАНЫ ТАНГЫ АТАДЫ. ХАЙЫРЛЫСЫ БЛА.

- Малкар телевизёнда Сапар Ёзден...




- Жыллагъа бойсунмагъан жырла - Сапар Ёзден'ни юсюнден Малкар газетеде чыкгъан хапар

Малкар газете, 23 Касым..

Сейир адамла бла тюбешиуле
Жыллагъа бойсунмагъан жырла

Сейир адам бла тюбешиу, баям, кимни да есинде кала болур. Аллай танышыула бла байыкландырадыла жашауунгу, ич дуниянгы да.

Кёп болмай Елбрусоидде Карачайда, Малкарда да аты айтылгъан, жырла жазгъан, назмучу Ёзденланы Сафар бла жолугъуу болгъанды. Ары келгенле ол кюн заманларын анда ашыргъанларына ачыу етмегендиле деригим келеди.

1980 жыллада хар таулу юйде ешитиле едиле ?Жанкозла?, ?Алгъыш?, ?Карайма да...?, ?Осуят? деген ем башха жырла. Ол заманда, баям, хазна сагъыш да ете болмаз едиле аланы автору уа кимди деп. Мен да кёз аллыма келтираллык тюйюл едим ол ариу макамлы, магъаналы сёзлери болгъан жырланы автору алаша, уялчак, ийменчек жашды деп.

Кертиди, аны жыр айтыуунда бир тюрлю керексиз омаклык, кошаклык болмагъаны сезиледи. Алай туура Ёзденланы жашларыны жашауу спорт бла байламлыды, кеси да тренерди деб а турмагъанма. Тюбешиуде Сафарны юсюнден аллай шартла ачылгъаны кёплеге жангылык еди.

Аны юсюнден толурак айтханда уа, ол Карачайда туугъанлыкгъа, 80-чи жылладан бери Тырныауузда жашап, сабийле бла ишлейди. Назмула, жырла жазгъанын коялмайды. ?Коялмайды? дегеними магъанасы, Сафар, колуна гитара алып, халк аллына чыгъып жырлагъанны ер кишиге тийишли ишге санамайды.

- Ол кызтекеликди. Аллах а, коймай, мени куру ары тюртюп турады. Кесим гитче адамчык болгъанлыкгъа, жазгъан а кёп етеме, - дейди Ёзден улу.

Сора ол хар сахнагъа чыгъып, жырларгъа кюрешгеннге ?жырчы? дегенлерин тюзге санамайды. Аны оюмуна кёре, керти жырчыла Мечиланы Кязим, Семенланы Исмайыл, Кулийланы Кайсындыла. Бабаланы Ибрахимни, Зумакулланны Танзиляны, Мокаланы Магометни чыгъармаларына да ол бийик багъа бичеди.

Ненча кере тюшюнюп барабыз ?Жыр Карачайда етилир да, Малкарда ешитилир? деген сёзню кертилигине. Еки республикада да бирча атлары айтылгъан Ёзденланы жашлары ? Сафар бла Алберт ? сахнагъа жолларын бизде башлагъандыла. Мында жырларын телевиденияда, радиода жаздырып, ала алгъыннгы кассеталада еллеге жайылып, хар юйде багъалы конак болуп тургъандыла.

Сафар жашауунда аллай болушлук етген адамланы - Кулийланы Кайсынны,Беппайланы Муталипни, композитор Жеттеланы Мустафирни, башхаланы да уллу хурмет бла сагъынады. Муталип Ёзден улуну Кайсын бла танышдырып, ол а, шуёху Лев Ошаниннге сёлешип, Москвадагъы Горкий атлы Литература институтха окургъа баргъанын да айтханды ол.

- Малкарда биринчи бард жырла Жанатайланы Исмайылдан башланнгандыла. Калай аламат айтыучу еди ол аланы. Нек есе да, аны атын да терк?терк сагъынмайсыз, -деп, Ёзден улу аны да кемчиликге санагъанды.

Спорт бла кюрешген жаш назмучулукгъа калай келгенди, дерге да боллукбуз. Ол кеси билдиргеннге кёре, ана тилине сюймеклиги уллудан. Сабийи бла бирде орусча сёлешсе, кеси кесине айып етип, ёз тилине кайтады.

Жетте улу кёп жаш жырчыгъа болуша келгенди. Ол заманда телевиденияда ишлеген, Сафарны студиягъа чакырып, анга кёл етдиргенин да айтханды назмучу:

- Ерттенликге дери жырла!- десе, мен а сейирге калыучу едим.

Бу ишни сылтауун да ангылатайык. Карачай - Черкес Ставропол крайны санына киргени себепли, аланы кеслерини телевидениялары болуп, ёз тиллеринде бериуле хазырларгъа онглары болмагъанды. Бизде уа студияда конаклагъа алада болмагъан онгну тапдыргъанлары карачайлылагъа болмагъанча саугъа еди.

Гитараны согъаргъа да ол аскерде куллук етген заманында юйреннгенди. Сафарны сезимин козгъагъан да еки адам болгъандыла. Аскерде аны гитарагъа юйретген бизни кыралда ерттеден жашагъан кытайлы бла Москвадагъы Ярославский вокзалда жырлап сюелген жаш. Баям, жашауунда ала бла да ол бош тюбемегенди...

Тюбешиуге келгенле, сёзсюз, Ёзден улуну жырларын да саклагъандыла. Ол, колуна гитараны алгъанында, бир кесек буюкгъанча еди. Андан болур еди, кёзлюклени кийип, алай башлагъаны да. Анга тынгылагъанла уллу заууклук алгъанларын, жырларыны сёзлерине сансыз калмагъан жаш тёлю бла аны арасында ушак жарык, ышаннгылы халда баргъанын сезген бард, кёзлюклерин кетерип, андан ары алай бериледи жыргъа.

?Жанкозланы? айта туруп, аны бети тюрленнгенин сеземе. Соруула берирге кезиу жетгенде, аны сылтауун сорама. Автор айтханнга кёре, ол аны жашауу бла байламлыды. Бир елли биргесине окугъан кызчыкны сюйгенди. Жаш анга жанкозла жыйып бергенинде, ол аланы тёгюп кетгенди... Сафарны жыл саны алтмышха жуууклашханды. Ол сабий сезим аны жюрегин бюгюн да алай козгъагъанын, ол аны юсюнден айтханы Ёзден улуну ич дуниясыны, адамлык качыны юсюнден хапарлайды.

Сафарны ерттеден таныгъанла аны юсюнден оюмларын айтханда, Елбрусоид озгъан жылланы есгерген плёнкаланы да кёргюзтгенди. Конак ол заманда иймене олтургъанды. Сёз биягъы анга бла жыргъа берилгенде уа, ол, башха тюрлю адам болуп, кеси да бу тюбешиуден ыразылык тапханы есленди.

Ахырында аны курагъан Ксаналаны Фатима бир кууанчлы хапар да билдиргенди. Жууук заманда Москвада Ёзденланы Сафарны ?Ес? деген китабы чыгъарыкды. Ары аны назмулары, жырлары да киргендиле. Бу ахшы иш а Биджиланы Муссаны хайырындан болгъанын да билдиргендиле тюбешиуде.

САРАККУЛАНЫ Асият.

ТИНИБЕК, АЛЛАХ РАЗЫ БОЛСУН СЕННГЕ !

КЁБ ДЖАША, НЕ ИГИ МУРАТЛАРЫНГ БАР ЭСЕ, АЛАНЫ КЁЗЮНГ БЛА КЁРГЮН !
ИННЕТИНГ ТЮЗДЮ, СЁЗЮНГ - ЮЛГЮДЮ.
КЕЛИР ТУУГЪАН КЮНЮНГЕ ДА, БЫЛАЙ, ДЖАРЫКЪ БЕТЛИ ТЮБЕШИРГЕ, АЛЛАХ ОНГ БЕРСИН !!!!!!!

САУ БОЛ, ШАТ! АЛЛАХ РАЗЫ БОЛСУН..



БАЙЛЫК
Бай болур амалтын
Кече де ишлейт каралтынг
Табыесенг да чий алтын
Кёргюзмейин ташайттынг..

Кёзлеринг карай Гылтын
Байлыкъ болганды Муратынг
Ишге джегилиб адам атынг
Тюрленгент бет сыпатынг..

Джашавунг есе аламатынг
Айт еки куйрукму узаталдынг
Бармыды десем Кераматынг
Еслеб басаса бег акыртын..

Бай болса ва сени атынг
Бачгыш бла джеталмазет Халкынг
Джашавунг болуб джашыртын
Аягынг аттларет огартын..

Биламукъ ашай турмадынг
Аг Айранга да турсунмадынг
Тюрк тилден сеничю бирсёз урладым
''Пиринч'ге джутланыб Булгур'га сукландынг''..
(Байрымкул'ладан Бюлент ТЕЗДжАН)



АШЫК ОЮН:Ашыкла юлешилб артда калган болса,аны(аланы)аты джарлы болады.Атган сагатда тик тюген шубура,карын юсю тюшген ешшек,сырт юсю тюшген ёгюз,оюву юсге джан тюшген авчу,оювсуз джан тюшген тавчу болат.Бага сырасы,шубура,авчу,тавчу,ёгюз,ешшек.Туруштуруга атган сагатда шубура тюшсе сермешиле.Башга елледе атлары башга тюрлю еседа бизни елде (Килийса) былайды

ЕЗЕЛ АКГА МУРАТ АШЫК ОЙНАЙЛА
Алтмышеки ашыкны
Юлешдик барыны
Джыйырмалы,джыйырмалы
Еки ашык джарлы калды

Атдык сефта бешерли
Мени увчум,тавчум
Юч ёгюзюм барды
Езел енг арда калды
Ортадагы Мурат'ды

Мен ашыкны атгаллай
Езел мени марлады
Шупурасы бармыды?
Бошда калды хавасы

Токуштуруб ёгюзлени
Уруштуруб ешшеклени
Увчу урду ма ешшекни
Мен алганма бешими

Сыра келди Мурат'га
Артга калган онну
Атды олда ортага
Зор кёрюне ма иши

Ата билмей ашыкланы
Карыштырды ма боганны
Бег мудахда болганды
Ешшек ёгюзню урады

Езел калай куванды
Сыраныда ол алды
Чалымыда бег уллу
Мурат онга карайды
Акга Б
Мундан фазла джазсам салалмайма ,артын тамла джазарма


МЕН БЫЛАЙДА КАЛАЙЫМ!!
Калай аламатса кумусга
Авур джюгле ташыйса
Санга ушаса адамла
Калай иги болурла

Коркма меден джыпджыкджык
Кол тийирмем уянга
Бири бузса уянгы
Аны кёзюн оярма

Карасам ва асланга
Тёзалмайды хатага
Сен кесинги кыйнама
Салам бериб озарма

Найтув барды бёрюге
Джук такдырмай бойнуна
Джашавуну бардырат
Миллет анга суклана

Сени хыйла тюлкючюк
Карнынг ашаб тоймаса
Кайдан мадар табаса?
Нек джабаса каргага?

Махдамайын тав кушну
Калай озуб кетейим?
Арув айтыб мен ону
Сыйлы нёгер етейим

Барысында джаратдым
Сиз барыгыз аланла
Мен былайда калайым
Нёгерлери болайым
Акга Б 6 Аралык 2011

БИЗДА ЁРГЕ КОБАЙЫК!
Адам бурну канаса
Мени джаным джанады.
Онглу онгсузга вурса
Кёлюм мудах болады

Еки крал тюйюшсе.
Алга джарлы ёледи.
Еки евлен тюртюшсе
Хариб тюбде калады

Бу дюняны рахаты
Кимге калай батады.?
Тюйюшгенни бир аты
Нек еркинлик болады?

Нек болады быллайла?
Нек тёгюлет бу канла?
Англамайма аланла
Айтсагыза бирзатла!!

Хузур бузган кралла
Джетер енди тохдасын
Тохдамаса джезасын
Аллах берсин беласын

Алан былай болмайды
Бизда ёрге кобайык
Тюйюш излеб турганны
Былай еркин коймайык
Акга Б 2 Аралык 2011


ЧЕТЕМ БЛА МЕН (4)
Алий есинг кайдады?
Езел рахат турмайды
Тютюнюнгю урлады
Еркин еркин чачады

Коян бишди тюшрдюк
Юлюш етиб бёлюшдюк
Сизге юлюш иебиз
Кёзювюню ийигиз

Мени четем блайды
Ай марджала дегеллей
Кайгы сагыш етелле
Мыджымайын джетелле

Не болганды дайы деб
Кёл алырга кюрешиб
Ёрге ёрге кёлтюрюб
Тоб деб джерге иелле

Мен кызама алага
Ала кызат ма манга
Мадар табыб дагыда
Кёлюм алыб кетелле

Танг атды,кюн джарыды
Чете кете дербеди
-От алыргамы келдигиз?
-Нек ашык-бушук етдигиз

Енди хапар битеди
Джук кошмадым кертиди
Килийса'дан сизлеге
Чете салам иеди
Акга Б 1 Аралык 2011



ЧЕТЕМ БЛА МЕН
Ким биширир коянны
Ёрге туруб кадалыб
Уялмайын карайла
Манга тюшдю шапалык

Кесимида махдайым
Мен коянны биширсем
Кюйдюрмейин тюшюрсем
Юлюш етиб юлешсем

Алай татлы болады
Кашык чатал алыгыз
Халал болсун ашагыз
Шапалыкны махдагыз

Коян бишет казанда
Ашыкмагыз ашарга
Сизле джатыб джукларга
Отдан тюшер тамлага

Алий башлайт алдарга
Оллахий ха адамым
Биркюн увга барганим
Дёрт коянны вурганим

Етме алан быллайла
Нишангада бир кара
Артын етиб кояса
Бир атыб,дёрт вураса

Давур сюйюр болалла
Ташла вуруб айюню
Джабыб тутуб бёрюню
Юркютдюле тюлкюню

Алан былай нетесиз
Кычырыкла,сийитле
Мени тели еттигиз
Туругузда кетигиз

Ештмейдиле ма мени
Кайдам кайдат еслери
Самаркавда етелле
Хеб биргелей кюлелле
Акга Б 1 Аралык 2011


ЕЛНИ МАНГА КЮЛДЮРМЕ
Кече кёрсем тюшюмде
Аврув тиет кесиме
Кюндюз кирсенг есиме
Шайтан кирет ишиме

Сюйдюм сени дериме
Ачув тийди ерниме
Сени сюйюб келгенме
От тюшюрдюнг кёлюме

Нетерикме билмейме
Келиб кирдинг кёлюме
Караб сени кёрюрге
Кан толтурдунг кёзюме

Мудах болган кюнюмде
Сени кёрюб кюллюкме
Мени болсун аврувунг
Сени сюйюб ёллюкме

Гина ентда келликме
Отга атыб кюйдюрме
Тели дебда билдирме
Елни манга кюлдюрме
Акга Б 30 Касым 2011


МЕНДЕН ИГИ ТАБМАЗСА
Излей келиб дюняны
Бек кёблени табсангда
Менден иги табмазса
Сюйдю дебда айтмазса

Джюрегими юй етдинг
Джарлы джанны кул етдинг
Джакдынг,джыкдынг кюл етдинг
Неди сени иннетинг?

Еки кюнлюк дюнягы
Беш курушга сатма сен
Мени берген багамы
Учуз етиб,айтма сен
Акга Б 29 Касым 2011


КЁРДЮГЮЗМЮ СИЗ МЕНИ!!
Бюкюн мен не еттим?
Тохдамайын кюрештим
Кёбле бла сермешиб
Дюняларын тар еттим

Бара бардым бир джерде
Хитлер бла тюбештим
Арув айтыб кюрештим
Англамады таш еттим

Сталин деген сойсузга
Бег авурла сёлештим
Тюе тюе еригиб
Адамлыкдан тыш еттим

Дженгиз Хан'ла сермештим
Аямайын тюйюштюм
Кёрдюгюзмю сиз мени
Аны калай туш еттим?

Тенгиз тыймаса мени
Бушх табагада барригим
Джюрегини джаррыгим
Тёгуб канын аллыгим
Акга Б 30 Касым 2011



ЧЕТЕМ БЛА МЕН(2)
Мен киргенме кайгыга
Кёзюм караб бир кызга
Андан мудах турама
Айталмайын ма сизге

Иляс кирди ма сёзге
Нёгерликни курайык
Мадарына карайык
Аны санга алайык

Биз аллайла етерге
Ешик каты вурулду
Биз ешикге джетерге
Мурат кирди ма юйге

- Юх былай кирилирми?
-Калай кирикме сора?
-Мени юйюмт былайы
-Ешикни вур кир деселе кир

Дайы найтды кёрдюнгмю?

Кой айтмагыз аман сёзню
Карартмагыз кашны,кёзню
Таралтмагыз нёгер кёлню
Алай етген,иги тюлдю

Иляс турат ышарыб
Бизда анга карашыб
-Халывенге чыгыгыз
-Хезат барды кёрюгюз
-Авур болду сёзюгюз

Незат айтды бу енди?
Сёзю башы еркинди
Чыгыб кетди ешикге
Коян бла кирди ызына

-Кайдан алдынг сен аны?
Сатыб алдынг болурму?
Кёзю сокур коянны
Тюзде табдынг болурму

Вой аланла болмады
Кагыт калам арыды
Арты калды тамлага
Кёрюшюрбюз гинада
Акга Б 30.Касым 2011