"Полёт души"

- В КБГУ открыта выставка Азнора Сарбашева «Полёт души». О выставке художника Азнора Сарбашева. (Н. Леонтьева – заедующая экспозиционным отделом республиканского музея изобразительных искусств).)
http://vestikbr.ru/?p=22504

- Бюгюн КъМКъУ-да фахмулу суратчы Сарбашланы Азнорну кёрмючю ачылгъанды (Сарбашланы Азнор)
http://vestikbr.ru/?p=22484

- Балъкъэр сурэтыщ1 Сарбашев Азнор и сурэтхэм я гъэлъэгъуэныгъэ нобэ КъБКъУ-м къыщызэ1уахащ. (Багъэтыр Тимур – гъэлъэгъуэныгъэм кърихьэл1ахэм ящыщщ).
http://vestikbr.ru/?p=22486

Чегем районну архитектураны инженери Сарбашланы Азнор ишлеген суратларын, жазгъан назму тизгинлерин, жырларын эшитген да болурсуз, эшитмегенле - эштигиз, кёрмегенле бар эсегиз - къарагъыз къаллай фахмулу адамларыбыз барды миллетибизде деген акъыл бла ачылгъанды бу тема. Бу къууанчлы жыйылыу къуру кёрмючню ачылгъаны бла чекленип къалмай, Азнор кесини назмуларын окъугъанды, жыр да айтханды.
Азнорну бу байрамы бла алгъышларгъа ол кюн белгили суратчыларыбыз, назмучуларыбыз, жырчыларыбыз, миллетибизни белгили адамлары келген эдиле.

Ол кюн анда суратчы отуздан артыкъ чыгъармасын кёргюзтгенди. Азнорну жашауда жаланда кеси усталыгъы бла чекленип къалмай, назму, жыр жазыугъа, сурат ишлеуге да заман таба билгенлерин энчи махтау бла айтхандыла жыйылгъанла. Баккуланы Владимир а аны ишлерине профессионал кёзден къарап: "Азноргъа чегемли Леонардо десек, ётюрюк болмаз" - деп аллай багъа бергенди.

Кёрмючге келгенлеге айланып сёлеше белгили поэтибиз Табакъсойланы Мухтар хар адамгъа да Аллах бир хунер бермей къоймагъанын, аны жаланда ачыкълай, айныта билирге кереклисин белгилегенди.

Азнорну кесине сёз берилгенде уа ол, ары келгенлеге жюрек ыразылыгъын билдирип, назмуларындан бир къауумун окъугъанды, жырлары бла да къууандыргъанды. "Сиз мындан бир кесек жюрек жылыу окъуна элтсегиз, мен кесими бек насыплыладан бирине санарыкъма" - дегенди.