Расширенный поиск
16 Апреля 2026 года
Логин: Регистрация
Пароль: Забыли пароль?
Навигация
Словарь
  • Гырджын – тепсини тамадасы.
  • Ашха уста, юйюнде болсун
  • Элиб деген, элге болушур.
  • Тешигини къатында, чычхан да батыр болур.
  • Ётюрюкден тюбю джокъ, кёлтюрюрге джиби джокъ.
  • Минг тенг да азды, бир джау да кёбдю.
  • Сагъышы джокъ – джукъучу, акъылы джокъ – къаугъачы.
  • Дууулдаса – бал чибин, къонса – къара чибин.
  • Иги болса, тамадама – махтау, аман болса, меннге – айыб.
  • Аманнга игилик этсенг, юйюнге сау бармазса.
  • Къобан да къуру да къобханлай турмайды, адам да къуру да патчахлай турмайды.
  • Къан бла кирген, джан бла чыгъар.
  • Юреннген ауруу къалмаз.
  • Къумурсхала джыйылсала, пилни да джыгъадыла.
  • Къыйынлы джети элге оноу этер.
  • Асхат ашлыкъ сата, юйдегиси ачдан къата.
  • Игилик игилик бла сингдирилиучю затды.
  • Джахил болса анасы, не билликди баласы?
  • Ана къолу ачытмаз.
  • Аджалсыз ёлюм болмаз.
  • Байны оноуу, джарлыгъа джарамаз.
  • Уллу сёлешме да, уллу къаб.
  • Термилгенинги табмазса, кюлгенинге тюберсе.
  • Ишге юренсин къоллары, халкъ бла болсун джоллары.
  • Хатерли къул болур.
  • Элде адам къалмаса, ит тахтагъа минер.
  • Кёбден умут этиб, аздан къуру къалма.
  • Билим – акъылны чырагъы.
  • Ашына кёре табагъы, балына кёре къалагъы.
  • Гугук кесини атын айтыб къычыргъанча, мен, мен деб нек тураса?
  • Ауругъан – джашаудан умутчу.
  • Билеги кючлю, бирни джыгъар, билими кючлю, мингни джыгъар.
  • Бети – къучакълар, джюреги – бычакълар.
  • Джангызны оту джарыкъ джанмаз!
  • Акъыл бла адеб эгизледиле.
  • Джашны джигитлиги сорулур, къызны джигерлиги сорулур.
  • Адам къыйынлыгъын кёлтюрюр, зауукълугъун кёлтюрмез.
  • Тилде сюек болмаса да, сюек сындырыр.
  • Бети бедерден, намыс сакълама.
  • Ат басханны джер билед.
  • Къатын байлыкъны сюер, эр саулукъну сюер.
  • Билим ат болуб да чабар, къуш болуб да учар.
  • Ач да бол, токъ да бол – намысынга бек бол.
  • Босагъа таш юйге кирмей эди, тыбыр таш эшикге чыкъмай эди.
  • Мени джылытмагъан кюн, меннге тиймесин!
  • Ач келгенни – тойдур, кеч келгенни – къондур.
  • Аманны къуугъан, аманлыкъ табар.
  • Джаз бир кюнню джатсанг, къыш талай кюнню абынырса.
  • Бет бетге къараса, бет да джерге къарар.
  • Терек ауса, отунчу – кёб.

Форум

Форум / Бёлюмле :: Тематические разделы / Санат бла маданият :: Искусство и культура
Для любителей творчества Сапара Узденова....
 
#1
Джаратама0
20.05.2007 18:47:47 Translit
http://www.youtube.com/watch?v=peJl2PXCDWA
 
 
Страницы: Пред. 1 ... 83 84 85 86 87 ... 93 След.
Ответы
 
#2521
Джаратама0
21.10.2015 00:55:37 Translit
Цитата
Ocean пишет:
Sapar, tuug'an kunungbla!!!




Загрузка плеера
alamat
 
 
 
#2522
Джаратама0
22.10.2015 00:51:05 Translit
Taularıbız tebmesinle,
Kartlarıbız ölmesinle,
Turganıça tursun taş-agaç...
 
 
 
#2523
Джаратама0
22.10.2015 00:52:16 Translit
Taularıbız tebmesinle,
Kartlarıbız ölmesinle,
Turganıça tursun taş-agaç...
 
 
 
#2524
Джаратама0
23.10.2015 16:59:21 Translit
Метин, сау бол суратла ючюн !!!

Уллугъа - гитчеге да Салам бер...

Ол джумушну юсюнден, ангылашынмагъан зат болса, Берекет бла Океан бла соруулашырса..

Турна ауушда, джаздача, бир да бир аламат кюнле....

Сиз джанына да - Джылылыкъ бла Рахатлыкъ !!!

:серенада: :emoji106:
 
 
 
#2525
Джаратама0
24.10.2015 13:36:43 Translit
135

Орамда, уллу джелде,
Шайтанла тойла эте.
Джазгъыны кёрюнмейди джугъу.
Кетген джыл а, бу кюнде,
Джамагъат алгъыш эте,
Джерине, салгъан эди, урлукъ.

Орамда уллу джелде,
Шайтанла тойла эте.
Былтыр, чот, маджал эди, тейри.
Мен, сени, кёкге атыб,
Дагъыда, къолгъа алыб,
Къойнума, къыса эдим, бери.

Орамда уллу джелде,
Шайтанла тойла эте.
Джазгъылай, о сен да, мычыдынг.
Арада сагъыш джелле,
Сен, аны, унут дейле.
Тансыкъны джырта да хар чыгын.

11.04.2000.
Къарчастан.
Джёгетей.


 
 
 
#2526
Джаратама0
24.10.2015 13:37:40 Translit
136

Суу - хауа, андан къалса уа отду,
Джашауну дамын берген бизге.
Аланы да, чынг аллысы – Олду,
Болайыкъ, къурман, Тейрибизге.

Аллахдан кёрдюм бушуу- къууанч да.
Хар нени, несин да, кёргюздю.
Алдырды къолгъа чагъыр, къуран да.
Къанымы, терни да, тёкдюрдю.

Учурду, джанны, тюнню, ичи бла,
Чынг башха аргъы джаннга, терен.
Кёзюуде, мен тенг эдим, тели бла,
Кёзюуде, онглуем, хакимден.

Сыйладым, ташны да, адамны да.
Джыр тилде къызгъа да тёгюлдюм.
Насыбны, бирде, оздум къаты бла,
Кёзюуде, къууанч бла да, кюлдюм.

Къайгъыгъа, тойгъа да, юренчекме.
Юренмек, билеме, ёргеден.
Алайын, эртде да, мен, сезгенме,
Джукъ берсе, къуяр, ол тёпбеден.

Ой, берсинчи, кёк, кёбню, аямай.
Бир бошха, джашамайым, джерде.
Джашайым, артыкъ кере, джыламай,
Мардада, болсун, къууанч менде.

26.03.2000.
Турна Аууш.

 
 
 
#2527
Джаратама0
24.10.2015 13:38:39 Translit
137

Джазгъыда джана турад кёзюмде кёзюнг.
Джазгъыда бузлай турад кёлюмде тёзюм.

Къалай да, ой, не этгин, болду ол боллукъ.
Мен, сеннге, болалмадым насыбха отлукъ.

Арыдым, бир бек сюйюб, тотланды сезим.
Ангынгда, бир чакъмады, мени бир сёзюм.

Эрикдим, кесим къала, эрикдим бир бек.
Эригийу а, не затды,- сансызды джюрек.

Мен сеннге джарамадым, алайды къадар.
Сора, къой, излемейик, ангнга биз мадар.

Сюймеклик сейир затды, болса да халал.
Бирлеге - къаты эмен, къауумгъа уа – тал.

Сен - мен да, сезалмадыкъ, аны болумун.
Биз, тенгден, туталмадыкъ ышара къолун.

Арабыз, узакъ болду, къалды, алай, кенг.
Сеники- тыбыр сакълау, антсызса тебсенг.

Джазгъыда джана турад кёзюмде кёзюнг.
Джазгъыда бузлай турад кёлюмде тёзюм.

12.04.2000.
Басханстан.
Турна Аууш.




 
 
 
#2528
Джаратама0
24.10.2015 13:40:48 Translit
138

Гитарамы,
Узакъ элде, букъу басыб, къылларын.
Джырчы джанны,
Башха элде, джашау сынай чыдамын.

Анда къалгъан,
Не айтсанг да, менден эсе, табыракъ.
Джуртда тургъан,
Не десенг да, кеси юйде, онглуракъ.

Мунда тургъан,
Эси барда, кюч табмайды джашнаргъа.
Къушлай учхан,
Джер юсде да, базынмайын, атларгъа.

Алты къыллым,
Бирер башха, табылырмы, бизге джол.
Алты къыллым,
Бирер башха, насыб къайда, болмаз ол.

Къой, кетейим,
Эски джерде эски халкъгъа къайтайым.
Къорма дейим,
Джылыуунда, къылда ойнай къанайым.

14.04.2000
Турна Аууш.









 
 
 
#2529
Джаратама0
25.10.2015 18:55:52 Translit
Цитата
ШАТ пишет:
Bu aman Aza ua nek körünmey qaldı !!!
:берикел:
 
 
 
#2530
Джаратама0
25.10.2015 19:03:19 Translit
Цитата
ШАТ пишет:
Цитата



Цитата



Загрузка плеера
 
 
 
#
Джаратама0
  Translit
 
 
 
#2531
Джаратама0
25.10.2015 23:01:22 Translit
Цитата
ШАТ,
:такточно: :куку:

:превед:

К'уандым ишлеринг аллына барг'аларын ючюн.
Аламат! :браво:
http://36.media.tumblr.com/tumblr_mczj3vGoZ71r4jtyyo1_1280.jpg
 
 
 
#2532
Джаратама1
26.10.2015 16:36:31 Translit
Загрузка плеера
Taularıbız tebmesinle,
Kartlarıbız ölmesinle,
Turganıça tursun taş-agaç...
 
 
 
#2533
Джаратама0
27.10.2015 21:23:27 Translit
tenebek,

alamat :alamat:
:серенада:
 
 
 
#2534
Джаратама0
28.10.2015 16:12:45 Translit
Цитата
tenebek пишет:

Загрузка плеера


136

Суу - хауа, андан къалса уа отду,
Джашауну дамын берген бизге.
Аланы да, чынг аллысы – Олду,
Болайыкъ, къурман, Тейрибизге.

Аллахдан кёрдюм бушуу- къууанч да.
Хар нени, несин да, кёргюздю.
Алдырды къолгъа чагъыр, къуран да.
Къанымы, терни да, тёкдюрдю.

Учурду, джанны, тюнню, ичи бла,
Чынг башха аргъы джаннга, терен.
Кёзюуде, мен тенг эдим, тели бла,
Кёзюуде, онглуем, хакимден.

Сыйладым, ташны да, адамны да.
Джыр тилде къызгъа да тёгюлдюм.
Насыбны, бирде, оздум къаты бла,
Кёзюуде, къууанч бла да, кюлдюм.

Къайгъыгъа, тойгъа да, юренчекме.
Юренмек, билеме, ёргеден.
Алайын, эртде да, мен, сезгенме,
Джукъ берсе, къуяр, ол тёпбеден.

Ой, берсинчи, кёк, кёбню, аямай.
Бир бошха, джашамайым, джерде.
Джашайым, артыкъ кере, джыламай,
Мардада, болсун, къууанч менде.

26.03.2000.
Турна Аууш.
 
 
 
#2535
Джаратама0
29.10.2015 23:35:37 Translit
Берекет къарнашым а къайда къалдыЁ нек кёрюнмейди

:царь:
 
 
 
#2536
Джаратама0
31.10.2015 10:57:16 Translit
Цитата
Ocean пишет:
ШАТ ,

К'алайса? Не джангылык'?





 
 
 
#2537
Джаратама0
31.10.2015 10:59:19 Translit
эсенме Сеннге да Эсенлик

:гоккачыкъ: :emojio68: :серенада:
 
 
 
#2538
Джаратама0
31.10.2015 11:03:45 Translit
Цитата
Цитата
Цитата
Цитата
тenebek пишет:
Saparga esenlik tiley...














Загрузка плеера







Бек сюйюб тынгылайма бу джыргъа... Сау бол, Тенебек !!!!!!!!!!!!!!
 
 
 
#2539
Джаратама0
31.10.2015 22:20:16 Translit
Цитата
ШАТ пишет:
Цитата
tenebek пишет:
Salam bla...







Загрузка плеера
 
 
 
#2540
Джаратама0
03.11.2015 14:29:21 Translit
139

Къуруса да насыбым.
Джазгъаным къурумасын.
Бузулса да, ма, саным,
Акъылым къурумасын.

Къуруса да арбазым,
Тийрем а къурумасын.
Ай, мени, чырт азабым
Башхагъа джугъулмасын.

Къуруса да, ма, тийрем,
Бу тау эл къурумасын.
Сагъышда эси кюйген,
Башхагъа от тутмасын.

Къуруса да, ма, элим.
Миллетим къурумасын.
Я Аллах, бу тилегим,
Эсингден къурумасын.

Къурумасын бир деб зат.
Ай, джетмейин заманы.
Джашасынчы табигъат,
Хар мураты адамны.

Кёб кёрейик алгъыш биз,
Кёб тояйыкъ алгъышдан.
Ай, джашасын телибиз,
Чарпымасын акъылман.

Этдим, мен, ашхы джора.
Я Аллахым, къууандыр.
Хар небизни бур онга,
Билим алгъа ууландыр.

15.04.2000.
Басханстан.


 
 
 
#2541
Джаратама0
03.11.2015 14:30:51 Translit
140

Эртден – ингир, сен излейсе тейри эшик.
Аны кёрюр, бармыд сенде, айт, болум.
Мен билгенли, сен джашайса хазна этиб.
Берирге уа, юренмеди, чырт, къолунг.

Сен билген а тилни созуу, джанны джыртыу.
Андан башха, ненгди, махтау, айт бери.
Сууугъаннга, бергенмисе, джангы джылыу,
Мамматлыкъда, бюкгенмисе, сен белни.

Болгъанлыкъгъа юзюк сенде уллу тукъум,
Шо нексе да, былай тюрлю, къаннгабаш.
Джан юсюнгде, джети эли, харам букъунг.
Кёкню къой да, сен, адам бла, саламлаш.

Сеничагъа, къой, ачылмайд, Тейри эшик.
Бош, къыйналма, башха затха, бур эсни.
Андан эсе, изле дейме, бир джер тешик.
Анда, джокъла, сен, тюзюнгю – терсинги.

16.04.2000.




 
 
 
#2542
Джаратама0
03.11.2015 14:31:33 Translit
141

Къаргъада да, бу джан деген, акъды къардан.
Кеси тилде, ол джарлы да, тартыр азан.

Ай, не келсин, къычырыгъы, кюлден къара.
Анга базыб, къалай чабхын, сен, намазгъа.

2000 дж.



 
 
 
#2543
Джаратама0
04.11.2015 00:20:22 Translit
Цитата
ШАТ пишет:
141

Къаргъада да, бу джан деген, акъды къардан.
Кеси тилде, ол джарлы да, тартыр азан.

Ай, не келсин, къычырыгъы, кюлден къара.
Анга базыб, къалай чабхын, сен, намазгъа.

2000 дж.


 
 
 
#2544
Джаратама0
05.11.2015 10:41:48 Translit
Цитата
ШАТ пишет:
Цитата





Загрузка плеера


alamat


Джаздача, бир иги кюнле !!!!

:превед:
 
 
 
#2545
Джаратама0
06.11.2015 18:07:12 Translit
Берекет, Аза

Эсен болурсуз, Аллах айтса...

Китаб чыгъарыуну юсюнден сизни оноуугъуз керек эди....

Дипломный работаны переводларын орус джашла Москвада чыгъарыргъа излейдиле...
Ала къарыусуз назмуладыла дегенимде, быллай хапарны билдирдиле...
 
 
 
#
Джаратама0
  Translit
 
 
 
#2546
Джаратама0
06.11.2015 18:10:12 Translit
Ариу къач болду

:emoji106:
Изменено: ШАТ - 08.11.2015 12:58:12
 
 
 
#2547
Джаратама0
06.11.2015 18:13:43 Translit
Алгъа баргъан иги болмаса, Джашау эртде тохтарыкъ эди.

Алгъа !!!!!!

:emoji122:
Изменено: ШАТ - 08.11.2015 13:01:05
 
 
 
#2548
Джаратама0
08.11.2015 13:04:50 Translit
Энди, джыр-назмугъа кёчейик.....
 
 
 
#2549
Джаратама1
08.11.2015 16:31:36 Translit
Салам, Сапар.

Сау болсунла Мисюк да, Василенко да, сени багъалатханлары ючюн. Диплом ишинге къайсы назму киргенди, деб, айырыб билмейме. Айтырым а, буду. Не къаты назмучуну да окъуучула джаратхан, джаратмагъан да назмулары болуучанды. Мени сеирсиндирген, керти кёлюм бла айтама, - сени назмуларынгда аллай зат джокъду, ма бу назму къарыусузду деб бирине айталлыкъ тюлме. Аны айтханым - къарамайын басмаландырыргъа керекди, аллай мадар бар эсе.

Сени назмуларынгда къарыусуз зат боллукъ болса, ол орусгъа кёчюрюлген зат боллукъду. Асры энчи джазаса. Тилибизни теренден келген сёзлери бла, сезимлери бла джазаса.

Мени анам деменгили сёзню, билген да, джаратхан да адам эди. Кетген джылында, джандетли болсун, сени назмуларынгы кёб окъугъан эдим анга. Анамы айтханы - бу джашчыкъ биз ары кетгенчи сёлешген сезле бла джазады, гитче къызчыкъ заманым эсиме тюшюб къалады, тынгыласам. Да сен Хаджай къабакъдан чыкъгъанса, Сапарны тамырлары да андандыла десем, огъай, бу джашчыкъ бурунгудан келген сёз бла сёлешеди, бюгюн къартларыбызда сёлешелмейдиле былай, деб мени бла уллу "творческий споргъа" кире эди.

Назмуларынг анама дарман болуб къалгъан эдиле, джукъласа китабынгы джастыкъ тюбюне салыб джукълай эди. Эгечим да менге урушуб. Къуран китабны унутду да къойду ання, Сапарны китабын къучакълай, деб.

Эсимдеди, къайгъы сёз бла келгенингде, ол китабны мюйюшчюклери ичине чюйрелген чапракъларын ача-ача, бармакъларынг къалтырай, анам артыкъ бек джарахан назмуларынгы артына дери окъуб чыкъгъанынг.

Сау бол, Сапар.
 
 
 
#2550
Джаратама0
09.11.2015 17:27:40 Translit
Берекет,

Ай, Саламынг узакъ болсун, кенг болсун, къарнаш !!!

Аллах джандетли этсин, мени бек эркелетиучю анангы...Ненча кере, барайым эте, барайым эте, кёралмагъанлай къалдым ахыр кюнлерин.
Эсимдеди, китабны бетлеринде ол бюгюлюб тургъан мюйюшчюкле....Энди, Аллах къууанчда кёбюрек тюбешдирсин !!!

Володя айтыугъа кёре, 86 назму кёчюрюлгенди, 61 бирни , уялмай чыгъарырчады дейди...Построчникле, бир ий деб, талай кере джазды, алай а, менде, аллай болум джокъду, назмуну ёзегин ачыкъларча ( орусча )

Джартысын къарачайча, олбир кесегин да орусча этсек иги болурму, деб да, сорады...
Былай, сени да, литературагъа уллуракъ эс бёлюрча заманынг болмагъанын кёремисе... Чыкны - чыкга саллыкъ эдинг....

Мени эркелетгенинг ючюн да, сау бол, къарнаш !!!

Джангылыкъ болса, айхай да, билдирликме.
Саламыбыз бирге, джарыкъ бетли кёрюшейик !!!

Юйде Салам бер.


 
 
 
Страницы: Пред. 1 ... 83 84 85 86 87 ... 93 След.
Читают тему (гостей: 1)

Форум  Мобильный | Стационарный