Форум

45 - Сен манга алай джертин къарама,…
46 - Къарачайда, ма, джабалакъ…
47 - Таулу отну сюймейди,…
48 - Адам болсун, мёлек болсун, бир ангыла…
49 - Джаза турад джырчы къолум,…
50 - Кесекден джангы хапар айтырма,…
51 - Кечеде, кесим джангыз, барама сыртда…
52 - Бусагъатдан кюн да тиер,…
53 - Бусагъатдан ай да чыгъар,…
54 - Ай, джырласын къарылгъач,…
55 - Сен танышма динсиз джол бла,…
56 - Эс мугалды, джан да арыгъанды,…
57 - Джомакъладан тахса билген,…
58 - Келлик кюнде не сакълайд, сууукъ эм ачлыкъ….
59 - Терек тюбде джылай тургъан ичген адам….
60 - Мийик кёкде узун чачлы бир къыз кёрдюм….
61 - Сен къызланы гыпысы,…
62 - Соргъанса да, айтайым, къысхартыб, хапар….
63 - Къалкъыудады, Не эсе да, кёргюзмейди къыш кючюн….
64 - Мийикледе тубанла, Бир – биринден добарла….
65 - Таулагъа келе турад, джангы джыл кёктюн….
66 - Шайтан тилли къалай айтыр мёлек сёзню….
67 - Тубан басханды Басханны,…
68 - Басханда чагъыр баса, баса джырланы….
69 - Басхан орманда, Кирсиз боранда,…
70 - Айтама джазгъы алгъыш, къарай да ёрге….
71 - Къышхы кюнюм къалайды, бери къара, былайды….
72 - Айланаса, къарт итимча, ашыкъ къагъа….
73 - Биринг эсе - мыстыбай, Биринг эсе - писихбай….
74 - Джашы, ёрге бир турсанг,…
75 - Неме - джарашыу адам, ариуду аты….
76 - Эй, майна, келедиле Асан бла Муртат….
77 - Сен былтыр мысты эдинг, быйыл акъыллы….
78 - Сол къолунг онгну урлай, онгунг да солну….
79 - Джюгюне чыдамайын къыжылдайд арба….
80 - Бу джаугъан къар да, Мендеги джан да….
81 - Басханны тангларында, Басханны къарларында,…
82 - Чарс басханды эсни, тюнюмден бир аман узакъдаса….
83 - Эртде тургъан эркек ат да тайчыкъ табар….
84 - Къутсузду, энтда, тау джели,…
85 - Ингирде салкъын юйде, Турама салкъын тюнде….
86 - Патчах этсенг телини. Джабыб турсанг элинги….
87 - Тил учунгда толуб джатад къайгъы богъан….
88 - Кёзлерингде - сау Къарачай….
89 - Джашау ётдю къонакъдача….
90 - Джарсыудан къачар ючюн керекди Аллах….

137 - Джазгъыда джана турад кёзюмде кёзюнг….
138 - Гитарамы, Узакъ элде, букъу басыб къылларын….
139 - Къуруса да, насыбым, Джазгъаным къурумасын….
140 - Эртден – ингир сен излейсе тейри эшик….
141 - Къаргъада да, бу джан деген, акъсыл къардан….
142 - Башынданды бары да,…
143 - Джырчыны иши халал, Кеси уа – харам….
144 - Сен джашайса тюшлеринге къурман бола….
145 - Джарыкъ орам къыжгъыл болуб ауанадан….
146 - Эс кирсе джангы джаннга,…
147 - Кёзюм кёрген, тургъаныча джалан таула…
148 - Ала къан, эм туз бла тер, Аллахдан а джан….
149 - Турчу энди муртат юйде тилинг къатыш….
150 - Тюбю джерге табына, Башы кёкге абына,…
151 - Ёзден джуртда, ёзден санда, ёзден джаным….
152 - Ненча сагъыш эледим,бир акъ да, бири мор….
153 - Кюле, тюзюме – терсиме,…
154 - Семиз булут арыкъны,….
155 - Джангур, джау, хайда джау….
156 - Былай ары тик джити. Былай бери джол иги….
157 - Алкъа къагъанакъса да. Алкъа къарындаса да….
158 - Хауада ауанала….
159 - Ай, Эсеним, Эсеним. Эсен болсун ёсгенинг….
160 - Джашаргъа уа, энтда, заман барды….
161 - Эй Аллахым, кючюнг кёб. Тура – туруб, гюрюлдеб,…
162 - Дамсыз адамла. Алдау азанла….
163 - Сапар тебресе къайтмаз сафаргъа,…
164 - Джангы джангурла. Джангы дауурла….
165 - Къыркъ джети бери джетди,…
166 - Чыныкъгъанды эски эсим хар бир даугъа….

168

Туугъунчу да сюйген эдим мен Джашауну.
Джашлыкъда да, уллуд, Тейри, махтауум.
Къабырда да, берме, Аллах, аджырауну,
Джашнаб турсун джан туурада джашауунг.

2000 дж.

Этез улу Исмайил мени джамагъат бла танышдыргъаны
171

Сиз, таныгъыз быланы,
Мен айтайым хапарны.
Асламысы таулула,
Тамгъалары - бурунла.

Башха къауум джыйымдыкъ,
Хар экинчи бир сылыкъ.
Келе – келиб, тюзледен,
Джашайдыла бай бизден.

Ала ийе, биз – къонакъ.
Биз зыкгыл, ала омакъ.
Сол туракълай, алайда,
Сюйеледи Зубайда.

Аууз уллу, баш гитче.
Ауазы джарар итге.
Гитче башда чач къыркъма
Джетишсе да ол къыркъгъа.

Аууз ачыб, тюз, анга,
Ушайма деб, чолпаннга,
Сюйеледи Къанитат.
Эй, кючлюдю табигъат.

Иги, къара, битишге,
Къараб тургъан ол тишге.
Ол тиш тюлдю – мычхыды.
Темирни да джырлыкъды.

Баш тишлери алтынла.
Тюбдегиле багъырла.
Кёзлеринде барды окъ,
Башында уа чёб да джокъ.

Берлакъда уа аладан.
Джулдуз юзген аламдан,
Сюеледи Джансолтан.
Не айтайым мен андан.

Кеси сауду, къатын шау.
Кеси тауду, юйю - бау.
Керекмилле чырт ала,
Мыйыкълары аркъанла.

Бири - къызыл, бири - акъ.
Аралары къараракъ.
Кёкюреги къаялай.
Имбашлары джаялай.

Шо, не келсин, аладан,
Эринчекди Джансолтан.
Тютюнюнде, къалында,
Чёгюб тургъан къатында,

Ай, машалла, Мырзады,
Ай, къарагъыз, мындады.
Сакъалчыгъы текелей,
Тёпбечиги кёкенлей.

Билген заты чагъырды,
Ызы бла уа къайгъыды.
Туугъанлыкъгъа таулудан,
Юйдегиси гяурдан.

Къатыныны юч къызы,
Тосларыны джокъ ызы.
Алайда уа, ма, Зугул.
Энди тюлдю бу да къул.

Болгъунчу да бухгалтер,
Таный эди тузлу тер.
Энди аны къой да - къой,
Джюрегинде хаман той.

Хар сёз аллы - значитди,
Ахыр сюрем хватитди.
Сюйген халкъы ингилиз,
Сюйген дини ибилис.

Болур ючюн депутат,
Энди, бет да, ол джууад.
Джуугъанындан не хайыр,
Джюреги къара чайыр.

Зугулгъа сыртны буруб,
Къарынны тогъай тутуб.
Юсюнде зыкгыл габрай,
Сюйеледи Чырдыбай.

Къатыны дарий – парча,
Бу, кеси уа, бир санча.
Кетгенинде Кябагъа,
Джылдан къайтды арбазгъа.

Чалдырса да къазакъча,
Джаншай билед арабча.
Орусча да мурулдайды,
Тау тилде да мушулдайды.

Семиз къызы - гяурда,
Арыкъ къызы - таулуда.
Къалгъанлары Сибирде,
Кими шау, кими эрде.

Олбири уа - Къатынбай,
Бир ичгени алты ай.
Джетинчиде ауруйду,
Джети айны улуйду.

Ой, дагъы да, джангыдан,
Ура беред чагъырдан.
Туугъан джери Малкъарда,
Джатхан джери Басханда.

Кёнделенде - бириси,
Лашкутада - экиси.
Бу элде да, юч къатын,
Джалайдыла аягъын.

Джашагъаны тамаша,
Болгъан кибик бу паша.
Берлакъдагъы, ол тиши,
Кёрмегенди чырт киши.

Ёмюрю да, хаман къыркъ,
Ол санаудан таймай чырт.
Кёкюреги - Минги Тау,
Кёзлеринде джукъу ау.

Кесинден табан мийик.
Джюреги мыллык чирик.
Шо, несиди, игиси,
Тохтамайды чырт тили.


Кеси быхы, бурну гардош,
Бети къара, чачы бир боз.
Ала билсе къолгъа къалам,
Бермез эди, кёкге, салам.

Капек башны он сом этген,
Быллайгъады, алай деген.
Къатындагъы беш къыздан,
Бирден къалгъан алыннган.

Таб айтсам, сыфат былай.
Джокъду джаулукъ не чындай.
Бутла десенг, бирер дагъан,
Эки къолла бирер аркъан.

Эрни десенг, чайыр кёмюк.
Арт джаны уа тоблай кёбюб.
Бу джанланы, кече кёрген,
Болур, тейри, саудан ёлген.

Тургъанла уа, бирер башха.
Кендир тартхан эссиз джашла.
Кёз къабакъла буршу болуб,
Кёз гинджиге хымил къонуб.

Бирси къауум, джерге къуса,
Бирси бёлек, джерден уча.
Кёбюсюнде джыртыкъ кийим,
Джаякълада тюклю битим.

Кёрюнмейди бетин джуугъан,
Хар бири да шайтан ургъан.
Бирси - зийна, бирси - гуду.
Бири зымпыкъ, бири худжу.

Джашай эсек, энтда, былай,
Басхан къалад иймансызлай.
Сен, Аллахым, къол соз бери.
Кебге бир сал, хар бир нени.

Дженгил джет да сен таулагъа,
Оноу бир эт, шаугъа, саугъа.
Орнун табдыр, хар бир затны.
Къорат, бизден, хар азабны.

Турна Ауушю

173

Арытханды ауруу, энди, сен, джылагъан да эталмай,
Къымылдамай кирпик, солууунг да билинмейди чырт.
Джашадынг джети джыл, ауузну, кёзлени да ачалмай,
Болушур адам джокъ, башдагъы да, кёресе, сансызд.

Бир къарачы, сен, бери, бир ышарчы сабийлей.
Бир джарыкъды, эртдедеча, бу дуния.
Сен туудунг да эртденлей, бошалдынг ингиргилей.
Санларынг да, къымылдамай, буйюгъа.

Бир мыдахса да сен, белляуунг да кесингча мыдахды.
Эскереме муну, джазыуунг да, болгъанды къыйын.
Келтирген джашаугъа, кетерген да, бизни, Аллахды,
Энтда тёз бир кесек, кёргюзюр аурууну къыйырын.

Бир къарачы, сен, бери, бир ышарчы сабийлей,
Атангача, бир узатчы, сен, къолну.
Сен туудунг да эртденлей, бошалдынг ингиргилей
Таныйалмай, барлыкъны, эм джокълукъну.

Сен джатаса къымсыз, кесинги теринге кёмюлгенсе.
Эс учса да сенден, джюрегинг а, урад, тохтаусуз.
Джашаугъа, Ёлюмге да, бирча, эрши кёрюннгенсе.
Экиси да, сени, ой атхалла, этиб, ма, саусуз.

Къычырады джюрегим, къычыралла кёзлерим.
Ой, бу неди, ой, бу неди, бу палах.
Уланымды джатханчыкъ, кесимденди балачыкъ,
Ай, алай а, бир болушмайды Аллах.

Аякъгъа туралсанг, мен сеннге дунияны танытырма.
Юретирме сеннге шынкъартны, боранны да, тилин.
Джуртунгдан, миллетден, санга ёхтемлик алдырырма.
Юретирме къышда, ачаргъа, джазгъыны эшигин.

Бир къарачы, сен, бери, бир ышарчы сабийлей.
Бир джарыкъды, эртдедеча, бу дуния.
Сен туудунг да эртденлей, бошалдынг ингиргилей.
Санларынг да, къымылдамай, буйюгъа.

Ма озду джети джыл ёлюмюнг кёзюнгден кёз алалмай.
Бошалды джети джыл, ёмюрлюк да къарай туурадан.
Ачыдынг - ачыдынг, биринден да джары бир къачалмай.
Бир сюйе белинги, ой, туугъан шойса, сен, таулудан.

Бир къарачы, сен, бери, бир ышарчы сабийлей.
Бир джарыкъды, алгъындача, бу дуния.
Сен туудунг да эртденлей, бошалдынг ингиргилей.
Санларынг да, къымылдамай, буйюгъа.

Орта Къарачай.
Джёгетей.

Салам, Сапар. Тынч болурса.
Алан, тас болдунгда къалдынг. Почтанга джазгъанем, джуаб келмеди.
Владимир бла мен оноулашханбыз, сен да къошулсанг керек эди.
Анга да бир джаз, сёлеш.

176

Кимде фахму, кимде джокъ.
Кимде алтын, кимде бокъ.
Бирер хатлы, джез - темир.
Эй, анданды, чот, сейир.

Кими - ёлген, къауум - сау.
Кимде - къала, кимде - бау.
Бирер затха, бир джесир.
Эй, анданды, чот, сейир.

Кимге кёкле, кимге - джер.
Кимге - шекер, кимге - тер.
Тюз, къарарча, хар затха.
Хай да, чабыш, намазгъа.

Басханстан.
26.02.03.

178

Шошлугъун таулу джуртну,
Думп этди Тейри.
Себеди къарлы унну,
Кёгюнден, бери.

Шууулдайды, къар бюрке,
Джели чиллени.
Болду, танг, боран тюбде,
Акъылдан кери.

Ыранла, кюртден толуб,
Кими ойюла.
Кёргюздю, керти къобуб,
Чилле ойюнла.

Бюгюлген зат, тюзчады.
Хар тюз зат белкъау.
Тюнюнг да, ой, тюшчады.
Кёрюннген кёзбау.

Цитата
EL_HALED пишет: Салам Алейкум! Унутмагъанма, хар неда эсимдеди, иш кёп болгъандан бери аз киреме. Айтханымы бир кесек замандан этерге кюреширме.

Эсенлик !!!!