Аланла, былайда нени юсюнден джазсакъда, кесибизни ана тилибизде джазаргъа кюрешейик. Билмеген сёзлерибиз болса сорайыкъ, алайсыз иш этиб орусча джазылгъан сёзлени кетериб баргъа борчум бардыАллай хатачыкъларымы кече турлукъсуз деб ышанама сизге

къарачайлы
Сау бол, сёзлени тюз билгенсе, ол эки сёзню да соруп не магъананы тутханларын билсенг иги эди.
Жангы жумуш.
Мисирлик
Чипилатла
Чыкъен
Сырпын
Ёрюз
Олий
Мыртазакъ

Да сорур адамамы джокъду-Къарачайда тюлме, былай юйде сёлешиб, школда окъуб билген сёзлерими айтама ансы артыкъ билмейме
Мисирлик-мисирлик деб, шам (священный)дегендиле, Мисир деген сёзден келеди- Египет
Чипилатла-Мен билиб къарачайча Чипилятла деб тишириу мийиктабан чурукълагъа айтадыла
Чыкъен
Сырпын-къылыч, къама нартлада болуучан шойду да?
Ёрюз
Олий-тамада, Ресейге киргинчи Къарачайны да болгъанды олийи, губернатор дерге боллукъ болур....
Мыртазакъ-жандармагъа айтхандыла революциягъа дери , къалгъан эки сез малкъар сёзле болурламы(малкъаризмле) билмейме, эшитген билген сёзле тюлдюле

ТАУЛУЛА
Къайдан тапханса бу сезлени? биринчи эштеме мен бланы

Сейир-сейир сёзле табасыз къайдан эсе да)
Мени да бир сорурум барды, бу сёзню къарачайчасы джокъмуду:
АРМСПОРТ?

къарачайлы
Оллахии, тилни иги билесе, сенден бирсиле , кёресе бир сёзню да айталмайдыла. Билмеген сёзлеринги, айтайым.
Мисирлик-мода
Чыкъен-арбалет
Ёрюз-величайшии, эм уллу и т.д

Жангы жумуш
Гепсоркъа
Жантау
Халтек
Бёдене
Къанжыгъа

мен сабий2 болуб скандарбек деучен эдик армреслингге...

ТАУЛУЛА бек сау бол, уялтханда этдинъ,школда сагъатда къарачай тилни дерслеринден сюйген дерсим джокъ эди
Гепсоркъа-гепсоркъа оюнла деб билеме, циркча-секириб чыннгаб
Жантау-бусагъатда джантау деб лыббырдан уллуракъ, гапнадан гитчерек бичен къалаугъа айтадыла, алай эскиден биченни арбагъа бегитиучю къайишден джибге айтхандыла
Халтек-бу сёзню уа билелмедим
Бёдене-перепелкады, аны уа билеме, биченлигимде бир кёб бардыла, сора гитче сагъатымда Абайханланы Насуну "Бёденеле" деб китабчыгъы бар эди
Къанжыгъа-къанджыгъа деб атда, эшекде джерни артында оруннга айтадыла

А СКАЖИТЕ КАК БУДЕТ ПО КАРАЧАЕВСКИ ДНИ НЕДЕЛИ НАЗЫВАТЬСЯ?

ОЙ!КЪАРАЧАЙЧА ЫИКЪНЫ КЮНЛЕРИНИ АТЛАРЫН БИЛЕМИСИЗ????

Баш кюн
Гюрге кюн
Бараз кюн
Орта кюн
Байрым кюн
Ийых кюн

къарачайлы

Шабат кюнню къайда къойдунг???

Алдадым Барас кюн, халатым ючюн кечериксиз

о къой шабат кюнню чууутлулагъа берейик

къарачайлы
Гепсоркъа-канатоходец
Къалтек-рычаг ташны кётюрюучю

Къасмакъ
Мегежин
Къояжапха
Хуппеги
Тулукъ

да Таулула Гепсоркъаны уа келишдире кетген эдим, циркач деб, Къалтек десенъа , къалтекни уа билеме
Къасмакъ облепиха
Мегежин-бегеджен болурму?тиши тонъуз
Къояжапха-малкъар хантды-къаллай болгъанын а уа билмейме
Хуппеги-бышлакъ этилсе сыворотка
Тулукъ-саудан союлгъан териден мешок

Можно мне тоже поучаствовать?
Объясните эти слова:
Таджал
Нардыу
Ангырчакъ
Мылтыкъ
Къалкъан

Жигитни къылычы къыл къыяр, деген нарт сезню кечюралыкъмысыз?

Azamat_SPb
кечюрген къой, англаялгъан да эталмадым))))

скандарбек, мен сабий болуб да хоу алай айтыуучан эдик, энди уа Армреслингни да озуб Армспорт болгъанды...
а "скандарбек" къарачайча сёзмюдю эке, "бек" деб бошалгъаны къарачайгъа ушайды, башланганы уа къалай эсе да бир тюрлюдю...

Таджал-Файгъамбарыбыз Мухаммад (сас) хадислеринде билдиреди, къыямат кюнюне джууукъ заманда, ислам динини терсине хыйла бла ётюрюк бла бурлукъ бир адамны аты Таджал. Къыямат кюн джууукълашханын шартларындан бири Таджалды. Магъанасы арабчада даджл- бек алдауукъчу, ётюрюкчю, хыйлачыды.

Къалкъанны къарачайчадан тюл да тюрк тилде калкан деб, бир сёз барды- магъанасы "Шит, сора да стена, кольчуга кибикди".

Жигит асыры жигит болгъандан, къылыч бла алай залим управлять этеди, къылны къыйгъан чакълы бир усталыкъ бла. Джигит болсанг хар зат сеннге бойсунурукъду кибик бир англамы болурму, Аллаху Агълам)).

Abdullah
мен билген бла ол адам атдан келе болурму дейме, бир белгили албан бачама болгъанды аты да Скандарбек, бусагъатда да Тиранада эскертмеси барды, аны къол бла киши дженгалмагъанды, ма аны ючюн айтыла башлагъанды Шаркъ къраллада, миллетледе бу сёз

къарачайлыСАУ БОЛ

Таджал къарачайча тохтау билмеген, арый билмеген деген магъананы тутады, сёз ючюн "таджал ат" чаришде арымагъан ат...дагъыда бир магъанасы, ёлмеген, джигер-сен аджал да мен таджал деб сёз барды
Нардыу-кюл гырджыннга айтадылай, былай гитче тёгерек , къойчула-зат этиучендиле
Ангырчакъ-тилими учунда айланады эсиме тюшюрелмейме
Мылтыкъ-эртдеден шкокга айтхандыла
Къалкъан-тюрк тилледе щит , алай а къарачайда шлем магъананы тутханды

Radimka_09

къарачайлы
Алан, сен мени къууандыргъан этесе, сенича джашла кебюракъ болсала, тамам да таджал халкъ боллукъ эдик
Ангырчакъ деб эшек джерге айталла.
Дагъыда сезле:
Кюллюм
Урбун
Чынды
Нох
К?рдемчи

Тимур Кубанский
сау къалгъын, менича болумсузлагъа къараб къалса Къарачай
Кюллюм-кюн къыздыргъан джер
Урбун-былай агъач басхан ёзеннге айтадыла
Чынды-джиб, къайишден болуучанды, бек кючлю болады, башхалагъа кёре, -тарта кетсенг чындыда созулур-деб сёз барды,
Нох-да сюйген тишириугъа айтылады, тос деген магъананы тутады, алай а къуру тиширыугъа айтылады
Кёрдемчи-эминача затча ауурууладан сау къалгъанлагъа айтхандыла, алай а тамал магъанасы шагъат болур деб кёлюме келеди

Кёрдемчи-perejivshi kakiu-libo trageduu, sora, esli stal nevolnim svidetelem kakogo-to sobitiya.Bilmeden kerdmchi boldum, deb aitichandila))

Тимур Кубанский
Ангырчакъ-малны богъурдагъында тюйюлмюдю?
Бир къауум сёзню жазайым, магъаналарын ангылашдырыгъыз.
Пулгу
Пара
Татран
Мысты
Гыпы
Хумжу

Azamat
да шагъат бла свидетель бир шойду да...

ТАУЛУЛА
мен да малны бир джериди деб билеме алай къалайы болгъанын эсиме тюшюрелмейме ангырчакъны
Пулгу-къарачайчасы хулгуду, тылы басхан сагъатда, тылы джабышмазча тюбюне ун себиледи, аннга айтадыла, сора дагъыда къарачайча пудрагъа да айтадыла, "хулгу шекер" деб сёз ючюн
Пара-пара-чара деген сёзню кесеги тюлмюидю?
Татран-мен билиб эки затха айтадыла, ханс барды горчица, сора бизде терс айта эселеда, джауну къайнатсала тюбюнде былай бир мор, ачыракъ зат къалады, аннга да татыран дейбиз
Мысты-ачыракъ, былай ачы бла тузлуну арасында бир зат, сора бусагъатда дагъыда приправа магъанада джюрюйдю бу сёз
Гыпы-да ол дуниягъа белгили кефир
Хумжу-хумджу бышлакъ-творогду ол