Расширенный поиск
15 Июня 2026 года
Логин: Регистрация
Пароль: Забыли пароль?
Навигация
Словарь
  • Аман къатын сабий табса, бий болур…
  • Иги сеники эсе да, сюйген кесимикин этеме.
  • Байдан умут эте, джарлыдан ёгюз багъасы къорады.
  • Къарны аманнга къазан такъдырма, къолу аманнга от джакъдырма.
  • Ач къарным, тынч къулагъым.
  • Акъыллы айтыр эди, акъылсыз къоймайды.
  • Къумурсхала джыйылсала, пилни да джыгъадыла.
  • Кюн кёрмеген, кюн кёрсе, кюндюз чыракъ джандырыр.
  • Аджашханны ызындагъы кёреди, джангылгъанны джанындагъы биледи.
  • Айранын берсенг, челегин да къызгъанма.
  • Эллинг бла джау болсанг да, юйюнг бла джау болма.
  • Эркиши – от, тиширыу – суу.
  • Чакъырылмагъан къонакъ тёрге атламаз.
  • Айтылгъан сёз ызына къайтмаз.
  • Айтханы чапыракъдан ётмеген.
  • Джумушакъ сёз къаты таякъны сындырыр.
  • Кийимни бичсенг, кенг бич, тар этген къыйын тюлдю.
  • Чомарт джарлы болмаз.
  • Адам сёзге тынгыла, акъыл сёзню ангыла.
  • Къазанны башы ачыкъ болса, итге уят керекди.
  • Сагъышы джокъ – джукъучу, акъылы джокъ – къаугъачы.
  • Ашыкъгъанны этеги бутуна чырмалыр.
  • Бозаны арты дауур болур.
  • Эр абынмай, эл танымаз.
  • Иги болса, тамадама – махтау, аман болса, меннге – айыб.
  • Аш берме да, къаш бер.
  • Къонагъынгы артмагъын алма да, алгъышын ал.
  • Таукел къуру къалмаз.
  • Татлы сёз – балдан татлы.
  • Намысы джокъну – дуниясы джокъ.
  • Акъыл бла адеб эгизледиле.
  • Адеби болмагъан къыз – тузсуз хант.
  • Ата – билек, ана – джюрек!
  • Игини сыйлагъан адетди.
  • Ойнай билмеген, уруб къачар.
  • От этилмеген джерден тютюн чыкъмайды.
  • Чабар ат – джетген къыз.
  • Къалгъан ишге къар джауар.
  • Ач уят къоймаз.
  • Аманны къуугъан, аманлыкъ табар.
  • Джерни букъусу кёкге къонмаз.
  • Ач да бол, токъ да бол – намысынга бек бол.
  • Ашхылыкъ джерде джатмайды, аманлыкъ суугъа батмайды.
  • Эм ашхы къайын ана мамукъ бла башынгы тешер.
  • Адеб джокъда, намыс джокъ.
  • Дуния малгъа сатылма, кесингден телиге къатылма.
  • Ач – эснер, ат – кишнер.
  • Аз сёлешген, къайгъысыз турур.
  • Кюн – узун, ёмюр – къысха.
  • Харам къарнашдан, халал тенг ашхы.

Форум

Форум / Бёлюмле :: Тематические разделы / Ана тилде :: Ana tilde
Ана тилибизде селешейик!!!
 
#1
Джаратама0
29.11.2006 15:12:49 Translit
Аланла, былайда нени юсюнден джазсакъда, кесибизни ана тилибизде джазаргъа кюрешейик. Билмеген сёзлерибиз болса сорайыкъ, алайсыз иш этиб орусча джазылгъан сёзлени кетериб баргъа борчум бардыАллай хатачыкъларымы кече турлукъсуз деб ышанама сизге
 
 
Страницы: Пред. 1 ... 28 29 30 31 32 ... 730 След.
Ответы
 
#871
Джаратама0
25.04.2007 21:13:30 Translit
Джёма
Ангылаталдыммы?
Аперим сеннге Огъесе сАннга мы дейим
Джаннгыз аннгламагъан сёзлерими бир сорайым
чекленмейди, бу сёзню магъанасы неди?

къарачайлы
мамурач
Тюзю мамураШ тюлмюдю? Огъесе мен аджаша турамамы?
 
 
 
#872
Джаратама0
25.04.2007 21:24:56 Translit
Ванхельсинг
Чекленмейди-не ограничивается!
Сюйсенг сАннг де, сюйсенг сЕннге де! экиси да тюз болурла!
 
 
 
#873
Джаратама0
25.04.2007 21:35:25 Translit
Ванхельсинг
огъай мамурачды,алай а, чыкъ аффикс къошулся, эки ч бирбири ызындан келелмегенлери себебли ш болады.сёз ючюн-мамурач- мамурашчыкъ, агъач-агъашчык, къурмач-къурмашчыкъ
 
 
 
#874
Джаратама0
25.04.2007 21:41:35 Translit
Ванхельсинг
Разы бол сенда! Селещалама алая иги джазалмайма карачайча.
Джёма
Сау бол. Да кайдам менда элденме, андауа джашамаганма, болсама анда барыда иги селещедыле Элдэ бир эки иик турсам иги селещиб тебрейме газетледа окуб чигама Тюз айтаса бизда юйдэ карачайча селещебиз ола джетмейды сен айтханлай тилни иги билирча.
Энды сиз джазыб туругуз мен сизге караб турурма кесим алай уста тюлме сизныча.
 
 
 
#875
Джаратама0
25.04.2007 21:46:59 Translit
HURZUK
Угъай, мен кесими ана тилни аламат билгеннге санамайма. Мани анням тенгли бир билсем а! Бизде Нальчикде радиода диктор болуп Отарланы Мажит ишлегенди (жаннетли болсун), аныча ариу, шатык селешген, адамланы бир да кермегенме!
 
 
 
#876
Джаратама0
25.04.2007 21:53:38 Translit
къарачайлы уялтмайма, алайды
Джёма чигаим ансы аиб этериксиз джазганыма, джол сизге ачылсын
 
 
 
#877
Джаратама0
26.04.2007 00:32:45 Translit
Abdullah

Кёрмегенме ол сёзню,къарап жетишала болмам керти да)).


къарачайлы

Мамурач деп бар эсе да эшитмегенме,мамурашчыкъны уа бир эки эшитгенме.
Айтылгъаны бир ариу эди да-мамурашчыкъ))),эсимде къалгъанды.

Экигиз да сау болугъуз.
 
 
 
#878
Джаратама0
26.04.2007 00:32:53 Translit
HURZUK
Билмеген айып тюйюл, билирге сюймеген айыпды! Жаз, къолубуздан келгенича ликбез этейик, къалгъанла да мени бла ыразы болурла!
------------
Джёма Не злоупотребляй смайлами!!!
Поправил Admin.
 
 
 
#879
Джаратама0
27.04.2007 03:59:04 Translit
ёзюр
зибил
зыгыт
къаст
текшериу
 
 
 
#880
Джаратама0
28.04.2007 01:42:49 Translit
ёзюр- уважительная причина, тюркчадан билеме, магъанасы башха эсе да билмейме...

зыгыт- хвойные деревья, эчкилеге зыгыт ашатхан деб, айтыуучу эдиле

къаст- намерение, предположение, биягъы тюркчадан..
 
 
 
#
Джаратама0
  Translit
 
 
 
#881
Джаратама0
28.04.2007 03:24:07 Translit
Abdullah
къастны билдинг, зыгытны да-хвоя магъанада келеди,ёзюр-везирь,зибил-кёрюнмеген, билинмегн, невидимка-зибил адам-человек невидимка, текшериу-санау, бу къарачай сёздю, малкъарда джюрюмейди...
 
 
 
#882
Джаратама0
28.04.2007 03:39:09 Translit
так кечигиб келдик эсек да,блай бир кез ачхан кибик бир этеик.Джамагъат къайсыгъыз окъуяллыкъсыз бу сезню биринчи кереден?----"Багъаландыргъанларыбызныкъыладандыла" керюнгенича бир къыйн тююльдю)))))
 
 
 
#883
Джаратама0
28.04.2007 03:47:51 Translit
Блатной Чабан
Окъугъан къыйын а тюЙюлдю Энди магъанасын да бир айт
 
 
 
#884
Джаратама0
28.04.2007 03:49:07 Translit
Ванхельсинг
да окъуялдынг эсенг магъанасын да билирге керексе))))
 
 
 
#885
Джаратама0
28.04.2007 18:06:38 Translit
Ванхельсинг
они из тех, кого мы ценим-ма алай кёчюрейик орусчагъа, сейир бай тилди къарачай тилибиз, орусча сау айтым, къарачайча а уа-бир сёз
 
 
 
#886
Джаратама0
29.04.2007 12:37:32 Translit
Джёма
Чам этемисе?))))
"Хау/хоу" тюрклю сёз тюйюлдю)))
Тюрк миллетлеринден къуру къарачайлыла-таулула бу сёзню джюрютедиле.Бу сёз къавкъаз субстратынданды.
 
 
 
#887
Джаратама0
29.04.2007 12:40:54 Translit
Ана тилибизни, есе келгенле бир терк унутадылада, иш кырты болур деп къоркъама бек.
 
 
 
#888
Джаратама0
29.04.2007 13:07:35 Translit
къарачайлы
бу сёзню кёчюр

джараштырылгъанларыбызныкъыламыдыла?
 
 
 
#889
Джаратама0
29.04.2007 13:46:03 Translit
Ии...бизде хаман ана литература дегенликге, сезлюкте аны орнуна адабият деб сез бар эди. Джангыз, къатында да "устаревшее" деб джазылыб тура эди. Сора адабият деген сёз не ючюн унутлгъан эди эке?

Хыы...энди уа ол литератураны юсюнден. Джема тюз айта болур му? Тилни иги билирге излеген адам къуру башхаланы селешгенине къараб кеб затны баджараллыкъ тюлдю.

Ма, бир къарачай къызны къабарты(огъесе черкесли ми эди, аны эсиме тюз тюшюралмам бусагъат) нёгерчиги болгъанды. Бир кюн ол негерчигни къарнашына да тюбеб, селеше кетген эдиле. Къарнашы уа, къайдан юренген эсе да, къарачайчаны тамам иги биле эди. Сора, къыз чынты къарачайлыды кеси да деб, къарачай тилге кечгенлей, къыз да "гык...мык" болуб къалгъанды.)) "Мен къабарты болуб кесими ана тилим бош эди, сени ана тилинги да сенден иги биле эсем, сора сен не бичим къарачайлыса?" - деб, чам этгенди джаш. Джер тюбюне кирирча болгъан эди къыз Джюрегине да бек тийген эди кесини билгисизлиги. Узун сёзню къысхасы, бу хапарны айтхан заманына, къыз къарачай тилни тамам ариу, аузундан бал акъгъанча алай селеше эди. Алай а, ол бедишлик болгъанындан сора, ана тилни къуру селешген бла тюл, къарачай литератураны/адабиятны окъуб, эринмейин, сезлюкле бла кюрешиб юренген эди.))

Орус ата сезюнде айтылгъанлай: хар аман затны да бир хайры болмайын къалмайды.))

П.С. халатларым ючюн кечгинлик. Дагъыда сорлугъум: зло - ??? (аманлыкъ - это пакость, ачыу - злоба)
 
 
 
#890
Джаратама0
29.04.2007 13:47:38 Translit
Къанамат
джараштырылгъанларыбызныкъыламыдыла?

джараштырылгъанларыбызныкъыладан болмазла, тоба)))
 
 
 
#891
Джаратама0
29.04.2007 14:01:09 Translit
sama
Андан да узун барды:токъмакълашханларыбызныкъыладандыла))))
 
 
 
#892
Джаратама0
29.04.2007 14:04:27 Translit
токъмакълашханларыбызныкъыладандыла

тюлдюле)))
"мыдыла" соруу аффиксны да къошсанг ахыргъа, андан да узун боллукъду)))
 
 
 
#893
Джаратама0
29.04.2007 16:13:24 Translit
Къанамат
Чам да этмейме, йндеецле Америкагъа Евразия материкден кёчгендиле, аны юсюнден кёп китап жазылгъанды. Бюгюн кёп алимле ол оюмгъа келгендиле. "Дети капитана Гранта" деген китапда индеец атына (лошадь! ) Таука дей болур дейме, унутмагъан эсем. Заманым болса, къарап, айтырма.
 
 
 
#894
Джаратама0
29.04.2007 16:19:01 Translit
sama
Къыз болган ючюн эки къат байлыксыз миллетибизге. Емюрю не орус не кабарты къыз сабийлерине карачайлык берялыктюлдю карачай къыз бергенча.
 
 
 
#895
Джаратама0
29.04.2007 16:21:10 Translit
sama
Точно, так и хотела))) написать.
 
 
 
#
Джаратама0
  Translit
 
 
 
#896
Джаратама0
29.04.2007 17:26:22 Translit
sama
ээээ быллай узун сезлени къалай къурайсыз? Маяковский да бизден чыкъгъан болур деп турама, ансы аллай сезлени къалай къураялыр эди ... (прозаседавшиеся :muza
 
 
 
#897
Джаратама0
29.04.2007 17:40:52 Translit
Джёма

Сен мени ангъыламагъанса.
"Хау" идееецлени дегенлерин билеме.
Къарачайлыланы, таулуланы "хау"лери тюрклю сёз тюйюлдю деп турама, аны ючюн башха тюрклю халкъла бу сёзню джюрютмейдиле. Бу сёз къарачайлылагъа вайнахладан келди.
Кавказ субстратыды.
 
 
 
#898
Джаратама0
29.04.2007 17:54:16 Translit
Къанамат
Аааа. Да не билейим, алай индеецле кеслери айтадыла, тюрк миллетледенбиз деп. Мен эшитиб, алайды.
 
 
 
#899
Джаратама0
29.04.2007 20:45:33 Translit
Къанамат
гюрджюледа айтадыла хо деб
 
 
 
#900
Джаратама0
29.04.2007 20:46:13 Translit
Джёма
къой къайдагъы къасмакъда бизге кесин къошмасын
 
 
 
Страницы: Пред. 1 ... 28 29 30 31 32 ... 730 След.
Читают тему (гостей: 1)

Форум  Мобильный | Стационарный