Не найдено
Форум Мобильный | Стационарный
| 21 Апреля | 2026 года |
Навигация
- Башсыз урчукъ тюзюне айланмаз.
- Тёзгеннге, джабылгъан эшик ачылыр.
- Уруну арты – къуру.
- Аман къатын алгъан, арыр, иги къатын алгъан джарыр.
- Джыйырма къойну юч джыйырма эбзе кюте эди.
- Къыйынлы джети элни къайгъысын этер.
- Сабыр джетер муратха, сабырсыз къалыр уятха.
- Ашхы болсанг, атынг чыгъар, аман болсанг, джанынг чыгъар.
- Аз сёлеш, кёб ишле.
- Тил – кесген бычакъ, сёз – атылгъан окъ.
- Иги адам абынса да, джангылмаз.
- Аджал соруб келмез, келсе, къайтыб кетмез.
- Хата – гитчеден.
- Эки ойлашыб, бир сёлешген.
- Юреннген ауруу къалмаз.
- Азыкъ аз болса, эртде орун сал.
- Джырчы джырчыгъа – къарнаш.
- Суугъа – таянма, джаугъа – ийнанма.
- Босагъа таш юйге кирмей эди, тыбыр таш эшикге чыкъмай эди.
- Душманны тышы – акъ, ичи – къара.
- Къатын къылыкъсыз, эр тынчлыкъсыз.
- Аз айтсам, кёб ангылагъыз.
- Миллетни бойну – базыкъ, аны бла кюрешген – джазыкъ.
- Аш хазыр болса, иш харам болур.
- Къыйынлы джети элге оноу этер.
- Ашыкъгъанны этеги бутуна чырмалыр.
- Кёз – сюйген джерде, къол – ауругъан джерде.
- Чомартха хар кюн да байрамды.
- Иги сеники эсе да, сюйген кесимикин этеме.
- Атынг аманнга чыкъгъандан эсе, джанынг тамагъынгдан чыкъсын.
- Сютню башын джалагъан къутулур, тюбюн ичген тутулур.
- Эри аманны, къатыны – аман.
- Берекет берсин деген джерде, берекет болур.
- Кюн кёрмеген, кюн кёрсе, кюндюз чыракъ джандырыр.
- Огъурлуну сёзю – суу, огъурсузну сёзю – уу.
- Къыз чыгъаргъан – къызыл къымжа.
- Бюгюн дуния кибик, тамбла ахыратды.
- Тулпарлыкъ, билекден тюл – джюрекден.
- Бозанг болмагъан джерге, къалагъынгы сукъма.
- Тойгъанлыкъ къойгъа джарашады.
- Къонакъ болсанг, ийнакъ бол.
- Сагъыш – къартлыкъгъа сюйюмчю.
- Биреуню къыйынлыгъы бла кесинге джол ишлеме.
- Кечеси – аяз, кюню – къыш, джарлы къаргъагъа бир аш тюш!
- Кийим тукъум сордурур.
- Тамчы таш тешер.
- Хазыр ашха – терен къашыкъ.
- Ариу сёз джыланны орнундан чыгъарыр.
- Ата Джуртуму башы болмасам да, босагъасында ташы болайым.
- Чабакъгъа акъыл, табагъа тюшсе келеди.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
