Расширенный поиск
22 Апреля 2026 года
Логин: Регистрация
Пароль: Забыли пароль?
Навигация
Словарь
  • Эшекге миннген – биринчи айыб, андан джыгъылгъан – экинчи айыб.
  • Ургъан суудан башынгы сакъла.
  • От этилмеген джерден тютюн чыкъмайды.
  • Ишленмеклик адамлыкъды.
  • Джыйырма къойну юч джыйырма эбзе кюте эди.
  • Ариу джол аджал келтирмез.
  • Къайгъы тюбю – тенгиз.
  • Адам туугъан джеринде, ит тойгъан джеринде.
  • Ашхылыкъ джерде джатмайды, аманлыкъ суугъа батмайды.
  • Сёз садакъдан кючлюдю.
  • Сагъыш – къартлыкъгъа сюйюмчю.
  • Билим къая тешер.
  • Ауругъаннга – кийик саулукъ, джетген къызгъа – чилле джаулукъ.
  • Тойну къарнашы – харс, джырны къарнашы – эжиу.
  • Къарыусузгъа кюлме, онгсузгъа тийме.
  • Татлы тилде – сёз ариу, чемер къолда – иш ариу.
  • Къарнынг тойгъунчу аша да, белинг талгъынчы ишле.
  • Экеу тутушса, биреу джыгъылыр.
  • Таукел къуру къалмаз.
  • Кесине гебен этелмеген, биреуге черен эте эди.
  • Ётюрюкчюню шагъаты – къатында.
  • Олтуруб кёрюнмей эди да, ёрге туруб кёрюне эди.
  • Эм уллу байлыкъ – джан саулукъ.
  • Азыкъ аз болса, эртде орун сал.
  • Алтыннга тот къонмаз.
  • Тели турса – той бузар.
  • Акъыллы айтыр эди, акъылсыз къоймайды.
  • Дууулдаса – бал чибин, къонса – къара чибин.
  • Дженгил джетерикме деб, узун джолну къоюб, къысхасын барма.
  • Ач да бол, токъ да бол – намысынга бек бол.
  • Мураты болгъанны джюрек тебюую башхады.
  • Къонакъ хазыр болгъанлыкъгъа, къонакъбай хазыр тюлдю.
  • Кёл ашады да, кеси ашады.
  • Эли джокъну – кёлю джокъ.
  • Ашаса, ашамаса да, бёрюню ауузу – къан.
  • Тойгъа барсанг, тоюб бар, эски тонунгу къоюб бар.
  • Биреуге аманлыкъ этиб, кесинге игилик табмазса.
  • Гугурук къычырмаса да, тангны атары къалмаз.
  • Бет бетге къараса, бет да джерге къарар.
  • Мени джылытмагъан кюн, меннге тиймесин!
  • Аман адамны тепсинге олтуртсанг, къызынгы тилер.
  • Шекер бла туз – бир болмаз, ушамагъан – юй болмаз.
  • Билимсиз иш бармаз.
  • Сёлеш деб шай берген, тохта деб, сом берген.
  • Насыблы элин сюер, насыбсыз кесин сюер.
  • Джол бла сёзню къыйыры джокъ.
  • Керилген да, ургъан кибикди.
  • Уясында не кёрсе, учханында аны этер.
  • Ач келгенни – тойдур, кеч келгенни – къондур.
  • Къозулугъунда тоймагъан, къойлугъунда тоймаз.

Форум

Форум / Пользователи / Alan Ulan
Выбрать дату в календаре…Выбрать дату в календаре

Страницы: 1
Небольшая мотивация для "патриотов"(На родном языке), О наболевшем!!!
 
#
09.02.2015 18:17:47 Translit
Ас Салам уа алейкум, аланла!!!Хар заманда Аллахгъа болсун махтау,Аллахны саламы болсун Мухаммат файгъамбаргъа!!!
Тюз айтысыз хар биригизда!!! Батты улу Мурадин джырлаб эшитгенме бу сёзлени: "...Бурун заманда, башха миллетле Къарачайны малын сюргенле. Аллай заманда, миллети ючюн(!!!), керти джитиле бирикгенле...". Аны не ючюн джазама??? Керти джитилени бирисиз хар барыгъызда, бу затны юсюнден джан аурутуб сёлешгенле!!!Къарачай миллетни болгъан малы бирден къуругъаны ашхыгъа санайма, тили къуругъандан!!! Адамны джаны алынса, тёнгек къалады, миллетни джаны алынса не къаллыкъды??? Тил - миллетни джаныды!!!
Кесим джангыз не эталлыкъма дегенге алай айтаим, хар бирибиз, хар кюнде, кереклисича дуа этиб, аны ызындан да кесини колундан келгенни аямай этсек ол чот тюзелликди!!!
Джашла баш болуб, арбаз ие болурла!!! Къызла ана болуб ашхы уланла табарла!!! Аллах аманатлы болуб, иман бла, дин бла, бирликте джашар насыбны Аллах берсин!!!
 
Перейти    
Страницы: 1

Форум  Мобильный | Стационарный