Не найдено
Форум Мобильный | Стационарный
| 21 Апреля | 2026 года |
Навигация
- Кесине оноу эте билмеген, халкъына да эте билмез.
- Адеб базарда сатылмаз.
- Ачлыкъда тары гырджын халыуадан татлы.
- Эркишиге тары кебек танг кёрюнюр.
- Юй ишлеген балта эшикде къалыр.
- Аш иеси бла татлыды.
- Къартха ушагъан джаш – акъыллы, джашха ушагъан къарт – тели.
- Мухарны эси – ашарыкъда.
- Гыдай эчки суугъа къараб, мюйюзле кёрмесе, джашма алкъын, дегенди.
- Ишин билген, аны сыйын чыгъарады.
- Ана кёлю – балада, бала кёлю – талада.
- Аууз сакълагъан – джан сакълар.
- Ишлемеген – тишлемез.
- Чоюнну башы ачыкъ болса, итге уят керекди.
- Хоншуну тауугъу къаз кёрюнюр, келини къыз кёрюнюр.
- Кёкдеги болмаса, джердегин кёрмейди.
- Акъыл сабырлыкъ берир.
- Ашда уялгъан – мухар, ишде уялгъан – хомух.
- Киштикге къанат битсе, чыпчыкъ къалмаз эди.
- Телини эшигин, махтау джабар.
- Зарда марда джокъ.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ашына кёре табагъы, балына кёре къалагъы.
- Къызгъанчдан ычхыныр, мухардан ычхынмаз.
- Телиге от эт десенг, юйюнге от салыр.
- Тил бла келеди джыр да.
- Халкъгъа джарагъан, джарлы къалмаз.
- Джашлыкъ этмеген, башлыкъ этмез.
- Башынга джетмегенни сорма.
- Чомартха хар кюн да байрамды.
- Байны оноуу, джарлыгъа джарамаз.
- Тенги кёбню джау алмаз, акъылы кёбню дау алмаз.
- Эркиши – от, тиширыу – суу.
- Ёлмесенг да, къарт дамы болмазса?
- Ач, тоймам, дейди, тойгъан, ач болмам, дейди.
- Тау башында, тау болмаз, джангыз терек, бау болмаз.
- Дуния аламаты сен эсенг да, игиме деб айтма.
- Таукел къуру къалмаз.
- Джигер – джаннга къыйынлыкъ.
- Чомартха Тейри да борчлуду.
- Рысхы – насыбха къор.
- Келгинчи, къонакъ уялыр, келгенден сора, къонакъбай уялыр.
- Чакъырылгъанны аты, чакъырылмагъанны багъасы болур.
- Азыкълы ат арымаз, къатыны аман джарымаз.
- Адеб джокъда, намыс джокъ.
- Кюл тюбюндеги от кёрюнмейди.
- Тай асырагъан, атха минер.
- Суугъа – чабакъ, къаягъа – ыргъакъ.
- Эринчекни эр алмаз, эр алса да, кёл салмаз, кёл салса да, кёб бармаз!
- Джылкъыдан – ат чыгъар, тукъумдан – джаш чыгъар.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
