21-чи февраль битеу дунияда халкъла аралы Ана тилни кюнюн байрамлагъанбыз. Ахшы тёребизге кертичилей къала, биз да байрым айны (февраль) 27-чисинде "Эльбрусоид"-де кезиулю ОЮНну бардырлыкъбыз (21-чисинде бизде миллет тепсеулеге юйренирге сюйгенлеге дерсле бардырылгъаны себепли... сора арада солуу кюнле болгъаны ючюн башха кюннге кёчюрюрге оноулашханбыз).
Юч къауум хазырлана турадыла эришиуге.
Назму, жыр эришиуле къурай, соруулагъа жууап эте, оюнну алай бардырлыкъбыз.
Алайды да, хурметли жамауат, сакълайбыз 27-де сагъат ючде (15:00)

Ана тилим.

Ана тилим - жаным-тиним,
Ана тилим - сыйлы тилим,
Ана тилим - жарыкъ тилим,
Ана тилим - халкъгъа билим.

Ана тилим - насып тилим,
Ана тилим - намыс тилим,
Ана тилим - хурмет тилим,
Ана тилим - адет тилим.

Ана, ата - сыйлы сёзле -
Ана тилде бютюн татлы.
Намыс, адет, тёре - бизге
Ана тилде балдан татлы.

Тилинг барда - кюнюнг жарыкъ.
Болмаз сени малынг арыкъ.
Тилинг барда - ишинг барлыкъ.
Билмесенг а тилни - жазыкъ.

Аппа, ынна, ана, ата -
Болмаз сизден сыйлы атла.
Айтсын туудугъунг быланы -
Хар адамгъа керек затла.

Насыплыбыз биз - жаш тёлю
Дунияда не юлешебиз?
Аллахны ахшылыгъы бла
Ана тилде сёлешебиз.

Жашна, жашна, ана тилим.
Сенде сёлешсин хар тёлюнг.
Бекден болсун сени тёрюнг.
Жан тамырым - ана тилим!

Атабийланы Зухура

мираж, бош барыб къалыргъамы керекди? Не затчыкъла юйрене барайым?

Къара чачлы, къыйын боллукъ тюйюлдю "Эльбрусоид" деген Фондцубузгъа бир аламат назмуцукъ атап, ала келсенг бек уллу ахшылыкъ этериксе;)

мираж, дааа? Ол а къыйын жумуш тюйюлдю!
Сакълагъыз сора...манга эм къыйын сорууланы бермезсиз;)

Тилди тарихни ачыкъ кюзгюсю,
Тарихни ачхычы, сейирлик юлгюсю,
Заманла унутулуп, туманнга кетер,
Тарихни уа хар бир атламы ыз этер.
Боташланы Магомет.

Тилди тарихни ачыкъ кюзгюсю,
Тарихни ачхычы, сейирлик юлгюсю,
Заманла унутулуп, туманнга кетер,
Тарихни уа хар бир атламы ыз этер.
Боташланы Магомет.
Озгъан кюн башында айтханыбызча, жер башында эм иги байрамладан бири халкъла аралы кюн – ана тилни кюнюн байрамларгъанбыз.

Бек башында уа сыйлы жюри бла танышдырайым:
Аппайланы Лариса
Кулчаланы Зульфия
Айдарланы Марианна

Оюнну КъМКъУ-ну Филология Институну Малкъар тилни бёлюмюню оукъуучусу, бизни да не зумушубузгъа да угъай демеген маДЖал къызыбыз Мусукланы Джамиля бардыргъанды.

Ойнагъан къауумла бла танышдырайым..."Жанкъозчукъла"

"Тамычычыкъла"

"Эльбрусоид"-ни къызлары

Ана тилибизде бизни белгили поэтлерибиз жазгъан назмуладан биршерин кёлден билип келирге аллай иш берилген эди юйге.

Хар къауумдан да биршер адам назму окъугъанды.
Ёчешеме таный эсегиз кимди бу ариу къызыбыз

Экинчи оюннга соруула хазырлагъан эдик. Хар тюз жууапхп биршер бал къошула эди хар къауумгъа.
Соруула уа къарачай-малкъар тилни, адетни, намысны юсюнден эдиле.
«Ким терк!» деген оюнда уа келишгенлерине кёре стрелкала бла кёргюзтюрге керек эди биз хазырлагъан сёзлени къайсы не болгъанларын.

лоо

Ызы бла "эльбрусоидчилени" ичинде бек сюйюген "Макъамланы таны" деген оюнну бардыргъанбыз.
Телевизорда бизни аналарыбыз сюйюп къарагъан программа эсигизе болурду "Угадай мелодию" деп… Жырны атын, макъамын эм ким жырлагъанын билирге керек эди. Хар къауумдан биршер адам бла бардыргъанбыз ол оюнну.