Расширенный поиск
12 Июня 2024 года
Логин: Регистрация
Пароль: Забыли пароль?
Навигация
Словарь
  • Ауурну тюбю бла, дженгилни башы бла джюрюген.
  • Мухар, кеси тойса да, кёзю тоймаз.
  • Шекер бла туз – бир болмаз, ушамагъан – юй болмаз.
  • Таукел къуру къалмаз.
  • Рысхы – сют юсюнде кёмюк кибикди.
  • Байны къызы баймакъ болса да, юйде къалмаз!
  • Сёз – кюмюш, джыр – алтын.
  • Чоюнну башы ачыкъ болса, итге уят керекди.
  • Сыфатында болмагъаны, суратында болмаз.
  • Тынгылагъан тынгы бузар.
  • Аманны къуугъан, аманлыкъ табар.
  • Тешик этген тынчды, аны джамагъан къыйынды.
  • Малны кют, джерни тюрт.
  • Ишни аллы бла къууанма да, арты бла къууан.
  • Адеби болмагъан къыз – тузсуз хант.
  • Кюлме джашха – келир башха.
  • Эки къатын алгъан – эки ташны ортасына башын салгъан.
  • Илму – джашауну джолу.
  • Телиге акъыл салгъандан эсе, ёлгеннге джан салырса.
  • Къарны аманнга къазан такъдырма, къолу аманнга от джакъдырма.
  • Адамны джюреги нени кёрюрге сюйсе, кёзю да аны кёрюрге ёч болады.
  • Ата – билек, ана – джюрек!
  • Ачыу алгъа келсе, акъыл артха къалады.
  • Кесинг сынамагъан затны, адамгъа буюрма.
  • Ачылгъан эт джабылыр, кёрген кёз унутмаз.
  • Ана къолу ачытмаз.
  • Сютден ауузу кюйген, суугъа юфгюре эди.
  • Бёрю да ач къалмасын, эчки да ашалмасын.
  • Сангырау къулакъ эл бузар.
  • Окъуусуз билим – джокъ, билимсиз кюнюнг – джокъ.
  • Эм уллу байлыкъ – джан саулукъ.
  • Аман адам элни бир-бирине джау этер.
  • Айранын берсенг, челегин да къызгъанма.
  • Ач, тоймам, дейди, тойгъан, ач болмам, дейди.
  • Бермеген къол, алмайды.
  • Гитче джилтин уллу элни джандырыр.
  • Ачыкъ джюрекге джол – ачыкъ.
  • Тил бла келеди джыр да.
  • Олтуруб кёрюнмей эди да, ёрге туруб кёрюне эди.
  • Къыз тиширыу кеси юйюнде да къонакъды.
  • Бет бетге къараса, бет да джерге къарар.
  • Тойгъа барсанг, тоюб бар, эски тонунгу къоюб бар.
  • Аш берме да, къаш бер.
  • Сакъламагъан затынга джолукъсанг, не бек къууанаса, не бек ачыйса.
  • Чабакъсыз кёлге къармакъ салгъанлыкъгъа, чабакъ тутмазса.
  • Джаралыны джастыгъында сау ёлюр.
  • Къызын тута билмеген, тул этер, джашын тута билмеген, къул этер.
  • Ишлегенде эринме, ишде чолакъ кёрюнме.
  • Зар адамны насыбы болмаз.
  • Адамны артындан къара сабан сюрме.

Аудио

Узденов Альберт

Файлов: 48

Обновлен: 06.07.2017

  • Узденов Альберт Къарачайны къобаны
(Голосов: 6, Рейтинг: 4.5)

Описание

Дата: 12.09.2012
Прослушиваний: 5246
Скачиваний: 899
Размер: 6.36 МБ
Текст песни:
сл. и муз. Узденова Альберта

Ёзенлени, кенг тюзлени
Суусабларын къандыргъан,
Минги Тауну джюрегини
Къан тамырыса, Къобан.

Къарачайны Къобаны,
Минги Тауну кёк къаны,
Алгъышлары къартланы,
Таркъайма минг джылланы!

Джайда-боза, къачда - таза,
Къыш болса уа - мияла.
Джаз башында кемсиз аза,
Къулакъ суудан уяла,

Сени суунг - мени къаным,
Ёхтемлигинг кёлюмде.
Сабыр болгъанлыкъгъа ангым,
Дженгиллигинг халимде.

Энди халкъым термилмесин
Сенден уртлам уртларгъа!
Ачлыкъ джетиб кюсемесин
Ташларынгы джаларгъа!

Сынамазча халкъым къуулукъ,
Ёмюрде да болма сай!
Этиб турсанг халал къуллукъ,
Разы турур Къарачай!

Комментариев нет

  • Зарегистрируйтесь чтобы пользоваться плейлистом.