Аудио ::

Ёлген ийнек сютлю болур.
Телиге акъыл салгъандан эсе, ёлгеннге джан салырса.
Чабакъгъа акъыл, табагъа тюшсе келеди.
Дууулдаса – бал чибин, къонса – къара чибин.
Джарлы эскисин джамаса, къууаныр.
Айтханы чапыракъдан ётмеген.
Ариуну – ауруу кёб.
Юйлю уругъа ит чабмаз.
Башынга джетмегенни сорма.
Уллу сёзде уят джокъ.
Зар адам ашынгы ашар, кесинги сатар.
Терслик кетер, тюзлюк джетер.
Ашатыргъа иш – ашхы, ишлетирге аш – ашхы.
Ётюрюкню къуйругъу – бир тутум.
Къарт бла баш аша, джаш бла аякъ аша.
Сёз къанатсыз учар.
Кёб джат да, бек чаб.
Болджал ишни бёрю ашар.
Сакъалы текени да бар, мыйыгъы киштикни да бар.
Эки элинги тыйсанг, джети элде махталырса.
Къартха ушагъан джаш – акъыллы, джашха ушагъан къарт – тели.
Адамны артындан къара сабан сюрме.
Ушамагъан – джукъмаз.
Адамны сыфатына къарама, сёзюне къара.
Джеринден айырылгъан – джети джылар, джуртундан айырылгъан – ёлгюнчю джылар.
Намыс болмагъан джерде, насыб болмаз.
Зарда марда джокъ.
Кёбге таш атма.
Хазыр ашха – терен къашыкъ.
Элни кючю – эмеген.
Тюкюрюк баш джармаз, налат кёз чыгъармаз!
Ауузу аманнга «иги», деме.
Атлыны кёрсе, джаяуну буту талыр.
Алтыннга тот къонмаз.
Башда акъыл болмаса, эки аякъгъа кюч джетер.
Бермеген къол, алмайды.
Кенгеш болса, уруш болмаз.
Уруну арты – къуру.
Джарлыны тону джаз битер.
Аманнга да, игиге да оноусуз къатышма.
Билген билмегенни юретген адетди.
Ёзденликни кёбю ётюрюк.
Соргъан айыб тюлдю, билмеген айыбды.
Ёзденликни джайгъан – джокълукъ.
Айтхан – тынч, этген – къыйын.
Аманнга игилик этсенг, юйюнге сау бармазса.
Ойнай билмеген, оюн бузар.
Джаханимни кёрмей, джандетге кёл салмазса.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Ашхылыкъ джерде джатмайды, аманлыкъ суугъа батмайды.

Логин:	Регистрация

Пароль:	Забыли пароль?

Запомнить меня

Аудио

Скачать

Популярные песни

Адрес