Расширенный поиск
1 Ноября 2024 года
Логин: Регистрация
Пароль: Забыли пароль?
Навигация
Словарь
  • Нёгерсизни джолу узун.
  • Кечеси – аяз, кюню – къыш, джарлы къаргъагъа бир аш тюш!
  • Уллу къазанда бишген эт, чий къалмаз.
  • Керек ташны ауурлугъу джокъ.
  • Эринчекге кюн узун.
  • Ауругъаннга – кийик саулукъ, джетген къызгъа – чилле джаулукъ.
  • Адамны артындан къара сабан сюрме.
  • Ашхы – джыяр, аман – джояр.
  • Къарны аманнга къазан такъдырма, къолу аманнга от джакъдырма.
  • Джарашыу сюйген – джалынчакъ.
  • Биреуню тёрюнден, кесинги эшик артынг игиди.
  • Хата – гитчеден.
  • Олтуруб кёрюнмей эди да, ёрге туруб кёрюне эди.
  • Окъуусуз билим – джокъ, билимсиз кюнюнг – джокъ.
  • Уллу атлама – абынырса, уллу къабма – къарылырса.
  • Сормай – алма, чакъырылмай – барма.
  • Онгсузну – джакъла, тенгликни – сакъла.
  • Акъыллы эркиши атын махтар, акъылсыз эркиши къатынын махтар.
  • Зар адам ашынгы ашар, кесинги сатар.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Халкъны джырын джырласанг, халкъ санга эжиу этер.
  • Джашынгы кесинг юретмесенг, джашау юретир.
  • Ётген ёмюр – акъгъан суу.
  • Уллу айтханны этмеген – уллаймаз.
  • Ётюрюк хапар аякъ тюбю бла джюрюйдю.
  • Эки элинги тыйсанг, джети элде махталырса.
  • Чабар ат – джетген къыз.
  • Ач да бол, токъ да бол – намысынга бек бол.
  • Къарт бла баш аша, джаш бла аякъ аша.
  • Эки къатын алгъанны къулагъы тынгнгаймаз.
  • Тынгылагъан тынгы бузар.
  • Узун джолну барсанг, бюгюн келирсе, къысха джолну барсанг, тамбла келирсе.
  • Адам сёзге тынгыла, акъыл сёзню ангыла.
  • Чомартха Тейри да борчлуду.
  • Орну джокъну – сыйы джокъ.
  • Къонакъ болсанг, ийнакъ бол.
  • Термилгенинги табмазса, кюлгенинге тюберсе.
  • Кёрмегеннге кебек – танг, битмегеннге сакъал – танг.
  • Шапа кёб болса, аш татымсыз болур.
  • Адам къаллай бир ишленмесе, аллай бир кесин уллу кёреди.
  • Тюкюрюк баш джармаз, налат кёз чыгъармаз!
  • Таула не мийик болсала да, аууш табылыр.
  • Айныгъанлы алты кюн, тогъайгъанлы тогъуз кюн.
  • Мал ёлсе, сюек къалыр, адам ёлсе, иши къалыр.
  • Хазыр ашха – терен къашыкъ.
  • Джаз бир кюнню джатсанг, къыш талай кюнню абынырса.
  • Ётюрюкден тюбю джокъ, кёлтюрюрге джиби джокъ.
  • Кёкдеги болмаса, джердегин кёрмейди.
  • Кёбню кёрген – кёб билир.
  • Тойгъа алгъа да барма, тойда артха да къалма.

Фотографии

+ Создать галерею
Альбомы Эльбрусоида / Современники

Мы сегодня (Biz bugunlikde)

Фотографий - 40