Расширенный поиск
6 Февраля 2026 года
Логин: Регистрация
Пароль: Забыли пароль?
Навигация
Словарь
  • Джыйырма къойну юч джыйырма эбзе кюте эди.
  • Келинни – келгинчи, бёркню кийгинчи кёр.
  • Олтуруб кёрюнмей эди да, ёрге туруб кёрюне эди.
  • Мухардан ач ычхынмаз.
  • Мал ёлсе, сюек къалыр, адам ёлсе, иши къалыр.
  • Ашатыргъа иш – ашхы, ишлетирге аш – ашхы.
  • Сёлеш деб шай берген, тохта деб, сом берген.
  • Кийимни бир кюнню аясанг, минг кюннге джарар.
  • Аман хансны – урлугъу кёб.
  • Тамырсыз терекге таянма – джыгъылырса.
  • Гугук кесини атын айтыб къычыргъанча, мен, мен деб нек тураса?
  • Ёксюзню къалачы уллу кёрюнюр.
  • Юй кюйдю да, кюйюз чыкъды, ортасындан тюйюш чыкъды.
  • Киштикге къанат битсе, чыпчыкъ къалмаз эди.
  • Мал тутхан – май джалар.
  • Ургъан суудан башынгы сакъла.
  • Эки элинги тыйсанг, джети элде махталырса.
  • Ишин билген, аны сыйын чыгъарады.
  • Ауузу аманнга «иги», деме.
  • Тилчи тилден къаныкъмаз.
  • Ата – билек, ана – джюрек!
  • Арбаз сайлама да, хоншу сайла.
  • Окъугъан озар, окъумагъан тозар.
  • Тёрени джагъы джокъ.
  • Адебсиз адам – джюгенсиз ат.
  • Ичимден чыкъды хата, къайры барайым сата?
  • Байма, деб да, къууанма, джарлыма, деб да, джылама.
  • Кёрмегеннге кебек – танг, битмегеннге сакъал – танг.
  • Термилгенинги табмазса, кюлгенинге тюберсе.
  • Туз, гырджын аша, тюзлюк бла джаша.
  • Эшекге миннген – биринчи айыб, андан джыгъылгъан – экинчи айыб.
  • Экиндини кеч къылсанг, чабыб джетер ашхам.
  • Къызбайны юйюне дери сюрсенг, батыр болур.
  • Къарнынг къанлынга кийирир.
  • Къазанны башы ачыкъ болса, итге уят керекди.
  • Тёрде – темир таякълы, къаяда – чыпчыкъ аякълы.
  • Кенгеш болса, уруш болмаз.
  • Ариу сёз – джаннга азыкъ, аман сёз – башха къазыкъ.
  • Бек анасы джыламаз.
  • Къралынгы – душмандан, башынгы от бла суудан сакъла.
  • Аманнга алтын чыдамаз.
  • Къолу уллу – асыу, аягъы уллу – джарсыу.
  • Сёз къанатсыз учар.
  • Экеулен сёлеше тура эселе, орталарына барыб кирме.
  • Шапа кёб болса, аш татымсыз болур.
  • Дуния малгъа сатылма, кесингден телиге къатылма.
  • Сескекли кесин билдирир.
  • Къая джолда джортма, ачыкъ сёзден къоркъма.
  • Башсыз урчукъ тюзюне айланмаз.
  • Эрине къаргъыш этген къатын, эрнин къабар.

Статьи

Статьи: культура, история, современность

Случайные Лучшие Рекомендуемые

Новые статьи

следующие 5 предыдущие 5

Популярные

за неделю за месяц

Последние комментарии