- Уллу суу бла уллу ауруудан башынгы сакъла.
- Ата Джуртун танымагъан, атасын да танымаз.
- Билеги кючлю, бирни джыгъар, билими кючлю, мингни джыгъар.
- Танг атмайма десе да, кюн къоярыкъ тюйюлдю.
- Ёзденликни джайгъан – джокълукъ.
- Аурууну келиую тынч, кетиую – къыйын.
- Къууут – джелге, берне – бошха.
- Ариу – кёзге, акъыл – джюрекге.
- Телиге от эт десенг, юйюнге от салыр.
- Ёгюзню мюйюзюнден тутадыла, адамны сёзюнден тутадыла.
- Арбаз къынгырды да, ийнек сауалмайма.
- Ёгюзню мюйюзлери ауурлукъ этмейдиле.
- Эри аманны, къатыны – аман.
- Айран тёгюлсе, джугъусу къалыр.
- Чёбню кёлтюрсенг, тюбюнден сёз чыгъар.
- Аманны къуугъан, аманлыкъ табар.
- Джогъун бар этген, барын бал этген.
- Ашхы адам – халкъ байлыгъы, ашхы джер – джашау байлыгъы.
- Нёгерсизни джолу узун.
- Эшекге миннген – биринчи айыб, андан джыгъылгъан – экинчи айыб.
- «Ёгюз, джаргъа джууукъ барма, меннге джюк боллукъса», - дегенди эшек.
- Итли къонакъ джарашмаз.
- Махтаннган къыз, тойда джукълар.
- Ашыкъгъанны этеги бутуна чырмалыр.
- Ана къойну – балагъа джандет.
- Татлы тилде – сёз ариу, чемер къолда – иш ариу.
- Окъумагъан сокъурду, сокъур ташха абыныр!
- Биреуню къыйынлыгъы бла кесинге джол ишлеме.
- Душманны тышы – акъ, ичи – къара.
- Кесине оноу эте билмеген, халкъына да эте билмез.
- Игиге айтсанг – билир, аманнга айтсанг – кюлюр.
- Бек анасы джыламаз.
- Ашха уста, юйюнде болсун
- Онгсузну – джакъла, тенгликни – сакъла.
- Джангыз терек къынгыр ёсер.
- Къызын тута билмеген, тул этер, джашын тута билмеген, къул этер.
- Башсыз урчукъ тюзюне айланмаз.
- Аман киши кеси юйюнде – къонакъ.
- Ариу сёз – джаннга азыкъ, аман сёз – башха къазыкъ.
- Соргъан айыб тюлдю, билмеген айыбды.
- Босагъа таш юйге кирмей эди, тыбыр таш эшикге чыкъмай эди.
- Ётген ёмюр – акъгъан суу.
- Хата – гитчеден.
- Уллу сёлешме да, уллу къаб.
- Джылар джаш, атасыны сакъалы бла ойнар.
- Эркишиге тары кебек танг кёрюнюр.
- Хар адамгъа кеси миннген тау кибик.
- Ашхы болсанг, атынг чыгъар, аман болсанг, джанынг чыгъар.
- Тыш элде солтан болгъандан эсе, кесинги элде олтан болгъан игиди!
- Ышармагъан – кюлмез, кюлмеген – къууанчны билмез.
