- Тёрдеги кюлсе, эшикдеги ышарыр.
- Тойчу джашха къарама, къойчу джашха къара.
- Ана къолу ачытмаз.
- Азыкълы ат арымаз, къатыны аман джарымаз.
- Джырчы джырчыгъа – къарнаш.
- Джырына кёре эжиую.
- Тешик этген тынчды, аны джамагъан къыйынды.
- Акъыл сабырлыкъ берир.
- Сабийликде юретмесенг, уллу болса – тюзелмез.
- Эр сокъур болсун, къатын тилсиз болсун.
- Кимни – тили, тиши онглу, кимни – къолу, иши онглу.
- Сакъламагъан затынга джолукъсанг, не бек къууанаса, не бек ачыйса.
- Ачыкъ джюрекге джол – ачыкъ.
- Джетген къыз джерли эшекни танымаз.
- Халкъны юйю – туугъан джери.
- Адам сёзге тынгыла, акъыл сёзню ангыла.
- Ач, тоймам, дейди, тойгъан, ач болмам, дейди.
- Сютден ауузу кюйген, суугъа юфгюре эди.
- Зар адамны насыбы болмаз.
- Юйюнг бла джау болгъандан эсе, элинг бла джау бол.
- Билмейме деген – бир сёз
- Ашда – бёрю, ишде – ёлю.
- Сёз садакъдан кючлюдю.
- Намысы болмагъанны, сыйы болмаз.
- Къууут – джелге, берне – бошха.
- Акъыл къартда, джашда тюйюлдю – башдады.
- Келгинчи, къонакъ уялыр, келгенден сора, къонакъбай уялыр.
- Ишни аллы бла къууанма да, арты бла къууан.
- Джарлы джети элни сёзюн этер.
- Асхат ашлыкъ сата, юйдегиси ачдан къата.
- Джолунга кёре – джюрюшюнг, джагъанга кёре – юлюшюнг.
- Тамчы таш тешер.
- Билимден уллу байлыкъ джокъду.
- Ётюрюкню къуйругъу – бир тутум.
- Ата Джуртуму башы болмасам да, босагъасында ташы болайым.
- Адебни адебсизден юрен.
- Джыгъылгъанны сырты джерден тоймаз.
- Терек ауса, отунчу – кёб.
- Тау башында, тау болмаз, джангыз терек, бау болмаз.
- Тик ёргени, тик энгишгеси да болады.
- Ашха уста, юйюнде болсун
- Окъуусуз билим – джокъ, билимсиз кюнюнг – джокъ.
- Бал чибинни ургъаны – ачы, балы – татлы.
- Ашхы – джыяр, аман – джояр.
- Илму – джашауну джолу.
- Арба аугъандан сора, джол кёргюзтюучю кёб болур.
- Азыкъ аз болса, эртде орун сал.
- Ойнай билмеген, уруб къачар.
- Ашына кёре табагъы, балына кёре къалагъы.
- Эки ойлашыб, бир сёлешген.
