- Джылыгъа джылан илешир.
- Ким бла джюрюсенг, аны кёзю бла кёрюнюрсе.
- Ариу сёз – къылычдан джити.
- Босагъа таш юйге кирмей эди, тыбыр таш эшикге чыкъмай эди.
- Этни бети бла шорпасы.
- Алгъанда – джууукъ, бергенде – джау.
- Шекер бла туз – бир болмаз, ушамагъан – юй болмаз.
- Тёзгеннге, джабылгъан эшик ачылыр.
- Адамны артындан къара сабан сюрме.
- Кютгени беш эчки, сызгъыргъаны уа, джерни джарады.
- Ариу сёз джыланны орнундан чыгъарыр.
- Ичимден чыкъды хата, къайры барайым сата?
- Ач да бол, токъ да бол – намысынга бек бол.
- От этилмеген джерден тютюн чыкъмайды.
- Эм уллу байлыкъ – джан саулукъ.
- Джашлыкъ этмеген, башлыкъ этмез.
- Кёб ант этген, кёб ётюрюк айтыр.
- Аш берме да, къаш бер.
- Ургъан суудан башынгы сакъла.
- Ёгюзню мюйюзлери ауурлукъ этмейдиле.
- Иги адам абынса да, джангылмаз.
- Башсыз урчукъ тюзюне айланмаз.
- Тил бла келеди джыр да.
- Къызгъанчдан ычхыныр, мухардан ычхынмаз.
- Алим болгъандан эсе, адам болгъан къыйынды.
- Хар ишни да аллы къыйынды.
- Хар сёзню орну барды.
- Джыгъылгъанны сырты джерден тоймаз.
- Эртде тургъан джылкъычыны эркек аты тай табар.
- Келлик заман – къартлыкъ келтирир, кетген заман – джашлыкъ ёлтюрюр.
- Ач бёрюге мекям джокъ.
- Эрине къаргъыш этген къатын, эрнин къабар.
- Ашыкъгъанны этеги бутуна чырмалыр.
- Тилчиден кери бол.
- Сабий кёргенин унутмаз.
- Экиндини кеч къылсанг, чабыб джетер ашхам.
- Ёлюр джаннга, ёкюл джокъ.
- Ауругъанны сау билмез, ач къарынны токъ билмез.
- Къонакъны къачан кетерин сорма, къачан келлигин сор.
- Сабийликде юретмесенг, уллу болса – тюзелмез.
- Сёз садакъдан кючлюдю.
- Сагъышы джокъ – джукъучу, акъылы джокъ – къаугъачы.
- Хар зат кесини орнуна иги.
- Билген билмегенни юретген адетди.
- Джиби бир къат джетмей эди да, эки къат тарта эди.
- Хоншуну тауугъу къаз кёрюнюр, келини къыз кёрюнюр.
- Кёл – къызбай, къол – батыр.
- Хаухну атма, ёнгкючню сатма.
- Ачыу алгъа келсе, акъыл артха къалады.
- Къарт айтханны этмеген, къартаймаз.
