- Сабий болмагъан джерде, мёлек болмаз.
- Мухардан ач ычхынмаз.
- Бети къызарыучу адамны, джюреги харам болмаз.
- Аз айтсам, кёб ангылагъыз.
- Ашына кёре табагъы, балына кёре къалагъы.
- Башы ишлегенни, ауузу да ишлер.
- Аджалсыз ёлюм болмаз.
- Халкъны джырын джырласанг, халкъ санга эжиу этер.
- Эл бла кёргенинг эрелей.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Къар – келтирди, суу – элтди.
- Кюлме джашха – келир башха.
- Узун джолну барсанг, бюгюн келирсе, къысха джолну барсанг, тамбла келирсе.
- Эри аманны, къатыны – аман.
- Урунуу – насыбны анасы.
- Элге къуллукъ этмеген, элге ие болмаз.
- Сормай – алма, чакъырылмай – барма.
- Таугъа чыгъаллыкъ эсенг, тюзде къалма.
- Бозанг болмагъан джерге, къалагъынгы сукъма.
- Тёгюлген тюгел джыйылмайды.
- Аман адам элни бир-бирине джау этер.
- Тилчи тилден къаныкъмаз.
- Ауругъаннга – кийик саулукъ, джетген къызгъа – чилле джаулукъ.
- Иши джокъну, сыйы джокъ.
- Джангыз торгъай джырламаз.
- Ауругъанны сау билмез, ач къарынны токъ билмез.
- Джигер – джаннга къыйынлыкъ.
- Байлыкъ келсе, акъыл кетер.
- Айран тёгюлсе, джугъусу къалыр.
- Ашхылыкъ джерде джатмайды, аманлыкъ суугъа батмайды.
- Баш – акъыл ючюн, акъылман – халкъ ючюн.
- Чыкълы кюнде чыкъмагъан, чыкъса къуру кирмеген.
- Намысы джокъну – дуниясы джокъ.
- Джиби бир къат джетмей эди да, эки къат тарта эди.
- Ауругъан – джашаудан умутчу.
- Ачлыкъ отха секиртир.
- Хаухну атма, ёнгкючню сатма.
- Тешик этген тынчды, аны джамагъан къыйынды.
- Хата – гитчеден.
- Бюгюн дуния кибик, тамбла ахыратды.
- Джогъун бар этген, барын бал этген.
- Ат да турмайды бир териде.
- Таякъ этден ётер, тил сюекден ётер.
- Акъыл бла адеб эгизледиле.
- Бал ашаргъа сюе эсенг, чибин ургъаннга тёз.
- Атынг аманнга чыкъгъандан эсе, джанынг тамагъынгдан чыкъсын.
- Билгенни къолу къарны джандырыр.
- Сёлеш деб шай берген, тохта деб, сом берген.
- Тойгъанлыкъ къойгъа джарашады.
- Аш кетер да бет къалыр.
