- Эки итни арасына сюек атма, эки адамны арасында сёз чыгъарма.
- Ёлген аслан – сау чычхан.
- Тешик этген тынчды, аны джамагъан къыйынды.
- Билимли ёлмез, билимсиз кёрмез.
- Юйюнг бла джау болгъандан эсе, элинг бла джау бол.
- Къайгъыны сюйген, къайгъы табар.
- Ётген ёмюр – акъгъан суу.
- Баш болса, бёрк табылыр.
- Аман эсирсе, юйюн ояр.
- Къыйынлы джети элге оноу этер.
- Насыб бютеу халкъны юлюшюдю.
- Тойгъан джерден туугъан джер игиди.
- Биреу къой излей, биреу той излей.
- Аууз сакълагъан – джан сакълар.
- Эл бла кёргенинг эрелей.
- Эки элинги тыйсанг, джети элде махталырса.
- Ишлегенде эринме, ишде чолакъ кёрюнме.
- Юй ишлеген балта эшикде къалыр.
- Къар – келтирди, суу – элтди.
- Ёлмесенг да, къарт дамы болмазса?
- Итли къонакъ джарашмаз.
- Тойгъан джерге джети къайт.
- Эки ойлашыб, бир сёлешген.
- Сагъышы джокъ – джукъучу, акъылы джокъ – къаугъачы.
- Къобан да къуру да къобханлай турмайды, адам да къуру да патчахлай турмайды.
- Биреуню тёрюнден, кесинги эшик артынг игиди.
- Джангыз терек къынгыр ёсер.
- Ашын ашагъанынгы, башын да сыйла.
- Тёзген – тёш ашар!
- Эрни эр этерик да, къара джер этерик да, тиширыуду.
- Джылыгъа джылан илешир.
- Мен да «сен», дейме, сен да «кесим», дейсе.
- Илму – джашауну джолу.
- Уруну арты – къуру.
- Къонакъ аман болса, къонакъбай джунчур
- Байны къызы баймакъ болса да, юйде къалмаз!
- Этни да ашады, бетни да ашады.
- Мени джылытмагъан кюн, меннге тиймесин!
- Агъач – джерни чырайы, кийим – эрни чырайы.
- Дуния малгъа сатылма, кесингден телиге къатылма.
- Билгенни къолу къарны джандырыр.
- Махтаннган къыз, тойда джукълар.
- Нёгер болсанг, тенг бол, тенг болмасанг, кенг бол.
- Ачылгъан эт джабылыр, кёрген кёз унутмаз.
- Айтылгъан буйрукъ, сёгюлмез
- Аз сёлешген, къайгъысыз турур.
- Ёгюзню мюйюзюнден тутадыла, адамны сёзюнден тутадыла.
- Иесиз малны бёрю ашар.
- Ётюрюкню башын керти кесер.
- Намыс болмагъан джерде, насыб болмаз.
фамильная, родовая символика (гербы, тавр, тамги)
Читают тему (гостей: 1)