- Намысы джокъну – дуниясы джокъ.
- Байма, деб да, къууанма, джарлыма, деб да, джылама.
- Ариу сёз – къылычдан джити.
- Ауузу бла къуш тута айланады.
- Баш – акъыл ючюн, акъылман – халкъ ючюн.
- Кёлсюзден сёзсюз тууар.
- Ишге юренсин къоллары, халкъ бла болсун джоллары.
- Ариу – кёзге, акъыл – джюрекге.
- Хоншуну тауугъу къаз кёрюнюр, келини къыз кёрюнюр.
- Аз сёлеш, кёб ишле.
- Ачыкъ джюрекге джол – ачыкъ.
- «Ма», - дегенни билмесенг, «бер», - дегенни билмезсе.
- Кюн кёрмеген, кюн кёрсе, кюндюз чыракъ джандырыр.
- Мухарны эси – ашарыкъда.
- Аман киши кеси юйюнде – къонакъ.
- Айтханы чапыракъдан ётмеген.
- Кёпюр салгъан кеси ётер, уру къазгъан кеси кетер.
- Аджал соруб келмез, келсе, къайтыб кетмез.
- Алим болгъандан эсе, адам болгъан къыйынды.
- Кийиминг бла танылма, адамлыкъ бла таныл.
- Адамны адамлыгъы къыйынлыкъда айгъакъланады.
- Чакъырылмагъан къонакъ – орунсуз.
- Къошда джокъгъа – юлюш джокъ.
- Хунаны тюбюн къазсанг, юсюнге ауар.
- Ауругъанны сау билмез, ач къарынны токъ билмез.
- Биреу ашаб къутулур, биреу джалаб тутулур.
- Аууз сакълагъан – джан сакълар.
- Бетинги сатма, малынгы сат.
- Ариу сёзде ауруу джокъ.
- Джарлыны тону джаз битер.
- Байлыкъ болгъан джерде, тынчлыкъ джокъду.
- Тюз сёз баргъан сууну тыяр.
- Тыш элде солтан болгъандан эсе, кесинги элде олтан болгъан игиди!
- Бек анасы джыламаз.
- Билимсиз иш бармаз.
- Джыйырма къойну юч джыйырма эбзе кюте эди.
- От этилмеген джерден тютюн чыкъмайды.
- Татлы сёз – балдан татлы.
- Башынга джетмегенни сорма.
- Джиби бир къат джетмей эди да, эки къат тарта эди.
- Зарда марда джокъ.
- Телини эшигин, махтау джабар.
- Сакъламагъан затынга джолукъсанг, не бек къууанаса, не бек ачыйса.
- Этни бети бла шорпасы.
- Чомарт бергенин айтмаз.
- Босагъагъа джууукъ орун болса, ашыгъыб тёрге озма.
- Биреуге кёлтюрген таягъынг, кесинги башынга урур.
- Акъыллы башны – тили къысха.
- Къарыусузгъа кюлме, онгсузгъа тийме.
- Ачлыкъ отха секиртир.
[ Закрыто ] Hadisi...........
Читают тему (гостей: 1)