- Мен да «сен», дейме, сен да «кесим», дейсе.
- Билимли ёлмез, билимсиз кёрмез.
- Ёлген ийнек сютлю болур.
- Кюн – узун, ёмюр – къысха.
- Кёзню ачылгъаны – иги, ауузну джабылгъаны – иги.
- Эл ауузу – элек, анга ийнаннган – халек.
- Магъанасыз сёз – тауушсуз сыбызгъы.
- Ханнга да келеди хариблик.
- Абынмазлыкъ аякъ джокъ, джангылмазлыкъ джаякъ джокъ.
- Сормай – алма, чакъырылмай – барма.
- Баланы адам этген анады.
- Нёгер болсанг, тенг бол, тенг болмасанг, кенг бол.
- Байлыкъ келсе, акъыл кетер.
- Джаралыны джастыгъында сау ёлюр.
- Кёбню кёрген – кёб билир.
- Тура эдим джата, къайдан чыкъды хата?
- Джахил болса анасы, не билликди баласы?
- Мал кёб болса, джууукъ кёб болур.
- Ана къойну – балагъа джандет.
- Баргъанынга кёре болур келгенинг.
- Керек ташны ауурлугъу джокъ.
- Ушамагъан – джукъмаз.
- Тау башында, тау болмаз, джангыз терек, бау болмаз.
- Иги адам абынса да, джангылмаз.
- Сакъ юйюне сау барыр.
- Тили узунну, намысы – къысха.
- Кесинге джетмегенни, кёб сёлешме.
- Джолунга кёре – джюрюшюнг, джагъанга кёре – юлюшюнг.
- Дуния малгъа сатылма, кесингден телиге къатылма.
- Билим ат болуб да чабар, къуш болуб да учар.
- Аманны тукъумуна къарама, игини тукъумун сорма.
- Аз сёлеш, кёб ишле.
- Къонакъ хазыр болгъанлыкъгъа, къонакъбай хазыр тюлдю.
- Джарлы эскисин джамаса, къууаныр.
- Чакъырылгъанны аты, чакъырылмагъанны багъасы болур.
- Этни да ашады, бетни да ашады.
- Окъ къызбайны джокълайды.
- Къызгъанчдан ычхыныр, мухардан ычхынмаз.
- Рысхы – сют юсюнде кёмюк кибикди.
- Джашда акъыл джокъ, къартда къарыу джокъ.
- Тёгюлген тюгел джыйылмайды.
- Олтуруб кёрюнмей эди да, ёрге туруб кёрюне эди.
- Нарт сёз къарт болмаз.
- Ойнай билмеген, уруб къачар.
- Акъыллы эркиши атын махтар, акъылсыз эркиши къатынын махтар.
- «Ма», - дегенни билмесенг, «бер», - дегенни билмезсе.
- Гугук кесини атын айтыб къычыргъанча, мен, мен деб нек тураса?
- Сабийни джумушха джибер да, ызындан бар.
- Ашына кёре табагъы, балына кёре къалагъы.
- Къарт бла баш аша, джаш бла аякъ аша.
КНИГА: "ПОЛОЖЕНИЕ ОТМЕЧАНИЯ МАВЛИДА (дня рождения Пророка)
Читают тему (гостей: 1)