- Кютгени беш эчки, сызгъыргъаны уа, джерни джарады.
- Чомартны къолу берекет.
- Асхат ашлыкъ сата, юйдегиси ачдан къата.
- Адамны сыфатына къарама, сёзюне къара.
- Билимли ёлмез, билимсиз кёрмез.
- Билимсиз иш бармаз.
- Тура эдим джата, къайдан чыкъды хата?
- Тилде сюек болмаса да, сюек сындырыр.
- Джаз бир кюнню джатсанг, къыш талай кюнню абынырса.
- Ётюрюк хапар аякъ тюбю бла джюрюйдю.
- Тау башында, тау болмаз, джангыз терек, бау болмаз.
- Къууут – джелге, берне – бошха.
- Ёлген эшек бёрюден къоркъмайды.
- Адамны джюреги нени кёрюрге сюйсе, кёзю да аны кёрюрге ёч болады.
- Этни бети бла шорпасы.
- Акъыллы айтыр эди, акъылсыз къоймайды.
- Гыдай эчки суугъа къараб, мюйюзле кёрмесе, джашма алкъын, дегенди.
- Билмегенинги, билгеннге сор.
- Ашыкъгъанны этеги бутуна чырмалыр.
- Уллу айтханны этмеген – уллаймаз.
- Кюн – узун, ёмюр – къысха.
- Ким бла джюрюсенг, аны кёзю бла кёрюнюрсе.
- Джаралыны джастыгъында сау ёлюр.
- Ётюрюкчюню шагъаты – къатында.
- Сабий болмагъан джерде, мёлек болмаз.
- Къолунгдан къуймакъ ашатсанг да, атаны борчундан къутулмазса.
- Азыкълы ат арымаз, къатыны аман джарымаз.
- Эри аманны, къатыны – аман.
- Башы ишлегенни, ауузу да ишлер.
- Сабийликде юретмесенг, уллу болса – тюзелмез.
- Хазыр ашха – терен къашыкъ.
- Тил – кесген бычакъ, сёз – атылгъан окъ.
- Этни да ашады, бетни да ашады.
- Арбаз къынгырды да, ийнек сауалмайма.
- Къозулугъунда тоймагъан, къойлугъунда тоймаз.
- Аман адам элни бир-бирине джау этер.
- Къонакъ кёб келюучю юйню, къазаны отдан тюшмез.
- Иги бла джюрюсенг, джетерсе муратынга, аман бла джюрюсенг, къалырса уятха.
- Мал кёб болса, джууукъ кёб болур.
- Гугук кесини атын айтыб къычыргъанча, мен, мен деб нек тураса?
- Ушамагъан – джукъмаз.
- Тыш элде солтан болгъандан эсе, кесинги элде олтан болгъан игиди!
- Билим насыб берир, билим джолну керир.
- Тил джюрекге джол ишлейди.
- Татлы тилде – сёз ариу, чемер къолда – иш ариу.
- Байлыкъдан саулукъ ашхыды.
- Иги адам абынса да, джангылмаз.
- Насыблы элин сюер, насыбсыз кесин сюер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къатыны харакетли болса, эри къымсыз болур.
Срочная помощь больному лейкозом
Читают тему (гостей: 1)