- Чыбыкълыкъда бюгюлмеген, къазыкълыкъда бюгюлмей эди.
- Джюрекден джюрекге джол барды.
- Кёл – къызбай, къол – батыр.
- Эки къатын алгъанны къулагъы тынгнгаймаз.
- Тамырсыз терекге таянма – джыгъылырса.
- Суу да къайтады чыкъгъан джерине.
- Билмейме деген – бир сёз
- Хунаны тюбюн къазсанг, юсюнге ауар.
- Ач отунчуну ачыуу – бурнунда.
- Шапа кёб болса, аш татымсыз болур.
- Чарсда алчыны эл кёреди.
- Къыз тиширыу кеси юйюнде да къонакъды.
- Аманны тукъумуна къарама, игини тукъумун сорма.
- Кёзю сокъурдан – къоркъма, кёлю сокъурдан – къоркъ.
- Эл бла кёргенинг эрелей.
- Аман къатын алгъан, арыр, иги къатын алгъан джарыр.
- Аз сёлешген, къайгъысыз турур.
- Джаным-тиним – окъуу, билим.
- Орундукъ тюбюнде атылсам да, орта джиликме, де да айлан.
- Ургъан суудан башынгы сакъла.
- Джарлы эскисин джамаса, къууаныр.
- Билим – акъылны чырагъы.
- Эр абынмай, эл танымаз.
- Кесинге джетмегенни, кёб сёлешме.
- Таукелге нюр джауар.
- Накъырда – кертини келечиси.
- Джумушакъ терекни къурт ашар.
- Айтханы чапыракъдан ётмеген.
- Чомартха хар кюн да байрамды.
- Къайгъы тюбю – тенгиз.
- Акъыл бла адеб эгизледиле.
- Керилген да, ургъан кибикди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Байны оноуу, джарлыгъа джарамаз.
- Ёлюк кебинсиз къалмаз.
- Билимсиз иш бармаз.
- Туз, гырджын аша, тюзлюк бла джаша.
- Чомарт джарлы болмаз.
- Аджаллыгъа окъсуз шкок атылыр.
- Кёкдеги болмаса, джердегин кёрмейди.
- Этни да ашады, бетни да ашады.
- Аш берме да, къаш бер.
- Чомартны къолу берекет.
- Ойнаб айтсанг да, эслеб айт.
- Кийиминг бла танылма, адамлыкъ бла таныл.
- Эл элде бирер малынг болгъандан эсе, бирер тенгинг болсун.
- Адам къаллай бир ишленмесе, аллай бир кесин уллу кёреди.
- Ата Джуртуму башы болмасам да, босагъасында ташы болайым.
- Этим кетсе да, сюегим къалыр.
- Ач да бол, токъ да бол – намысынга бек бол.
[ Закрыто ] АНКЕТА
Читают тему (гостей: 1)