- Иги – алгъыш этер, аман – къаргъыш этер.
- Азыкъ аз болса, эртде орун сал.
- Алгъанда – джууукъ, бергенде – джау.
- Хата – гитчеден.
- Къонагъынгы артмагъын алма да, алгъышын ал.
- Айтханы чапыракъдан ётмеген.
- Сабий болмагъан джерде, мёлек болмаз.
- Кёл ашады да, кеси ашады.
- Азыгъы аз, алгъа къабар, аты аман, алгъа чабар.
- Тойгъандан сора, ашны сёкме.
- Къыйынлы джети элни къайгъысын этер.
- Байны оноуу, джарлыгъа джарамаз.
- Телиге от эт десенг, юйюнге от салыр.
- Накъырданы арты керти болур.
- Джаным-тиним – окъуу, билим.
- Аз сёлешген, къайгъысыз турур.
- Джырчы джырчыгъа – къарнаш.
- Элде адам къалмаса, ит тахтагъа минер.
- Этни бети бла шорпасы.
- Эшекге миннген – биринчи айыб, андан джыгъылгъан – экинчи айыб.
- Ёксюзню тилеги къабыл болур.
- Намысы болмагъанны, сыйы болмаз.
- Эки элинги тыйсанг, джети элде махталырса.
- Аз сёлеш, кёб ишле.
- Ётюрюк хапар аякъ тюбю бла джюрюйдю.
- Ашхы – джыяр, аман – джояр.
- Байны къызы баймакъ болса да, юйде къалмаз!
- Эл ауузу – элек, анга ийнаннган – халек.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Чабакъ башындан чирийди.
- Аман эсирсе, юйюн ояр.
- Телиге акъыл салгъандан эсе, ёлгеннге джан салырса.
- Джашда акъыл джокъ, къартда къарыу джокъ.
- Джаш къарыу бла кючлю, къарт акъыл бла кючлю.
- Акъыл къартда, джашда тюйюлдю – башдады.
- Душманны тышы – акъ, ичи – къара.
- Билим къая тешер.
- Илму – джашауну джолу.
- Ишни ахырын ойламай, аллын башлама.
- Керилген да, ургъан кибикди.
- Кечеси – аяз, кюню – къыш, джарлы къаргъагъа бир аш тюш!
- Башда акъыл болмаса, эки аякъгъа кюч джетер.
- Къулакъдан эсе, кёзге ышан.
- Джан саулукъ бермей, сан саулукъ бермезсе.
- Джаш болсун, къыз болсун, акъылы, саны тюз болсун.
- Адам къаллай бир ишленмесе, аллай бир кесин уллу кёреди.
- Тели турса – той бузар.
- Хазыр ашха – терен къашыкъ.
- Къаллай салам берсенг, аллай джууаб алырса.
- Акъдан къара болмаз.
[ Закрыто ] Лучше поздно чем никогда! Мертвой Голове посвяшается:)
Читают тему (гостей: 1)