- Байдан умут эте, джарлыдан ёгюз багъасы къорады.
- Кирсизни – саны таза, халалны – къаны таза.
- Сёлеш деб шай берген, тохта деб, сом берген.
- Суугъа – таянма, джаугъа – ийнанма.
- Ач келгенни – тойдур, кеч келгенни – къондур.
- Къууут – джелге, берне – бошха.
- Къарын къуру болса, джюрек уру болур.
- Чомартны къолун джокълукъ байлар.
- Тил бла келеди джыр да.
- Кёкдеги болмаса, джердегин кёрмейди.
- Ана къолу ачытмаз.
- Иги джашны ышаны – аз сёлешиб, кёб тынгылар.
- Намыс болмагъан джерде, насыб болмаз.
- Ёзденликни джайгъан – джокълукъ.
- Къаллай салам берсенг, аллай джууаб алырса.
- Ёлген эшек бёрюден къоркъмайды.
- Къазанны башы ачыкъ болса, итге уят керекди.
- Нарт сёз къарт болмаз.
- Тенги кёбню джау алмаз, акъылы кёбню дау алмаз.
- Юре билмеген ит, къонакъ келтирир.
- Тойну къарнашы – харс, джырны къарнашы – эжиу.
- Ачлыкъда тары гырджын халыуадан татлы.
- Агъач – джерни чырайы, кийим – эрни чырайы.
- Айырылгъанланы айю ашар, бёлюннгенлени бёрю ашар.
- Адам къаллай бир ишленмесе, аллай бир кесин уллу кёреди.
- Халкъны джырын джырласанг, халкъ санга эжиу этер.
- Къарыусузгъа кюлме, онгсузгъа тийме.
- Аш иеси бла татлыды.
- Тилде сюек болмаса да, сюек сындырыр.
- Тойгъа барсанг, тоюб бар, эски тонунгу къоюб бар.
- Ариу сёз аурууунгу алыр.
- Тюз сёз баргъан сууну тыяр.
- Тура эдим джата, къайдан чыкъды хата?
- Хазыр ашха – терен къашыкъ.
- Булут кёкге джарашыу, уят бетге джарашыу.
- Сыфатында болмагъаны, суратында болмаз.
- Суу ичген шауданынга тюкюрме.
- Эри аманны, къатыны – аман.
- Тюзлюк шохлукъну бегитир.
- Ашда – бёрю, ишде – ёлю.
- Ашхы сёз таш тешер.
- Джюрекден джюрекге джол барды.
- Сабий болмагъан джерде, мёлек болмаз.
- Ургъан суудан башынгы сакъла.
- Чомартны къолу берекет.
- Ойнай билмеген, оюн бузар.
- Махтаннган къыз, тойда джукълар.
- Акъыллы башны – тили къысха.
- Зарда марда джокъ.
- Байны къызы баймакъ болса да, юйде къалмаз!
[ Закрыто ] Айшат))) С днем рождения))))
Читают тему (гостей: 1)