- Иги джашны ышаны – аз сёлешиб, кёб тынгылар.
- Сууда джау джокъ, кёб сёзде магъана джокъ.
- Къуллукъчума, деб махтанма, къуллукъ – хаух джамчыды!
- Игилик игилик бла сингдирилиучю затды.
- Адамны сыфатына къарама, сёзюне къара.
- Къанны къан бла джуума, аманны аман бла къуума.
- Къарны аманнга къазан такъдырма, къолу аманнга от джакъдырма.
- Аш кетер да бет къалыр.
- Билим ат болуб да чабар, къуш болуб да учар.
- Тил – кесген бычакъ, сёз – атылгъан окъ.
- Сескекли кесин билдирир.
- Тынгылагъан тынгы бузар.
- Акъыллы – эл иеси, тели – эл баласы.
- Тилчиден кери бол.
- Намысы болмагъанны, сыйы болмаз.
- Этни да ашады, бетни да ашады.
- Халкъны джырын джырласанг, халкъ санга эжиу этер.
- Кёрмегеннге кебек – танг, битмегеннге сакъал – танг.
- Бети бедерден, намыс сакълама.
- Къыз чыгъаргъан – къызыл къымжа.
- Ётюрюкчюню шагъаты – къатында.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Билим – акъылны чырагъы.
- Акъыллы айтыр эди, акъылсыз къоймайды.
- Айтханы чапыракъдан ётмеген.
- Аз айтсам, кёб ангылагъыз.
- Адеб базарда сатылмаз.
- Чакъырылмагъан къонакъ къачан кетерин сормаз.
- Адамны бетине къарама, адетине къара.
- Чомарт джарлы болмаз.
- Малны кют, джерни тюрт.
- Къатын байлыкъны сюер, эр саулукъну сюер.
- Кесинге джетмегенни, кёб сёлешме.
- Аман эсирсе, юйюн ояр.
- Аз сёлешген, къайгъысыз турур.
- Мал тутхан – май джалар.
- Сёлеш деб шай берген, тохта деб, сом берген.
- Хаухну атма, ёнгкючню сатма.
- Кёз – сюйген джерде, къол – ауругъан джерде.
- Кюлме джашха – келир башха.
- Билеги кючлю, бирни джыгъар, билими кючлю, мингни джыгъар.
- Башланнган иш битер, къымылдагъан тиш тюшер.
- Окъугъан озар, окъумагъан тозар.
- Тай асырагъан, атха минер.
- Эм ашхы къайын ана мамукъ бла башынгы тешер.
- Кёбге таш атма.
- Джарлы тюеге минсе да, ит къабар.
- Иги адамны бир сёзю эки болмаз.
- Эр абынмай, эл танымаз.
- Гитче джилтин уллу элни джандырыр.
[ Закрыто ] С днём рождения, Эльбрусоид!
Читают тему (гостей: 1)