- Аманнга алтын чыдамаз.
- От кюйдюрген, сау болса да, тот кюйдюрген, сау болмаз.
- Къобан да къуру да къобханлай турмайды, адам да къуру да патчахлай турмайды.
- Адам сёзге тынгыла, акъыл сёзню ангыла.
- Ишленмеген джаш – джюгенсиз ат, ишленмеген къыз – тузсуз хант.
- Тюз сёз баргъан сууну тыяр.
- Ашда – бёрю, ишде – ёлю.
- Ёксюзню тилеги къабыл болур.
- Тойгъан антын унутур.
- Ата Джуртун танымагъан, атасын да танымаз.
- Юйюнг бла джау болгъандан эсе, элинг бла джау бол.
- Ётюрюкден тюбю джокъ, кёлтюрюрге джиби джокъ.
- Аууз сакълагъан – джан сакълар.
- Эки къатын алгъан – эки ташны ортасына башын салгъан.
- Сабий болмагъан джерде, мёлек болмаз.
- Ишлерге уял да, ашаргъа табма.
- Кесине гебен этелмеген, биреуге черен эте эди.
- Аджашхан тёгерек айланыр.
- Экеулен сёлеше тура эселе, орталарына барыб кирме.
- Ата Джуртуму башы болмасам да, босагъасында ташы болайым.
- Къазанны башы ачыкъ болса, итге уят керекди.
- Телиге от эт десенг, юйюнге от салыр.
- Зарда марда джокъ.
- Ёзденликни джайгъан – джокълукъ.
- Билген билмегенни юретген адетди.
- Юйлю уругъа ит чабмаз.
- Бал чибинни ургъаны – ачы, балы – татлы.
- Тюзлюк шохлукъну бегитир.
- Чёбню кёлтюрсенг, тюбюнден сёз чыгъар.
- Билеги кючлю, бирни джыгъар, билими кючлю, мингни джыгъар.
- Туз, гырджын аша, тюзлюк бла джаша.
- Экиндини кеч къылсанг, чабыб джетер ашхам.
- Биреуню эскиси биреуге джангы болмайды.
- Айтылгъан сёз ызына къайтмаз.
- Ёмюрлюк шохлукъну джел элтмез.
- Тойгъан джерге джети къайт.
- Чомарт къолда мал къалмаз.
- Ариу джол аджал келтирмез.
- Аман адамны тепсинге олтуртсанг, къызынгы тилер.
- Айранны сюйген, ийнек тутар.
- Эллинг бла джау болсанг да, юйюнг бла джау болма.
- Ач келгенни – тойдур, кеч келгенни – къондур.
- Билим къая тешер.
- Айырылгъанланы айю ашар, бёлюннгенлени бёрю ашар.
- Уллу къазанда бишген эт, чий къалмаз.
- Къралынгы – душмандан, башынгы от бла суудан сакъла.
- Ойнай билмеген, оюн бузар.
- Орну джокъну – сыйы джокъ.
- Аман хансны – урлугъу кёб.
- Къошда джокъгъа – юлюш джокъ.
[ Закрыто ] С днём рождения, Эльбрусоид!
Читают тему (гостей: 1)