- Джеринден айырылгъан – джети джылар, джуртундан айырылгъан – ёлгюнчю джылар.
- Джыгъылгъанны сырты джерден тоймаз.
- Байдан умут эте, джарлыдан ёгюз багъасы къорады.
- Арпа, будай – ащды, алтын, кюмюш а – ташды.
- Тюзлюк шохлукъну бегитир.
- Кенгеш болса, уруш болмаз.
- Борчунг бар эсе, хурджунунга ойлаб узал.
- Арба аугъандан сора, джол кёргюзтюучю кёб болур.
- Биреу ашаб къутулур, биреу джалаб тутулур.
- Тил джюрекге джол ишлейди.
- Кёзю сокъурдан – къоркъма, кёлю сокъурдан – къоркъ.
- Алтыннга тот къонмаз.
- Джумушакъ терекни къурт ашар.
- Асхат ашлыкъ сата, юйдегиси ачдан къата.
- Таукелге нюр джауар.
- Уллу атлама – абынырса, уллу къабма – къарылырса.
- Кёз – сюйген джерде, къол – ауругъан джерде.
- Атлыны ашхысы, ат тизгининден билинир
- Ачлыкъ отха секиртир.
- Aдам боллукъ, сыфатындан белгили.
- Адам сёзге тынгыла, акъыл сёзню ангыла.
- Джаралыны джастыгъында сау ёлюр.
- Кёб ант этген, кёб ётюрюк айтыр.
- Эл тойса, тоймагъан, эл къойса, къоймагъан.
- Бети къызарыучу адамны, джюреги харам болмаз.
- Кийиминг бла танылма, адамлыкъ бла таныл.
- Къонакъ аман болса, къонакъбай джунчур
- Рысхы – насыбха къор.
- Къарыусузгъа кюлме, онгсузгъа тийме.
- Кюлме джашха – келир башха.
- Сабыр джетер муратха, сабырсыз къалыр уятха.
- Чабакъсыз кёлге къармакъ салгъанлыкъгъа, чабакъ тутмазса.
- Джаханимни кёрмей, джандетге кёл салмазса.
- Шапа кёб болса, аш татымсыз болур.
- Ишни аллы бла къууанма да, арты бла къууан.
- Джукъу тёшек сайламайды.
- Этни да ашады, бетни да ашады.
- Таугъа чыгъаллыкъ эсенг, тюзде къалма.
- Кёрмегеннге кебек – танг, битмегеннге сакъал – танг.
- Рысхы джалгъанды: келген да этер, кетген да этер.
- Дуния аламаты сен эсенг да, игиме деб айтма.
- Айырылгъанланы айю ашар, бёлюннгенлени бёрю ашар.
- Тиширыусуз юй – отсуз от джагъа.
- Акъыл бла адеб эгизледиле.
- Билимли ёлмез, билимсиз кёрмез.
- Ана кёлю – балада, бала кёлю – талада.
- Эки къатын алгъанны къулагъы тынгнгаймаз.
- Къоркъакъны кёзю экили кёрюр.
- Ауругъан – джашаудан умутчу.
- Аманны эки битли тону болур, бирин сеннге кийдирир, бирин кеси киер.
[ Закрыто ] Слово.... А вы знаетет его значение?
Читают тему (гостей: 1)