- Билим – акъылны чырагъы.
- Тиширыусуз юй – отсуз от джагъа.
- Огъурлуну сёзю – суу, огъурсузну сёзю – уу.
- Алгъанда – джууукъ, бергенде – джау.
- Сакъ юйюне сау барыр.
- Тамбла алтындан бюгюн багъыр ашхы.
- Ашына кёре табагъы, балына кёре къалагъы.
- Кюн кёрмеген, кюн кёрсе, кюндюз чыракъ джандырыр.
- Эл ауузу – элия.
- Ойнаб айтсанг да, эслеб айт.
- Минг тенг да азды, бир джау да кёбдю.
- Мал тутхан – май джалар.
- Аз сёлешген, къайгъысыз турур.
- Атынг аманнга чыкъгъандан эсе, джанынг тамагъынгдан чыкъсын.
- Ашха уста, юйюнде болсун
- Орну джокъну – сыйы джокъ.
- Aдам боллукъ, сыфатындан белгили.
- Башсыз урчукъ тюзюне айланмаз.
- Ашыкъгъанны этеги бутуна чырмалыр.
- Башланнган иш битер, къымылдагъан тиш тюшер.
- Къарын къуру болса, джюрек уру болур.
- Аман адам элни бир-бирине джау этер.
- Акъыллы эркиши атын махтар, акъылсыз эркиши къатынын махтар.
- Тёрени джагъы джокъ.
- Башы джабылгъан челекге, кир тюшмез.
- Джумушакъ терекни къурт ашар.
- Билмейме деген – бир сёз
- Ханы къызы буюгъа-буюгъа киштик болду.
- Уллу айтханны этмеген – уллаймаз.
- Къолу уллу – асыу, аягъы уллу – джарсыу.
- Биреу ашаб къутулур, биреу джалаб тутулур.
- Байлыкъ келсе, акъыл кетер.
- Таш бла ургъанны, аш бла ур.
- Къонакъ болсанг, ийнакъ бол.
- Ойнай билмеген, оюн бузар.
- Джашда акъыл джокъ, къартда къарыу джокъ.
- Тели турса – той бузар.
- Ёмюрлюк шохлукъну джел элтмез.
- Уллу сёлешме да, уллу къаб.
- Тойгъа барсанг, тоюб бар, эски тонунгу къоюб бар.
- Кеси юйюмде мен да ханма.
- Байлыкъ адамны сокъур этер.
- Ашхы адам – халкъ байлыгъы, ашхы джер – джашау байлыгъы.
- Биреуге кёлтюрген таягъынг, кесинги башынга урур.
- Тёрдеги кюлсе, эшикдеги ышарыр.
- Керек ташны ауурлугъу джокъ.
- Келгинчи, къонакъ уялыр, келгенден сора, къонакъбай уялыр.
- Аманны эки битли тону болур, бирин сеннге кийдирир, бирин кеси киер.
- Джан саулукъ бермей, сан саулукъ бермезсе.
- Гугук кесини атын айтыб къычыргъанча, мен, мен деб нек тураса?
[ Закрыто ] Слово.... А вы знаетет его значение?
Читают тему (гостей: 1)