- Джыгъылгъанны сырты джерден тоймаз.
- Эринчекни аурууу – кёб.
- Адеби болмагъан къыз – тузсуз хант.
- Эки итни арасына сюек атма, эки адамны арасында сёз чыгъарма.
- Тюзлюк тас болмайды.
- Чакъырылмагъан къонакъ къачан кетерин сормаз.
- Тау башында, тау болмаз, джангыз терек, бау болмаз.
- Дуния малгъа сатылма, кесингден телиге къатылма.
- Мухардан ач ычхынмаз.
- Къарны аманнга къазан такъдырма, къолу аманнга от джакъдырма.
- Битмегеннге сакъал – танг.
- Ач бёрюге мекям джокъ.
- Атлыны ашхысы, ат тизгининден билинир
- Шапа кёб болса, аш татымсыз болур.
- Аманны тукъумуна къарама, игини тукъумун сорма.
- Эркишини аманы тиширыуну джылатыр.
- Ауузу бла къуш тута айланады.
- Сабийликде юретмесенг, уллу болса – тюзелмез.
- Кеси юйюмде мен да ханма.
- Эринчекге кюн узун.
- Иги болса, тамадама – махтау, аман болса, меннге – айыб.
- Айран ичген – къутулду, джугъусун джалагъан – тутулду.
- Келгинчи, къонакъ уялыр, келгенден сора, къонакъбай уялыр.
- Тил джюрекге джол ишлейди.
- Джарлыны тону джаз битер.
- Кёб джашагъан – кёб билир.
- Бюгюн дуния кибик, тамбла ахыратды.
- Билимден уллу байлыкъ джокъду.
- Рысхы – насыбха къор.
- Уллу атлама – абынырса, уллу къабма – къарылырса.
- Игилик игилик бла сингдирилиучю затды.
- Къарнынг тойгъунчу аша да, белинг талгъынчы ишле.
- Уруну арты – къуру.
- Акъыл неден да кючлюдю.
- Тёзген – тёш ашар!
- Урунуу – насыбны анасы.
- Адамны адамлыгъы къыйынлыкъда айгъакъланады.
- Тенгни тенглиги джашай барсанг билинир.
- Билимсиз иш бармаз.
- Бал ашаргъа сюе эсенг, чибин ургъаннга тёз.
- Тамчы таш тешер.
- Кёбню кёрген – кёб билир.
- Ётюрюкню къуйругъу – бир тутум.
- Ёксюзню тилеги къабыл болур.
- Тил бла келеди джыр да.
- Тенги кёбню джау алмаз, акъылы кёбню дау алмаз.
- Тилчиден кери бол.
- Окъдан джара эртде-кеч болса да бителир, сёз джара, ёмюрге къалыр.
- Джолунга кёре – джюрюшюнг, джагъанга кёре – юлюшюнг.
- Этим кетсе да, сюегим къалыр.
[ Закрыто ] О фамилиях (родах) ..
Читают тему (гостей: 1)