- Этек чакъмакълары баш джаргъан, сёлешген сёзлери таш джаргъан.
- Сагъыш – къартлыкъгъа сюйюмчю.
- Этим кетсе да, сюегим къалыр.
- Айтылгъан буйрукъ, сёгюлмез
- Зар адамны насыбы болмаз.
- Этни бети бла шорпасы.
- Къызны минг тилер, бир алыр.
- Джарлыны эшигин махтагъан джабар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Магъанасыз сёз – тауушсуз сыбызгъы.
- Чыбыкълыкъда бюгюлмеген, къазыкълыкъда бюгюлмей эди.
- Мал тутхан – май джалар.
- Туз, гырджын аша, тюзлюк бла джаша.
- Байлыкъ болгъан джерде, тынчлыкъ джокъду.
- Джаханимни кёрмей, джандетге кёл салмазса.
- Тешик этген тынчды, аны джамагъан къыйынды.
- Оюмсуз атлагъан, аджалсыз ёлюр.
- Этни да ашады, бетни да ашады.
- Бозанг болмагъан джерге, къалагъынгы сукъма.
- Биреуге кёлтюрген таягъынг, кесинги башынга урур.
- Байлыкъдан саулукъ ашхыды.
- Уясында не кёрсе, учханында аны этер.
- Таула не мийик болсала да, аууш табылыр.
- Аджашханны ызындагъы кёреди, джангылгъанны джанындагъы биледи.
- Кёлсюзден сёзсюз тууар.
- Эм ашхы къайын ана мамукъ бла башынгы тешер.
- Билим къая тешер.
- Къатын байлыкъны сюер, эр саулукъну сюер.
- Ишге юренсин къоллары, халкъ бла болсун джоллары.
- Тилчиден кери бол.
- Къарт айтханны этмеген, къартаймаз.
- Сормай – алма, чакъырылмай – барма.
- Айтхан сёзюне табылгъан.
- Тили узунну, намысы – къысха.
- Айран ичген – къутулду, джугъусун джалагъан – тутулду.
- Чабакъ башындан чирийди.
- Тамчы таш тешер.
- Хаухну атма, ёнгкючню сатма.
- Тюкюрюк баш джармаз, налат кёз чыгъармаз!
- Намыс сатылыб алынмайды.
- Ёлген эшек бёрюден къоркъмайды.
- Кёзден кетген, кёлден да кетеди.
- Айраннга суу къош, телиге джол бош.
- Башы ишлегенни, ауузу да ишлер.
- Джахил болса анасы, не билликди баласы?
- Хата – гитчеден.
- Джол бла сёзню къыйыры джокъ.
- Башынга джетмегенни сорма.
- Къазанны башы ачыкъ болса, итге уят керекди.
- Ашыкъгъан cуу, тенгизге джетмез.
[ Закрыто ] О фамилиях (родах) ..
Читают тему (гостей: 1)