- Ашына кёре табагъы, балына кёре къалагъы.
- Окъугъан – асыу, окъумагъан – джарсыу.
- Кёзню ачылгъаны – иги, ауузну джабылгъаны – иги.
- Болджал ишни бёрю ашар.
- Ёнгкюч къууана барыр, джылай келир.
- Таш ата билмеген, башына урур.
- Аман адам этегингден тутса, кес да къач.
- Къонакъны къачан кетерин сорма, къачан келлигин сор.
- Ёлген эшек бёрюден къоркъмайды.
- Сабийни джумушха джибер да, ызындан бар.
- Ашхы атаны – джашы ашхы, ашхы ананы – къызы ашхы.
- Дууулдаса – бал чибин, къонса – къара чибин.
- Босагъагъа джууукъ орун болса, ашыгъыб тёрге озма.
- Халкъны джырын джырласанг, халкъ санга эжиу этер.
- Адамны сыфатына къарама, сёзюне къара.
- Термилгенинги табмазса, кюлгенинге тюберсе.
- Ётюрюкден тюбю джокъ, кёлтюрюрге джиби джокъ.
- Джарлы эскисин джамаса, къууаныр.
- Къан бла кирген, джан бла чыгъар.
- Ариу джол аджал келтирмез.
- Тик ёргени, тик энгишгеси да болады.
- Аманны къуугъан, аманлыкъ табар.
- Иги болса, тамадама – махтау, аман болса, меннге – айыб.
- Къарнынг тойгъунчу аша да, белинг талгъынчы ишле.
- Тели турса – той бузар.
- Нёгер болсанг, тенг бол, тенг болмасанг, кенг бол.
- Телиге акъыл салгъандан эсе, ёлгеннге джан салырса.
- Чалманны аллы къалай башланса, арты да алай барады.
- Кенгеш болса, уруш болмаз.
- Киштикге къанат битсе, чыпчыкъ къалмаз эди.
- Акъыл аздырмаз, билим тоздурмаз.
- Тёзгеннге, джабылгъан эшик ачылыр.
- Эрни эр этерик да, къара джер этерик да, тиширыуду.
- Джыланны къуйругъундан басарынг келсе, аны башы болгъанын унутма.
- Ётюрюкню къуйругъу – бир тутум.
- Къатын къылыкъсыз, эр тынчлыкъсыз.
- Оюмсуз атлагъан, аджалсыз ёлюр.
- Этни бети бла шорпасы.
- Хар зат кесини орнуна иги.
- Ойнаб айтсанг да, эслеб айт.
- Къумурсхала джыйылсала, пилни да джыгъадыла.
- Босагъа таш юйге кирмей эди, тыбыр таш эшикге чыкъмай эди.
- Таукел адам тау тешер.
- Битмегеннге сакъал – танг.
- Мал ёлсе, сюек къалыр, адам ёлсе, иши къалыр.
- Чабар ат – джетген къыз.
- Кёпюр салгъан кеси ётер, уру къазгъан кеси кетер.
- Телиге от эт десенг, юйюнге от салыр.
- Бал ашаргъа сюе эсенг, чибин ургъаннга тёз.
- Къаллай салам берсенг, аллай джууаб алырса.
[ Закрыто ] МУСУЛЬМАНСКИЕ ЗАКОНЫ + кавказские адеты + КАРАЧАЕВСКИЕ ОБЫЧА
Читают тему (гостей: 1)