- Чомартны къолун джокълукъ байлар.
- Сакъламагъан затынга джолукъсанг, не бек къууанаса, не бек ачыйса.
- Аманны тукъумуна къарама, игини тукъумун сорма.
- Аджаллыгъа окъсуз шкок атылыр.
- Къатыны харакетли болса, эри къымсыз болур.
- Олтуруб кёрюнмей эди да, ёрге туруб кёрюне эди.
- Тёрдеги кюлсе, эшикдеги ышарыр.
- Къозулугъунда тоймагъан, къойлугъунда тоймаз.
- Башда акъыл болмаса, эки аякъгъа кюч джетер.
- Этим кетсе да, сюегим къалыр.
- Хар адамгъа кеси миннген тау кибик.
- Къонакъны къачан кетерин сорма, къачан келлигин сор.
- Биреуге аманлыкъ этиб, кесинге игилик табмазса.
- Ёлген ийнек сютлю болур.
- Джашда акъыл джокъ, къартда къарыу джокъ.
- Байны къызы баймакъ болса да, юйде къалмаз!
- Акъылсызны джууукъгъа алма, акъыллыны кенгнге салма.
- Борчунг бар эсе, хурджунунга ойлаб узал.
- Айныгъанлы алты кюн, тогъайгъанлы тогъуз кюн.
- Урама да – ёледи, сатама да – келеди.
- Къыз чыгъаргъан – къызыл къымжа.
- Кюл тюбюндеги от кёрюнмейди.
- Джарлыны эшигин махтагъан джабар.
- Уллу сёлешме да, уллу къаб.
- Бал – татлы, балдан да бала – татлы.
- Ауругъан – джашаудан умутчу.
- Аджал соруб келмез, келсе, къайтыб кетмез.
- Чабакъ башындан чирийди.
- Тик ёргени, тик энгишгеси да болады.
- Алтыннга тот къонмаз.
- Къолунгдан къуймакъ ашатсанг да, атаны борчундан къутулмазса.
- Къуру гыбыт бек дыгъырдар.
- Сёз садакъдан кючлюдю.
- Кёз – сюйген джерде, къол – ауругъан джерде.
- Дуния малгъа сатылма, кесингден телиге къатылма.
- Эрине къаргъыш этген къатын, эрнин къабар.
- Къайтырыкъ эшигинги, къаты уруб чыкъма.
- Иесиз малны бёрю ашар.
- Уллу атлама – абынырса, уллу къабма – къарылырса.
- Туз, гырджын аша, тюзлюк бла джаша.
- Чомарт къонакъ юй иесин сыйлар.
- Кёб джат да, бек чаб.
- Джангызны оту джарыкъ джанмаз!
- Адамгъа аман кюн соруб келмейди.
- Ёксюзню къалачы уллу кёрюнюр.
- Чыбыкълыкъда бюгюлмеген, къазыкълыкъда бюгюлмей эди.
- Акъыл бла адеб эгизледиле.
- Аш кетер да бет къалыр.
- Байлыкъ болгъан джерде, тынчлыкъ джокъду.
- Аурууну келиую тынч, кетиую – къыйын.
[ Закрыто ] МУСУЛЬМАНСКИЕ ЗАКОНЫ + кавказские адеты + КАРАЧАЕВСКИЕ ОБЫЧА
Читают тему (гостей: 1)