- Адам туугъан джеринде, ит тойгъан джеринде.
- Кёрмегеннге кебек – танг, битмегеннге сакъал – танг.
- Биреу ашаб къутулур, биреу джалаб тутулур.
- Джерни букъусу кёкге къонмаз.
- Этни бети бла шорпасы.
- Тойгъа алгъа да барма, тойда артха да къалма.
- Джаз бир кюнню джатсанг, къыш талай кюнню абынырса.
- От этилмеген джерден тютюн чыкъмайды.
- Адамны аты башхача, акъылы да башхады.
- Суугъа – чабакъ, къаягъа – ыргъакъ.
- Джюз элде джюз ёгюзюм болгъандан эсе, джюз джууугъум болсун.
- Ёзденликни кёбю ётюрюк.
- Рысхысына кёре, джаш ёсер, къышлыгъына кёре, мал ёсер.
- Ариу – кёзге, акъыл – джюрекге.
- Джыйырма къойну юч джыйырма эбзе кюте эди.
- Джахил болса анасы, не билликди баласы?
- Эм ашхы къайын ана мамукъ бла башынгы тешер.
- Атлыны кёрсе, джаяуну буту талыр.
- Уясында не кёрсе, учханында аны этер.
- Ашарыкъда сайлагъаннга – чий гырджын.
- Эринчекге кюн узун.
- Ат да турмайды бир териде.
- Джумушакъ сёз къаты таякъны сындырыр.
- Терслик кетер, тюзлюк джетер.
- Аз сёлешген, къайгъысыз турур.
- Адеб джокъда, намыс джокъ.
- Керилген да, ургъан кибикди.
- Окъугъанны бети джарыкъ.
- Къарт бла баш аша, джаш бла аякъ аша.
- Кёзню ачылгъаны – иги, ауузну джабылгъаны – иги.
- Тилчиден кери бол.
- Ишленмеклик адамлыкъды.
- Сабий кёргенин унутмаз.
- Миллетни бойну – базыкъ, аны бла кюрешген – джазыкъ.
- Юре билмеген ит, къонакъ келтирир.
- Ач къарным, тынч къулагъым.
- Туз, гырджын аша, тюзлюк бла джаша.
- Башы джабылгъан челекге, кир тюшмез.
- Тёрде – темир таякълы, къаяда – чыпчыкъ аякълы.
- Къартха ушагъан джаш – акъыллы, джашха ушагъан къарт – тели.
- Ачылгъан эт джабылыр, кёрген кёз унутмаз.
- Ётюрюкден тюбю джокъ, кёлтюрюрге джиби джокъ.
- Терек ауса, отунчу – кёб.
- Чомартны къолу берекет.
- Тик ёргени, тик энгишгеси да болады.
- Акъылсызны джууукъгъа алма, акъыллыны кенгнге салма.
- Эл ауузу – элия.
- Акъыл неден да кючлюдю.
- Хатерли къул болур.
- Эл бла кёргенинг эрелей.
[ Закрыто ] Келигиз тауча жырла жырлайыкъ!
Читают тему (гостей: 1)