- Аманнга да, игиге да оноусуз къатышма.
- Сакъалы текени да бар, мыйыгъы киштикни да бар.
- Агъач – джерни чырайы, кийим – эрни чырайы.
- Тынгылагъан тынгы бузар.
- Ётюрюкню башын керти кесер.
- Къызбайны юйюне дери сюрсенг, батыр болур.
- Тамырсыз терекге таянма – джыгъылырса.
- Адеби болмагъан къыз – тузсуз хант.
- Къайтырыкъ эшигинги, къаты уруб чыкъма.
- Сабийни джумушха джибер да, ызындан бар.
- Джетген къыз джерли эшекни танымаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Эри аманны, къатыны – аман.
- Ёзденликни кёбю ётюрюк.
- Къыз чыгъаргъан – къызыл къымжа.
- Чёбню кёлтюрсенг, тюбюнден сёз чыгъар.
- Айырылгъанланы айю ашар, бёлюннгенлени бёрю ашар.
- Ашхы сёз таш тешер.
- Джашынгы кесинг юретмесенг, джашау юретир.
- Тыш элде солтан болгъандан эсе, кесинги элде олтан болгъан игиди!
- Ашын ашагъанынгы, башын да сыйла.
- Алтыда кюлмеген, алтмышда кюлмез.
- Биреуню къыйынлыгъы бла кесинге джол ишлеме.
- Бек анасы джыламаз.
- Бойнуму джети джерден кессенг да, мен ол ишни этеллик тюлме.
- Тёрде – темир таякълы, къаяда – чыпчыкъ аякълы.
- Башсыз урчукъ тюзюне айланмаз.
- Къартха ушагъан джаш – акъыллы, джашха ушагъан къарт – тели.
- Ач къарынны, токъ билмез
- Адамны джюреги нени кёрюрге сюйсе, кёзю да аны кёрюрге ёч болады.
- Окъуусуз билим – джокъ, билимсиз кюнюнг – джокъ.
- Этим кетсе да, сюегим къалыр.
- Сакъ юйюне сау барыр.
- Хата – гитчеден.
- Кёлсюзден сёзсюз тууар.
- Юйлю уругъа ит чабмаз.
- Ана – юйню кюн джарыгъы.
- Эркиши – от, тиширыу – суу.
- Чабакъгъа акъыл, табагъа тюшсе келеди.
- Халкъгъа джарагъан, джарлы къалмаз.
- Джарлы джети элни сёзюн этер.
- Келинни – келгинчи, бёркню кийгинчи кёр.
- Тешигини къатында, чычхан да батыр болур.
- Ачны эсинде – аш.
- Аджал соруб келмез, келсе, къайтыб кетмез.
- Адам къыйынлыгъын кёлтюрюр, зауукълугъун кёлтюрмез.
- Эте билген, этген этеди, эте билмеген, юретген этеди!
- Аз айтсам, кёб ангылагъыз.
- Таш бла ургъанны, аш бла ур.
- Садакъачыны джаны – къапчыгъында.
