- Огъурлуну сёзю – суу, огъурсузну сёзю – уу.
- Акъыл сабырлыкъ берир.
- Аш кетер да бет къалыр.
- Ишни аллы бла къууанма да, арты бла къууан.
- Хантына кёре тузу, юйюне кёре къызы.
- Къулакъдан эсе, кёзге ышан.
- Адебсиз адам – джюгенсиз ат.
- Къарт бла баш аша, джаш бла аякъ аша.
- Ашына кёре табагъы, балына кёре къалагъы.
- Акъылсызны джууукъгъа алма, акъыллыны кенгнге салма.
- Адамны аманы адамны бети бла ойнар.
- Билим насыб берир, билим джолну керир.
- Адамны адамлыгъы къыйынлыкъда айгъакъланады.
- Билмегенинги, билгеннге сор.
- Мадар болса, къадар болур.
- Уллу атлама – абынырса, уллу къабма – къарылырса.
- Кёб джат да, бек чаб.
- Сакъламагъан затынга джолукъсанг, не бек къууанаса, не бек ачыйса.
- Ариу – кёзге, акъыл – джюрекге.
- Адеби болмагъан къыз – тузсуз хант.
- Ачлыкъ отха секиртир.
- Джарлыны эшигин махтагъан джабар.
- Келлик заман – къартлыкъ келтирир, кетген заман – джашлыкъ ёлтюрюр.
- Ёзденликни кёбю ётюрюк.
- Сибиртки да сыйлы болду, кюрек да кюнлю болду.
- Аджалсыз ёлюм болмаз.
- Айырылмаз джууугъунга, унутмаз сёзню айтма.
- Кёбден умут этиб, аздан къуру къалма.
- Душманны тышы – акъ, ичи – къара.
- Ач къарным, тынч къулагъым.
- Юреннген ауруу къалмаз.
- Адамны артындан къара сабан сюрме.
- Иги болса, тамадама – махтау, аман болса, меннге – айыб.
- Джигер – джаннга къыйынлыкъ.
- Хар ишни да аллы къыйынды.
- Чакъырылмагъан къонакъ – орунсуз.
- Джарашыу сюйген – джалынчакъ.
- Байлыкъ адамны сокъур этер.
- Мураты болгъанны джюрек тебюую башхады.
- Джетген къыз джерли эшекни танымаз.
- Таула не мийик болсала да, аууш табылыр.
- Ач да бол, токъ да бол – намысынга бек бол.
- Тёзген – тёш ашар!
- Азыгъы аз, алгъа къабар, аты аман, алгъа чабар.
- Элге къуллукъ этмеген, элге ие болмаз.
- Эри аманны, къатыны – аман.
- Чомартха Тейри да борчлуду.
- Алтыда кюлмеген, алтмышда кюлмез.
- Чабакъгъа акъыл, табагъа тюшсе келеди.
- Уруну арты – къуру.
Что стало с чатом?
Читают тему (гостей: 1)