- Бир абыннган – минг сюрюнюр.
- Ёмюрлюк шохлукъну джел элтмез.
- Атынг аманнга чыкъгъандан эсе, джанынг тамагъынгдан чыкъсын.
- Таугъа чыгъаллыкъ эсенг, тюзде къалма.
- Ариу сёз аурууунгу алыр.
- Тик ёргени, тик энгишгеси да болады.
- Иги адам абынса да, джангылмаз.
- Джахил болса анасы, не билликди баласы?
- Минг тенг да азды, бир джау да кёбдю.
- Къуру гыбыт бек дыгъырдар.
- Адеб базарда сатылмаз.
- Ана къолу ачытмаз.
- Тюз сёз баргъан сууну тыяр.
- Джырына кёре эжиую.
- Ат басханны джер билед.
- Онгсузну – джакъла, тенгликни – сакъла.
- Ётген ёмюр – акъгъан суу.
- Туз, гырджын аша, тюзлюк бла джаша.
- Ёлген аслан – сау чычхан.
- Сёлеш деб шай берген, тохта деб, сом берген.
- Азыгъы аз, алгъа къабар, аты аман, алгъа чабар.
- Чомарт джарлы болмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Кёлю джокъну – джолу джокъ.
- Таукелге нюр джауар.
- Аууздан келген, къолдан келсе, ким да патчах болур эди.
- Айтылгъан буйрукъ, сёгюлмез
- Аманны тукъумуна къарама, игини тукъумун сорма.
- Эл ауузу – элек, анга ийнаннган – халек.
- Биреуню тёрюнден, кесинги эшик артынг игиди.
- Тыш элде солтан болгъандан эсе, кесинги элде олтан болгъан игиди!
- Эшекни не къадар тюйсенг да, ат болмаз.
- Малны кют, джерни тюрт.
- Мал тутхан – май джалар.
- Зарда марда джокъ.
- Эр абынмай, эл танымаз.
- Къазанны башы ачыкъ болса, итге уят керекди.
- Байдан умут эте, джарлыдан ёгюз багъасы къорады.
- Байлыкъ тауусулур, билим тауусулмаз.
- Керти сёзге тёре джокъ.
- Тас болгъан бычакъны сабы – алтын.
- Кёбден умут этиб, аздан къуру къалма.
- Битмегеннге сакъал – танг.
- Намыс сатылыб алынмайды.
- Байны оноуу, джарлыгъа джарамаз.
- Кёзден кетген, кёлден да кетеди.
- Къыйынлы джети элни къайгъысын этер.
- Къыз тиширыу кеси юйюнде да къонакъды.
- Сормай – алма, чакъырылмай – барма.
- Башланнган иш битер, къымылдагъан тиш тюшер.
силовой тренинг, единоборства, самозащита, здоровье.....
|
спасибо, интересные сайты, прочитал с удовольствием, буду еще заглядывать))
|
||||
|
|
|
|||
Читают тему (гостей: 1)