- Къызбайны юйюне дери сюрсенг, батыр болур.
- Тилчи бир сагъатха айлыкъ хата этер.
- Къуллукъчума, деб махтанма, къуллукъ – хаух джамчыды!
- Джашынгы кесинг юретмесенг, джашау юретир.
- Берекет берсин деген джерде, берекет болур.
- Миллетни бойну – базыкъ, аны бла кюрешген – джазыкъ.
- Кёб джат да, бек чаб.
- Ата Джуртун танымагъан, атасын да танымаз.
- Аман адам этегингден тутса, кес да къач.
- Джауумдан сора, кюн кюйдюрюр, ётюрюкден сора, айыб кюйдюрюр.
- Джол бла сёзню къыйыры джокъ.
- Тюзлюк шохлукъну бегитир.
- Джаш къарыу бла кючлю, къарт акъыл бла кючлю.
- Къартха ушагъан джаш – акъыллы, джашха ушагъан къарт – тели.
- «Ёгюз, джаргъа джууукъ барма, меннге джюк боллукъса», - дегенди эшек.
- Таугъа чыгъаллыкъ эсенг, тюзде къалма.
- Бет бетге къараса, бет да джерге къарар.
- Игини сыйлагъан адетди.
- Ханнга да келеди хариблик.
- Алтыда кюлмеген, алтмышда кюлмез.
- Экеу тутушса, биреу джыгъылыр.
- Къошда джокъгъа – юлюш джокъ.
- Къазанны башы ачыкъ болса, итге уят керекди.
- Аурууну келиую тынч, кетиую – къыйын.
- Керек ташны ауурлугъу джокъ.
- Чоюнну башы ачыкъ болса, итге уят керекди.
- Телиге от эт десенг, юйюнге от салыр.
- Ишлегенде эринме, ишде чолакъ кёрюнме.
- Эркиши – от, тиширыу – суу.
- Кюн кёрмеген, кюн кёрсе, кюндюз чыракъ джандырыр.
- Телиге акъыл салгъандан эсе, ёлгеннге джан салырса.
- Ачылгъан эт джабылыр, кёрген кёз унутмаз.
- Иги сеники эсе да, сюйген кесимикин этеме.
- Айтылгъан сёз ызына къайтмаз.
- Къарыусузгъа кюлме, онгсузгъа тийме.
- Аманны эки битли тону болур, бирин сеннге кийдирир, бирин кеси киер.
- Ауурну тюбю бла, дженгилни башы бла джюрюген.
- Эринчекге кюн узун.
- Тыш элде солтан болгъандан эсе, кесинги элде олтан болгъан игиди!
- Кёзню ачылгъаны – иги, ауузну джабылгъаны – иги.
- Джюрекге ариу – кёзге да ариу.
- Телини эшигин, махтау джабар.
- Кийимни бичсенг, кенг бич, тар этген къыйын тюлдю.
- Башланнган иш битер, къымылдагъан тиш тюшер.
- Ишни аллы бла къууанма да, арты бла къууан.
- Ауузу аманнга «иги», деме.
- Сютню башын джалагъан къутулур, тюбюн ичген тутулур.
- Ашда – бёрю, ишде – ёлю.
- Чёбню кёлтюрсенг, тюбюнден сёз чыгъар.
- Намысы джокъну – дуниясы джокъ.
[ Закрыто ] Вопрос джашлагъа, но мнение къызланы тоже важно
Читают тему (гостей: 1)