- Тешик этген тынчды, аны джамагъан къыйынды.
- Ханнга да келеди хариблик.
- Адебсиз адам – джюгенсиз ат.
- Терслик кетер, тюзлюк джетер.
- Тойгъан антын унутур.
- Ауузу аманнга «иги», деме.
- Джаш болсун, къыз болсун, акъылы, саны тюз болсун.
- Борчунг бар эсе, хурджунунга ойлаб узал.
- Адам туугъан джеринде, ит тойгъан джеринде.
- Рысхы джалгъанды: келген да этер, кетген да этер.
- Ёгюзню мюйюзлери ауурлукъ этмейдиле.
- Къонагъы джокъну – шоху джокъ.
- Ач бёрюге мекям джокъ.
- Ат да турмайды бир териде.
- Бозанг болмагъан джерге, къалагъынгы сукъма.
- Хар ишни да аллы къыйынды.
- Иги адам абынса да, джангылмаз.
- Ойнаб айтсанг да, эслеб айт.
- Бозаны арты дауур болур.
- Ойнай билмеген, оюн бузар.
- Телиге акъыл салгъандан эсе, ёлгеннге джан салырса.
- Адамгъа аман кюн соруб келмейди.
- Тил джюрекге джол ишлейди.
- Джарашыу сюйген – джалынчакъ.
- Кёлю джокъну – джолу джокъ.
- Атадан ёксюз – бир ёксюз, анадан ёксюз – эки ёксюз.
- Аллахдан тилесенг, кёб тиле.
- Бюгюн дуния кибик, тамбла ахыратды.
- Биреуню тёрюнден, кесинги эшик артынг игиди.
- Ёлмесенг да, къарт дамы болмазса?
- Бир абыннган – минг сюрюнюр.
- Сибиртки да сыйлы болду, кюрек да кюнлю болду.
- Чабакъ башындан чирийди.
- Къайгъыны сюйген, къайгъы табар.
- Айранын берсенг, челегин да къызгъанма.
- Чакъырылмай келген къонакъ сыйланмай кетер.
- Кёбден умут этиб, аздан къуру къалма.
- Телини эшигин, махтау джабар.
- Кюл тюбюндеги от кёрюнмейди.
- Байлыкъдан саулукъ ашхыды.
- Ашхы адам – халкъ байлыгъы, ашхы джер – джашау байлыгъы.
- Ауругъаннга – кийик саулукъ, джетген къызгъа – чилле джаулукъ.
- Нафысынгы айтханын этме, намысынгы айтханын эт.
- Башы ишлегенни, ауузу да ишлер.
- Билмезни кёзю кёрмез, этмезни къулагъы эшитмез.
- Ичимден чыкъды хата, къайры барайым сата?
- Ойнай билмеген, уруб къачар.
- Азыгъы аз, алгъа къабар, аты аман, алгъа чабар.
- Юйюнгден чыкъдынг – кюнюнгден чыкъдынг.
- Келгинчи, къонакъ уялыр, келгенден сора, къонакъбай уялыр.
[ Закрыто ] Девчонки с Кисловодска
Читают тему (гостей: 1)