- Джашда акъыл джокъ, къартда къарыу джокъ.
- Кёлю джокъну – джолу джокъ.
- Тёзгеннге, джабылгъан эшик ачылыр.
- Бети бедерден, намыс сакълама.
- Къайтырыкъ эшигинги, къаты уруб чыкъма.
- Къолунгдан къуймакъ ашатсанг да, атаны борчундан къутулмазса.
- Келинни – келгинчи, бёркню кийгинчи кёр.
- Ашда – бёрю, ишде – ёлю.
- Кесине оноу эте билмеген, халкъына да эте билмез.
- Къуру гыбыт бек дыгъырдар.
- Ач да бол, токъ да бол – намысынга бек бол.
- Чакъырылмагъан къонакъ тёрге атламаз.
- Ашлыкъны арба юйге келтирир, чана базаргъа элтир.
- Ашхы болсанг, атынг чыгъар, аман болсанг, джанынг чыгъар.
- Ата джурт – алтын бешик.
- Къралынгы – душмандан, башынгы от бла суудан сакъла.
- Ауузу бла къуш тута айланады.
- Ашхы – джыяр, аман – джояр.
- Харам къарнашдан, халал тенг ашхы.
- Намыс сатылыб алынмайды.
- Ата Джуртун танымагъан, атасын да танымаз.
- Акъылсызны джууукъгъа алма, акъыллыны кенгнге салма.
- Аш хазыр болса, иш харам болур.
- Рысхысына кёре, джаш ёсер, къышлыгъына кёре, мал ёсер.
- Адамны адамлыгъы къыйынлыкъда айгъакъланады.
- Мал тутхан – май джалар.
- Рысхы – насыбха къор.
- Къонакъ хазыр болгъанлыкъгъа, къонакъбай хазыр тюлдю.
- Ариу сёзде ауруу джокъ.
- Тилсиз миллет джокъ болур.
- Окъугъан – асыу, окъумагъан – джарсыу.
- Ичимден чыкъды хата, къайры барайым сата?
- Кюл тюбюндеги от кёрюнмейди.
- Джангызны оту джарыкъ джанмаз!
- Тилде сюек болмаса да, сюек сындырыр.
- Тура эдим джата, къайдан чыкъды хата?
- Эринчекни аурууу – кёб.
- Ата – баланы уясы.
- Къатын байлыкъны сюер, эр саулукъну сюер.
- Игилик игилик бла сингдирилиучю затды.
- Таякъ этден ётер, тил сюекден ётер.
- Ойнай-ойнай кёз чыгъар.
- Гугук кесини атын айтыб къычыргъанча, мен, мен деб нек тураса?
- Тойгъа алгъа да барма, тойда артха да къалма.
- Сёлеш деб шай берген, тохта деб, сом берген.
- Босагъагъа джууукъ орун болса, ашыгъыб тёрге озма.
- Ёгюзню мюйюзлери ауурлукъ этмейдиле.
- Эркишини аманы тиширыуну джылатыр.
- Хар адамгъа кеси миннген тау кибик.
- Ойнаб айтсанг да, эслеб айт.
[ Закрыто ] ПРАВОСЛАВНЫЕ КАРАЧАЕВО-БАЛКАРЦЫ
Читают тему (гостей: 1)