- Эли джокъну – кёлю джокъ.
- Эркиши – от, тиширыу – суу.
- Къызын тута билмеген, тул этер, джашын тута билмеген, къул этер.
- Таугъа чыгъаллыкъ эсенг, тюзде къалма.
- Азыкълы ат арымаз, къатыны аман джарымаз.
- Тилсиз миллет джокъ болур.
- Бал – татлы, балдан да бала – татлы.
- Нёгерсизни джолу узун.
- Кёкдеги болмаса, джердегин кёрмейди.
- Малны кют, джерни тюрт.
- Ата – баланы уясы.
- Азыкъ аз болса, эртде орун сал.
- Кютгени беш эчки, сызгъыргъаны уа, джерни джарады.
- Дуния аламаты сен эсенг да, игиме деб айтма.
- Тынгылагъан тынгы бузар.
- Уллу айтханны этмеген – уллаймаз.
- Ариу сёзде ауруу джокъ.
- Джумушакъ терекни къурт ашар.
- Къонагъы джокъну – шоху джокъ.
- Гитче джилтин уллу элни джандырыр.
- Джюрекге ариу – кёзге да ариу.
- Къаллай салам берсенг, аллай джууаб алырса.
- Таукел тауну аудурур.
- Ауузу бла къуш тута айланады.
- Юйлю уругъа ит чабмаз.
- Атынг аманнга чыкъгъандан эсе, джанынг тамагъынгдан чыкъсын.
- Ачылгъан эт джабылыр, кёрген кёз унутмаз.
- Сагъыш – къартлыкъгъа сюйюмчю.
- Келинин тута билмеген, къул этер, къызын тута билмеген, тул этер.
- Болджал ишни бёрю ашар.
- Къозулугъунда тоймагъан, къойлугъунда тоймаз.
- Адамны аты башхача, акъылы да башхады.
- Билим насыб берир, билим джолну керир.
- Къызны минг тилер, бир алыр.
- Чёбню кёлтюрсенг, тюбюнден сёз чыгъар.
- Джарлы тюеге минсе да, ит къабар.
- Джырчы ёлсе, джыры къалыр.
- Тойгъа алгъа да барма, тойда артха да къалма.
- Аманнга игилик этсенг, юйюнге сау бармазса.
- Ариу сёз аурууунгу алыр.
- Кюн кёрмеген, кюн кёрсе, кюндюз чыракъ джандырыр.
- Тойчу джашха къарама, къойчу джашха къара.
- Ким бла джюрюсенг, аны кёзю бла кёрюнюрсе.
- Ашын ашагъанынгы, башын да сыйла.
- Билимли ёлмез, билимсиз кёрмез.
- Эр абынмай, эл танымаз.
- Аджашханны ызындагъы кёреди, джангылгъанны джанындагъы биледи.
- Хатерли къул болур.
- Биреуге кёлтюрген таягъынг, кесинги башынга урур.
- Тюзлюк тас болмайды.
[ Закрыто ] ПРАВОСЛАВНЫЕ КАРАЧАЕВО-БАЛКАРЦЫ
Читают тему (гостей: 1)