- Шекер бла туз – бир болмаз, ушамагъан – юй болмаз.
- Эр сокъур болсун, къатын тилсиз болсун.
- Таякъ этден ётер, тил сюекден ётер.
- Ашыкъгъанны этеги бутуна чырмалыр.
- Чомартны къолун джокълукъ байлар.
- Танг атмайма десе да, кюн къоярыкъ тюйюлдю.
- Керилген да, ургъан кибикди.
- Тойгъан джерге джети къайт.
- Аш иеси бла татлыды.
- Тойчу джашха къарама, къойчу джашха къара.
- Келинни – келгинчи, бёркню кийгинчи кёр.
- Aдам боллукъ, сыфатындан белгили.
- Тамбла алтындан бюгюн багъыр ашхы.
- Къазанда болса, чолпугъа чыгъар.
- Сютню башын джалагъан къутулур, тюбюн ичген тутулур.
- Тойгъанлыкъ къойгъа джарашады.
- Алтыннга тот къонмаз.
- Ачылгъан эт джабылыр, кёрген кёз унутмаз.
- Къоркъакъны кёзю экили кёрюр.
- Тау башында, тау болмаз, джангыз терек, бау болмаз.
- Мал кёб болса, джууукъ кёб болур.
- Ишленмеклик адамлыкъды.
- Къолунгдан къуймакъ ашатсанг да, атаны борчундан къутулмазса.
- Ауузу бла къуш тута айланады.
- Ауузу аманнга «иги», деме.
- Аман хансны – урлугъу кёб.
- Чомарт къонакъ юй иесин сыйлар.
- Байны къызы баймакъ болса да, юйде къалмаз!
- Къуллукъчума, деб махтанма, къуллукъ – хаух джамчыды!
- Бети – къучакълар, джюреги – бычакълар.
- Тил – кесген бычакъ, сёз – атылгъан окъ.
- Адам къаллай бир ишленмесе, аллай бир кесин уллу кёреди.
- Окъдан джара эртде-кеч болса да бителир, сёз джара, ёмюрге къалыр.
- Джаш къарыу бла кючлю, къарт акъыл бла кючлю.
- Ханнга да келеди хариблик.
- Джангызны оту джарыкъ джанмаз!
- Кёзю сокъурдан – къоркъма, кёлю сокъурдан – къоркъ.
- Къолу уллу – асыу, аягъы уллу – джарсыу.
- Къонагъы джокъну – шоху джокъ.
- Акъыл неден да кючлюдю.
- Биреу къой излей, биреу той излей.
- Къатыны харакетли болса, эри къымсыз болур.
- Хансыз джомакъ болмаз.
- Аууздан келген, къолдан келсе, ким да патчах болур эди.
- Къаллай салам берсенг, аллай джууаб алырса.
- Алгъанда – джууукъ, бергенде – джау.
- Атлыны ашхысы, ат тизгининден билинир
- Джахил болса анасы, не билликди баласы?
- Халкъны юйю – туугъан джери.
- Битмегеннге сакъал – танг.
[ Закрыто ] Как выводить пятна
Читают тему (гостей: 1)