- Сагъыш – къартлыкъгъа сюйюмчю.
- Аджал соруб келмез, келсе, къайтыб кетмез.
- Джарлы эскисин джамаса, къууаныр.
- Эте билген, этген этеди, эте билмеген, юретген этеди!
- Ашлыкъны арба юйге келтирир, чана базаргъа элтир.
- Тилчи бир сагъатха айлыкъ хата этер.
- Къызгъанчдан ычхыныр, мухардан ычхынмаз.
- Чабакъгъа акъыл, табагъа тюшсе келеди.
- Эшекге миннген – биринчи айыб, андан джыгъылгъан – экинчи айыб.
- Кирсизни – саны таза, халалны – къаны таза.
- Кёлю джокъну – джолу джокъ.
- Садакъачыны джаны – къапчыгъында.
- Сабийликде юретмесенг, уллу болса – тюзелмез.
- Къулакъдан эсе, кёзге ышан.
- Чомартха Тейри да борчлуду.
- Уллу къашыкъ эрин джыртар.
- Ашхы адам – халкъ байлыгъы, ашхы джер – джашау байлыгъы.
- Терек ауса, отунчу – кёб.
- Айтылгъан буйрукъ, сёгюлмез
- Ауругъан – джашаудан умутчу.
- Биреуге кёлтюрген таягъынг, кесинги башынга урур.
- Къайгъы тюбю – тенгиз.
- Игини сыйлагъан адетди.
- Суу да къайтады чыкъгъан джерине.
- От кюйдюрген, сау болса да, тот кюйдюрген, сау болмаз.
- Огъурлуну сёзю – суу, огъурсузну сёзю – уу.
- Тас болгъан бычакъны сабы – алтын.
- Эм ашхы къайын ана мамукъ бла башынгы тешер.
- Окъугъанны бети джарыкъ.
- Игилик игилик бла сингдирилиучю затды.
- Керти сёзге тёре джокъ.
- Кийимни бир кюнню аясанг, минг кюннге джарар.
- Арпа, будай – ащды, алтын, кюмюш а – ташды.
- Тыш элде солтан болгъандан эсе, кесинги элде олтан болгъан игиди!
- Дууулдаса – бал чибин, къонса – къара чибин.
- Байны оноуу, джарлыгъа джарамаз.
- Ашда – бёрю, ишде – ёлю.
- Чакъырылмагъан къонакъ къачан кетерин сормаз.
- Тойгъа барсанг, тоюб бар, эски тонунгу къоюб бар.
- Ашарыкъда сайлагъаннга – чий гырджын.
- Джылкъыдан – ат чыгъар, тукъумдан – джаш чыгъар.
- Арбаз къынгырды да, ийнек сауалмайма.
- Кюлме джашха – келир башха.
- Эрине къаргъыш этген къатын, эрнин къабар.
- Иесиз малны бёрю ашар.
- Джан саулукъ бермей, сан саулукъ бермезсе.
- Тура эдим джата, къайдан чыкъды хата?
- «Ёгюз, джаргъа джууукъ барма, меннге джюк боллукъса», - дегенди эшек.
- Ёзденликни джайгъан – джокълукъ.
- Суугъа – чабакъ, къаягъа – ыргъакъ.
[ Закрыто ] Как выводить пятна
Читают тему (гостей: 1)