- Къыйынлы джети элни къайгъысын этер.
- Чарсда алчыны эл кёреди.
- Бермеген къол, алмайды.
- Къонагъы джокъну – шоху джокъ.
- Кюлме джашха – келир башха.
- Ариу сёз джыланны орнундан чыгъарыр.
- Таш ата билмеген, башына урур.
- Адамгъа аман кюн соруб келмейди.
- Сёз – кюмюш, джыр – алтын.
- Сакъ юйюне сау барыр.
- Кийиминг бла танылма, адамлыкъ бла таныл.
- Кёз – сюйген джерде, къол – ауругъан джерде.
- Чабар ат – джетген къыз.
- Тамчы таш тешер.
- Аджал соруб келмез, келсе, къайтыб кетмез.
- Къонакъ аман болса, къонакъбай джунчур
- Сыфатында болмагъаны, суратында болмаз.
- Элге къуллукъ этмеген, элге ие болмаз.
- Кеси юйюмде мен да ханма.
- Айтхан сёзюне табылгъан.
- Къазанчы аман болса, къазаны къайнамаз.
- Зарда марда джокъ.
- Ётюрюкчюню шагъаты – къатында.
- Хата – гитчеден.
- Джюрекге ариу – кёзге да ариу.
- Аллахдан тилесенг, кёб тиле.
- Къууут – джелге, берне – бошха.
- Таукелге нюр джауар.
- Аджаллыгъа окъсуз шкок атылыр.
- Накъырданы арты керти болур.
- Адам къаллай бир ишленмесе, аллай бир кесин уллу кёреди.
- Ойнаб айтсанг да, эслеб айт.
- Агъач халкъгъа алтынды, иссиликге салкъынды.
- Экеу тутушса, биреу джыгъылыр.
- Джангызны оту джарыкъ джанмаз!
- Эки ойлашыб, бир сёлешген.
- Кесине оноу эте билмеген, халкъына да эте билмез.
- Аурууну келиую тынч, кетиую – къыйын.
- Кесинге джетмегенни, кёб сёлешме.
- Окъдан джара эртде-кеч болса да бителир, сёз джара, ёмюрге къалыр.
- Бек ашыкъгъан меннге джетсин, дегенди аракъы.
- Джарлыны эшигин махтагъан джабар.
- Этни да ашады, бетни да ашады.
- Къатын къылыкъсыз, эр тынчлыкъсыз.
- Кёзню ачылгъаны – иги, ауузну джабылгъаны – иги.
- Чабакъсыз кёлге къармакъ салгъанлыкъгъа, чабакъ тутмазса.
- Аманнга алтын чыдамаз.
- Эркишини аманы тиширыуну джылатыр.
- Сибиртки да сыйлы болду, кюрек да кюнлю болду.
- Кюн кёрмеген, кюн кёрсе, кюндюз чыракъ джандырыр.
[ Закрыто ] Бизни миллет джер юсюнде сакъланырмы?
Читают тему (гостей: 1)