- Арбаз сайлама да, хоншу сайла.
- Бети къызарыучу адамны, джюреги харам болмаз.
- Юреннген ауруу къалмаз.
- Рысхысына кёре, джаш ёсер, къышлыгъына кёре, мал ёсер.
- Къалгъан ишге къар джауар.
- Хар ишни да аллы къыйынды.
- Чарсда алчыны эл кёреди.
- Адеб джокъда, намыс джокъ.
- Ач къалгъандан, кеч къалгъан къолай.
- Къартны бурнун сюрт да, оноугъа тут.
- Азыкълы ат арымаз, къатыны аман джарымаз.
- Керилген да, ургъан кибикди.
- Кёб джашагъан – кёб билир.
- Ёгюзню мюйюзлери ауурлукъ этмейдиле.
- Джумушакъ сёз къаты таякъны сындырыр.
- Хантына кёре тузу, юйюне кёре къызы.
- Чакъырылмагъан къонакъ – орунсуз.
- Аман къатын сабий табса, бий болур…
- Къарны аманнга къазан такъдырма, къолу аманнга от джакъдырма.
- Къарнынг бла ёч алма.
- Ашда – бёрю, ишде – ёлю.
- Аууздан келген, къолдан келсе, ким да патчах болур эди.
- Босагъа таш юйге кирмей эди, тыбыр таш эшикге чыкъмай эди.
- Тенгни тенглиги джашай барсанг билинир.
- Адебсиз адам – джюгенсиз ат.
- Чоюнну башы ачыкъ болса, итге уят керекди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эллинг бла джау болсанг да, юйюнг бла джау болма.
- Хоншуну тауугъу къаз кёрюнюр, келини къыз кёрюнюр.
- Кёзюнде тереги болгъан, чёбю болгъаннга кюле эди.
- Айтхан сёзюне табылгъан.
- Айтханы чапыракъдан ётмеген.
- Къатыны харакетли болса, эри къымсыз болур.
- Билмезни кёзю кёрмез, этмезни къулагъы эшитмез.
- Бир онгсуз адам адет чыгъарды, деб эштирик тюлсе.
- Сютден ауузу кюйген, суугъа юфгюре эди.
- Гугурук къычырмаса да, тангны атары къалмаз.
- Бёрю да ач къалмасын, эчки да ашалмасын.
- Эринчекни эр алмаз, эр алса да, кёл салмаз, кёл салса да, кёб бармаз!
- Джырчы джырчыгъа – къарнаш.
- Ата – билек, ана – джюрек!
- Бек анасы джыламаз.
- Бет бетге къараса, бет да джерге къарар.
- Тойгъа алгъа да барма, тойда артха да къалма.
- Ач, тоймам, дейди, тойгъан, ач болмам, дейди.
- Айтхан – тынч, этген – къыйын.
- Тойгъан джерге джети къайт.
- Ач къарынны, токъ билмез
- Хар адамгъа кеси миннген тау кибик.
- Ёлюр джаннга, ёкюл джокъ.
[ Закрыто ] Карачаевцы в Новой Зеландии
Читают тему (гостей: 1)