- Абынмазлыкъ аякъ джокъ, джангылмазлыкъ джаякъ джокъ.
- Къая джолда джортма, ачыкъ сёзден къоркъма.
- Къыз тиширыу кеси юйюнде да къонакъды.
- Уллу сёзде уят джокъ.
- Ариу сёз джыланны орнундан чыгъарыр.
- Тилчи тилден къаныкъмаз.
- Термилгенинги табмазса, кюлгенинге тюберсе.
- Эллинг бла джау болсанг да, юйюнг бла джау болма.
- Джыгъылгъанны сырты джерден тоймаз.
- Тил – миллетни джаны.
- Адам боллукъ, атламындан белгили болур.
- Ашарыкъда сайлагъаннга – чий гырджын.
- Чомартны къолу берекет.
- Тынгылагъан тынгы бузар.
- Берекет берсин деген джерде, берекет болур.
- Аманнга алтын чыдамаз.
- Хата – гитчеден.
- Сууда джау джокъ, кёб сёзде магъана джокъ.
- Аман адам этегингден тутса, кес да къач.
- Кесинге джетмегенни, кёб сёлешме.
- От кюйдюрген, сау болса да, тот кюйдюрген, сау болмаз.
- Кёпюр салгъан кеси ётер, уру къазгъан кеси кетер.
- Акъыллы башны – тили къысха.
- Хунаны тюбюн къазсанг, юсюнге ауар.
- Эринчекни эр алмаз, эр алса да, кёл салмаз, кёл салса да, кёб бармаз!
- Уллу къазанда бишген эт, чий къалмаз.
- Тамчы таш тешер.
- Кюлме джашха – келир башха.
- Терек ауса, отунчу – кёб.
- Иги адам абынса да, джангылмаз.
- Атлыны ашхысы, ат тизгининден билинир
- Бал чибинни ургъаны – ачы, балы – татлы.
- Сабий кёргенин унутмаз.
- Ишлегенден, къарагъан уста.
- Ишленмеген джаш – джюгенсиз ат, ишленмеген къыз – тузсуз хант.
- Кёлю джокъну – джолу джокъ.
- Нёгер болсанг, тенг бол, тенг болмасанг, кенг бол.
- Ёлюк кебинсиз къалмаз.
- Билмегенинги, билгеннге сор.
- Киштикге къанат битсе, чыпчыкъ къалмаз эди.
- Тилчиден кери бол.
- Ачыкъ джюрекге джол – ачыкъ.
- Къыйынлы джети элни къайгъысын этер.
- Джаханимни кёрмей, джандетге кёл салмазса.
- Айранны сюйген, ийнек тутар.
- Джашда акъыл джокъ, къартда къарыу джокъ.
- Дууулдаса – бал чибин, къонса – къара чибин.
- Ышармагъан – кюлмез, кюлмеген – къууанчны билмез.
- Татлы тилде – сёз ариу, чемер къолда – иш ариу.
- Агъач – джерни чырайы, кийим – эрни чырайы.
[ Закрыто ] кто умеет танцевать
Читают тему (гостей: 1)