Кюлме джашха – келир башха.
Алма терегинден кери кетмез.
Ёпкелегенни ашы татлы болады.
Зар адамны насыбы болмаз.
Чабакъсыз кёлге къармакъ салгъанлыкъгъа, чабакъ тутмазса.
Джыланны къуйругъундан басарынг келсе, аны башы болгъанын унутма.
Атлыны ашхысы, ат тизгининден билинир
Эшекни не къадар тюйсенг да, ат болмаз.
Акъыл неден да кючлюдю.
Тау башында, тау болмаз, джангыз терек, бау болмаз.
Магъанасыз сёз – тауушсуз сыбызгъы.
Ёлген аслан – сау чычхан.
Огъурлуну сёзю – суу, огъурсузну сёзю – уу.
Тил бла келеди джыр да.
Ауузу бла къуш тута айланады.
Ашхы адам – халкъ байлыгъы, ашхы джер – джашау байлыгъы.
Татлы сёз – балдан татлы.
Тёзген – тёш ашар!
Къартны сыйын кёрмеген, къартлыгъында сыйлы болмаз.
Аман адамны тепсинге олтуртсанг, къызынгы тилер.
Чомартха Тейри да борчлуду.
Аджал соруб келмез, келсе, къайтыб кетмез.
Къарнынг тойгъунчу аша да, белинг талгъынчы ишле.
Биреуге аманлыкъ этиб, кесинге игилик табмазса.
Суу кетер, таш къалыр.
Ётюрюкден тюбю джокъ, кёлтюрюрге джиби джокъ.
Берекет берсин деген джерде, берекет болур.
Таукел адам тау тешер.
Ата Джуртуму башы болмасам да, босагъасында ташы болайым.
Шекер бла туз – бир болмаз, ушамагъан – юй болмаз.
Бермеген къол, алмайды.
Адеб джокъда, намыс джокъ.
Билгенни къолу къарны джандырыр.
Аджашхан тёгерек айланыр.
Экиндини кеч къылсанг, чабыб джетер ашхам.
Къарыусузгъа кюлме, онгсузгъа тийме.
Мадар болса, къадар болур.
Байлыкъ келсе, акъыл кетер.
Аш иеси бла татлыды.
Алгъанда – джууукъ, бергенде – джау.
Бозаны арты дауур болур.
Ханнга да келеди хариблик.
Джарлыны тону джаз битер.
Гитче джилтин уллу элни джандырыр.
Ауругъанны сау билмез, ач къарынны токъ билмез.
Халкъны юйю – туугъан джери.
Олтуруб кёрюнмей эди да, ёрге туруб кёрюне эди.
Окъумагъан сокъурду, сокъур ташха абыныр!
Ата Джуртун танымагъан, атасын да танымаз.
Ишлемеген – тишлемез.
