Къарнынг ауруса, ауузунгу тый
Джолунга кёре – джюрюшюнг, джагъанга кёре – юлюшюнг.
Ичимден чыкъды хата, къайры барайым сата?
Къартны бурнун сюрт да, оноугъа тут.
Намыс болмагъан джерде, насыб болмаз.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Ашхы – джыяр, аман – джояр.
Кёлю джокъну – джолу джокъ.
Гугурук къычырмаса да, тангны атары къалмаз.
Ач отунчуну ачыуу – бурнунда.
Эри аманны, къатыны – аман.
Бек ашыкъгъан меннге джетсин, дегенди аракъы.
Тили узунну, намысы – къысха.
Къарыусузгъа кюлме, онгсузгъа тийме.
Бёрю да ач къалмасын, эчки да ашалмасын.
Биреуню къыйынлыгъы бла кесинге джол ишлеме.
Эркиши – от, тиширыу – суу.
Аууз сакълагъан – джан сакълар.
Юреннген ауруу къалмаз.
Оюмсуз атлагъан, аджалсыз ёлюр.
Насыб бютеу халкъны юлюшюдю.
Ариу сёз – къылычдан джити.
Къуллукъчума, деб махтанма, къуллукъ – хаух джамчыды!
Элге къуллукъ этмеген, элге ие болмаз.
Сабий кёргенин унутмаз.
Магъанасыз сёз – тауушсуз сыбызгъы.
Окъугъан – асыу, окъумагъан – джарсыу.
Къарт айтханны этмеген, къартаймаз.
Ашхы атаны – джашы ашхы, ашхы ананы – къызы ашхы.
Эрине къаргъыш этген къатын, эрнин къабар.
Дуния мал дунияда къалады.
Тенги кёбню джау алмаз, акъылы кёбню дау алмаз.
Игиге айтсанг – билир, аманнга айтсанг – кюлюр.
Адам бла мюлк юлешмеген эсенг, ол адамны билиб бошагъанма, деб кесинги алдама.
Джюз элде джюз ёгюзюм болгъандан эсе, джюз джууугъум болсун.
Окъумагъан сокъурду, сокъур ташха абыныр!
Чалманны аллы къалай башланса, арты да алай барады.
Тюкюрюк баш джармаз, налат кёз чыгъармаз!
Сёз – кюмюш, джыр – алтын.
Къобан да къуру да къобханлай турмайды, адам да къуру да патчахлай турмайды.
Нарт сёз – тилни бети.
Тешик этген тынчды, аны джамагъан къыйынды.
Тюзню ётмеги тюзде къалса да, тас болмаз.
Ёгюзню мюйюзлери ауурлукъ этмейдиле.
Билген билмегенни юретген адетди.
Ишни аллы бла къууанма да, арты бла къууан.
Тенгинг джокъ эсе – изле, бар эсе – сакъла!
Ишлемеген – тишлемез.
Сабийликде юретмесенг, уллу болса – тюзелмез.
Орундукъ тюбюнде атылсам да, орта джиликме, де да айлан.
